Sõadga 1:53 - WẼNNAAM SEBRE 2014

⁵³ La yaa Leevi buudã neb n tog n tilg b fu-rotã n gũbg kaoolã sɛk roogã. Yãmb sã n maan woto, mam sũurã ka na n yik ne Israyɛll nebã ye. Yaa Leevi buudã n so kaoolã sɛk roog yell gesgo.»

SEBR SÕNGO

⁵³ Sã n yaa a Levi kambã, bãmb tiidame n gũbg sɛka roogo la woto buuda gill na tɩlg ne Soaala-Wẽnd sũ-puuri. Levitsa bal n na n ges sɛka roog yelle.»

Sõadga 1:53 Iomraidhean Croise

1 Kibayã 23:32

Bãmb n na n get sɛk roogã tʋʋm yelle, ne zĩ-sõngã tʋʋm yelle. La b na n naaga a Aarõ kom-dibli wã sẽn yaa b saam-biisã, n maand Sẽn-Ka-Saab roogã tʋʋmã.

2 Kibayã 13:10

Sã n yaa ne tõndo, yaa Sẽn-Ka-Saab n yaa tõnd Wẽnnaam, la tõnd ka bas bãmb ye. La maan-kʋʋdb nins sẽn maand tʋʋmdã Sẽn-Ka-Saab yĩngã yaa a Aarõ kambã, ne Leevi nebã.

2 Kibayã 13:11

La yibeoog ne zabr fãa bãmb maanda maand sẽn yõogd bugum Sẽn-Ka-Saab yĩnga, la b yõogd tɩdare, la b rogend kaset burã sãnem taabl ning sẽn welg toorã zugu. La zaabr fãa bãmb yõgenda sãnem fɩtl doagendgã fɩtl-dãmba. Bala, yaa tõnd n maand Sẽn-Ka-Saab sẽn yaa tõnd Wẽnnaamã tʋʋmde. La yãmba, yãmb basa bãmba.

Zeremi 23:15

Woto yĩnga, ad Saasẽ-Pãng-Soabã sẽn yet no-rɛɛsdbã wɛɛngẽ: «Mam na n kõo bãmb rɩɩb sẽn yaa toog liga tɩ b rɩ, la m kɩt tɩ b yũ koom sẽn tar zẽnem. Bala, Zeruzalɛm no-rɛɛsdbã kɩtame tɩ tẽngã fãa pid ne rẽgdo.»

Zeremi 5:31

No-rɛɛsdbã yagda zĩrẽ, la maan-kʋʋdbã maanda b sẽn date, tɩ mam nebã me nong rẽnda. La yãmb na n maana bõe bõn-kãens loogr zugẽ?

Maan‑kʋʋre 10:6

A Moyiis yeela a Aarõ ne a kom-dibli wã, a Elyazaar ne a Itamaare: «Da zũndg-y y zoobdã, la y ra pãrs y fut n wilg tɩ y bee sũ-sãang pʋg ye. Dẽ, yãmb kõn ki, la y kõn tak Sẽn-Ka-Saab sũ-puugrã n sik nebã zug ye. Bas-y tɩ yãmb saam-biisã sẽn yaa Israyɛll nebã yãb neb nins Sẽn-Ka-Saab sẽn kɩt tɩ bugmã rɩ n kʋ wã yĩnga.

Sõadga 1:50

Bɩ f rɩk kaoolã sɛk roogã ne a teedã fãa yell gesgo, n kõ Leevi buudã. La yaa bãmb n na n tʋkd sɛk roogã ne a teedã fãa, la b maand sɛk roogã pʋgẽ tʋʋmde. La bɩ b ti b fu-rotã n gũbg sɛk roogã.

Sõadga 1:54

Dẽ, Israyɛll nebã maana wa Sẽn-Ka-Saab sẽn dag n wilg a Moyiisã.

Sõadga 16:9

Israyɛll Wẽnnaamã sẽn welg yãmb toor Israyɛll nebã sʋkã, n kɩt tɩ yãmb tõe n kolg n maan bãmb sɛk roogã tʋʋmdã, la y yals Israyɛll nebã taoor n sõng-bã ket n ka sek yãmba?

Sõadga 17:7

Israyɛll nebã tɩ gũbga a Moyiis ne a Aarõ, n na n zab ne-ba. La a Moyiis ne a Aarõ sẽn wẽnemd b nens n tees sɛk roogã sẽnẽ, b yãame tɩ sawad-taok n lud sɛk roogã, la Sẽn-Ka-Saab ziirã pukame.

Sõadga 2:17

Sẽn pʋgde, yaa Leevi buudã n na n yik ne sɛk roogã n pʋgle. Dẽ, bãmb na n zĩnda sʋka. La sulã fãa me na n yikda pʋgdg-pʋgdg wa bãmb sẽn ti to-to wã, ned kam fãa ne a zĩiga la a tãb-kaoore.

Sõadga 3:23

Gɛrsõ yagensã ra tii nin-taoore, n be sɛk roogã kuidgẽ.

Sõadga 3:29

A Kehat yagensã rag n tii b fu-rotã sɛk roogã nug-goabga.

Sõadga 3:35

Yaa Abigayɩll biig a Suriyɛll n dag n yaa Meraari buudã naaba. Meraari buudã dag n tii b fu-rotã sɛk roogã nug-rɩtgo.

Sõadga 3:38

A Moyiisi, a Aarõ ne a kom-dibli wã rag n tii b fu-rotã yaanga, sɛk roogã neng taoore. Bãmb n dag n get sɛk roogã tʋʋm yelle, Israyɛll nebã yʋʋr yĩnga. La nin-zaalg sã n kolg be, b tog n kʋ-a lame.

Sõadga 31:30

La pʋɩɩr ning sẽn yaa Israyɛll nebã sẽn ketã rẽndã pʋgẽ, fo tog n yãka nin-yɛng neb pis-nu pʋgẽ, la niigã ne bõensã, la rũm-bãoonegã, rũmsã fãa, yaa rũm-yɛng rũms pis-nu pʋgẽ, la f yãkd n kõ Leevi buudã, tɩ yaa bãmb n get Sẽn-Ka-Saab sɛk roogã yelle.»

Sõadga 31:47

La pʋɩɩr ning sẽn yaa Israyɛll nebã rẽndã pʋgẽ, a Moyiis yãka nin-yɛng neb pis-nu pʋgẽ, la rũm-yɛng rũms pis-nu pʋgẽ, n kõ Leevi buudã nebã. Tɩ bala, yaa bãmb n get Sẽn-Ka-Saab sɛk roogã tʋʋmd yelle, wa zems Sẽn-Ka-Saab sẽn dag n yeel a Moyiisã.

Sõadga 8:19

Mam yãka bãmb Israyɛll nebã sʋka, n dɩk-b n kõ a Aarõ ne a kom-dibli wã, tɩ b reeg Israyɛll nebã zĩiga, n maan tʋʋmdã sɛk roogã pʋgẽ, tɩ Israyɛll nebã tõe n paam b yel-wẽnã sugri. Woto, baa Israyɛll buudã ned sã n kolg zĩ-sõngã, mam ka na n sɩbg a soab ye.»

2 Tɩmote 4:2

tɩ f moon koɛɛgã, tɩ f wɩng ne togsg wakat fãa, sã n yaa a togsg wakat wall ka a wakate. Mao tɩ nebã reeg tɩ gomdã yaa sɩda. Leng la f sagl ne sũ-mare la zãmsgo.

1 Sãmwɛlle 6:19

Sẽn-Ka-Saab kʋʋ Bɛt-Semees neb kẽere, b sẽn lɩk n ges Sẽn-Ka-Saab kaoolã koglgã pʋgẽ wã yĩngã. Neb tus pis-nu wã sʋka, bãmb kʋʋ neb pis-yopoe. Nebã sũyã sãama hal wʋsgo, Sẽn-Ka-Saab sɩbgrã sẽn yɩ toog wʋsgã yĩnga.