Sõadga 10:10 - WẼNNAAM SEBRE 2014

¹⁰ Yãmb sũ-noog daare, ne y tigr daare, la y ki-paalg tigr wakate, bɩ y peeb y tãntãadã wakat ning yãmb sẽn maand maoong sẽn yõogd bugmã, ne y zems-n-taar maoongã. Woto, mam ka na n yĩm yãmb yell ye. Mam yaa Sẽn-Ka-Saab sẽn yaa yãmb Wẽnnaam.»

SEBR SÕNGO

¹⁰ Y sã n wa tar y sũ-noog raare, y kibsa, y tig-raase, y kʋʋda y yũ-noog la y laafi kosg maanda tɩ tõntõoda naag n peebdẽ. B na n neka Wẽnnaam y Soaala pʋ-tẽer. Maam la y Wẽnnaam dũnna la beoogo.»

Sõadga 10:10 Iomraidhean Croise

2 Rĩm-dãmba 4:23

A sɩdã sok-a lame: «Yaa noog tɩ f rabd Wẽnnaam daoã nengẽ rũndã? Bala, ka ki-paalga, leb n ka vʋʋsg daar me.» La pagã leok-a lame tɩ yell ka be ye.

1 Kibayã 15:24

Maan-kʋʋdb a Sebaniya, a Zozafate, a Netaneyɛlle, a Amasayi, a Zakari, la a Benaya ne Eliyezɛɛre, n dag n peebd tãntãadã Wẽnnaam kaoolã koglgã taoore. A Obɛɛd-Edom ne a Yehiya n dag n gũud kaoolã koglgã.

1 Kibayã 15:28

Dẽ, Israyɛll nebã fãa rɩka Sẽn-Ka-Saab kaoolã koglgã la b yɩɩnd n kaasdẽ, la b wẽed nug-poaka, n peebd tãntãado, la b wẽed kɛma, ne kʋl la pendse.

1 Kibayã 16:42

A Eman ne a Yedutun dag n peebda bardo, la b wẽed kɛma, n paas Wẽnnaam yʋʋr waoogr yʋʋm-teed a taabã. A Yedutun kom-dibli wã la b rag n yãk tɩ b yaa rignoorã gũudba.

2 Kibayã 29:26

Leevi nebã sẽn wa n dɩk b zĩisã ne a Davɩɩd yʋʋm-teedã n sɛ wã, tɩ maan-kʋʋdbã me yasa ne b tãntãadã.

2 Kibayã 29:28

Zãmã wã fãa wõgemdame, la b rag n yɩɩndame, tɩ tãntãadã peebdẽ, hal tɩ b wa n maan maoong sẽn yõogd bugmã n sɛ.

2 Kibayã 7:6

Maan-kʋʋdbã rag n yasa b zĩigẽ. La Leevi nebã rag n tara Sẽn-Ka-Saab yʋʋm teedã. Yʋʋm teed nins a Davɩɩd sẽn dag n kɩt tɩ b maan n waoogd Sẽn-Ka-Saabã. Bala, bãmb nonglmã paada wakat fãa.

Esdras 3:10

La tãn-metbã sẽn wa n yẽbg Sẽn-Ka-Saab roogã, b kɩtame tɩ maan-kʋʋdbã yeelg b maan-kʋʋr tʋʋmd futã, n tɩ yals beenẽ ne tãntãado, t'a Azaf yagensã sẽn yaa Leevi buudã zãad kɛma, tɩ b na n pẽg Sẽn-Ka-Saabo, wa Israyɛll dĩm a Davɩɩd sẽn dag n yeelã.

A Neemi 12:35

Maan-kʋʋdb n dag n be beenẽ n zãad tãntãado. Yaa a Zonatã biig a Zakari. A Zonatã yaa a Semaya biiga, t'a Semaya yaa a Mataniya biiga, t'a Mataniya yaa a Miise biiga, la a Miise yaa a Zakʋʋr biiga, t'a Zakʋʋr yaa a Azaf biiga.

Yɩɩn‑sõamyã 150:3

Peeb-y baorg n pẽg bãmba! Pẽg-y bãmb ne wɩɩga, la ruudga, ne pɛndga!

Yɩɩn‑sõamyã 81:3

Pʋd-y yɩɩla, la y wẽ sɩlsãgse, la y wãag ruudg n maan noogo, la y wẽ kʋnde!

Yɩɩn‑sõamyã 81:4

Peeb-y baorg ki-paalgã pʋga, ki-peoolgã wakate, peeb-y baorg tõnd tigrã daare!

Yɩɩn‑sõamyã 89:15

Yãmb naam geerã tilga tɩrlem ne zemsg zugu. La nonglem la sɩd bee ne yãmba.

Yikri 28:29

La a Aarõ sã n kẽed sɛk roogã pʋgẽ, a na n zãa Israyɛll buudã yʋy a sũurẽ, wa sẽn gʋls yãoog lutgã sẽn wilgd bʋ-kaoorã zugã, tɩ yɩ tẽegr Sẽn-Ka-Saab taoor daar fãa.

Yikri 30:16

Bɩ y reeg wanzuri Israyɛll nebã nengẽ tɩ yɩ b yõor yaood sɛk roogã tʋʋmã yĩnga, tɩ yɩ tẽegr Israyɛll nebã yĩng Sẽn-Ka-Saab taoore, na n yɩɩ bãmb mengã yaoodo.»

A Ezayi 27:13

Badaare, b na n peeba baor-bedre, dẽ, neb nins sẽn dag n menem n be Asiiri tẽngã, ne neb nins sẽn sãeeg n be Ezɩpt tẽngã na n waame. Bãmb na n wõgemda Sẽn-Ka-Saab taoore, tãn-sõngã sẽn be Zeruzalɛmã zugu.

Maan‑kʋʋre 23:24

«Yeel Israyɛll nebã yaa: ‹Kiuug a yopoe soabã pipi daarã na n yɩɩ vʋʋsg yãmb yĩnga. Bɩ y tigim taab n tẽegd a yelle. Yaa tigr sẽn welg toore.

Sõadga 10:9

Yãmb sã n wa be y tẽngẽ wã, n yi n na n tɩ zab ne y bɛɛbã, bɩ y peeb y tãntãadã ne pãnga, la maam a Sẽn-Ka-Saab sẽn yaa yãmb Wẽnnaamã na n tẽega yãmb yell n fãag yãmb y bɛɛbã nugẽ.

Sõadga 28:11

Kiuug fãa pipi daare, yãmb na n maana maoong sẽn yõogd bugum n kõ maam a Sẽn-Ka-Saabo. Maoon-kãng yaa lulli a yiibu, ne pe-raoog a ye, la yʋʋmd pe-ribli a yopoe sẽn ka tar zanga.

Sõadga 29:1

Kiuug a yopoe soabã pipi daarã, bɩ y tigim taab n waoog maam a Sẽn-Ka-Saabo. Yãmb ka tog n tʋm tʋʋmd badaar ye, bala yaa kɩdeng daare.

A Matiye Sõng 11:28

Bɩ y wa mam nengẽ yãmb‑dãmb fãa sẽn yɛ, la sẽn tʋk zɩɩb sẽn yaa zɩsgo, la mam na n kõo yãmb vʋʋsgo.

Tʋʋma 10:4

La yẽnda gesa malɛɛkã ne rabeem n yeel-a yaa: Yaa a wãna m Zu-soaba? Malɛɛkã yeel-a lame yaa: Fo pʋʋsgã, ne f sẽn sõngd naong rãmbã zẽk n taa Wẽnnaam, la b ka yĩm f yell ye.

1 Korẽnt rãmba 15:52

wakat a yembre, nif kamsg pʋgẽ, yaoolem baorg peebgã wakate. Bala, a na n peebame, la neb nins sẽn ki wã na n vʋʋgame n tar yĩns sẽn ka põogd ye, la tõnd me na n paama tedgre.

1Tesalonik Rãmba 4:16

Bala, koɛɛg n na n zẽke tɩ yɩ bãnde, tɩ b wʋm malegs naab a yembr koɛɛga, tɩ Wẽnnaam baorg peebe, tɩ Zu-soabã meng yi arzãn n sigi. La neb nins sẽn ki Kiris tũudma pʋgẽ wã n na n deng n vʋʋge.

1Tesalonik Rãmba 4:18

Woto yĩnga, bɩ y bels taab sũy ne gom-kãense.

Zozuwe 4:7

bɩ y leok-b yaa: Daar ning Sẽn-Ka-Saab kaoolã koglgã sẽn wa n na n pɩʋʋg Zʋrdẽ kʋɩlgã, a koomã welgame. Dẽ, kug-kãensã na n tẽegda Israyɛll nebã bõn-kãng wakat fãa.»

Zozuwe 6:4

Gilgrã wakate, bɩ maan-kʋʋdb a yopoe zã bard a yopoe sẽn maan ne pe-raad yɩɩla, n lʋɩ kaoolã koglgã taoore. Rasem a yopoe wã daare, bɩ y gilg tẽngã naoor a yopoe, tɩ maan-kʋʋdbã peeb bardã.

Vẽnegre 22:17

Sɩɩg-sõng ne pʋg-paalã yetame yaa: Wa-y-yã! Bɩ ned ning sẽn wʋmd-a yeel tɩ: Wa-y-yã! Bɩ ko-yũud sẽn tar‑a soab wa, la sẽn dat-a bɩ a reeg vɩɩm koom zaalem!

1 Sãmwɛlle 20:5

Dẽ, a Davɩɩd leoka a Zonatã yaa: «Ade, beoog yaa ki-paalgã tigri, mam segd n zĩnda ne rĩmã n dɩ. Bas-m tɩ m kẽng weoogẽ wã n tɩ soond hal n tãag rayɩt zaabre.