Sõadga 1:51 - WẼNNAAM SEBRE 2014

⁵¹ Yãmb sã n na n yik n looge, yaa Leevi buudã nebã n tog n viig sɛk roogã. La yãmb sã n ta y sik zĩigẽ, leb n yaa bãmb n tog n ti sɛk roogã. La ned sẽn ka Leevi buudã ned sã n kolg be, bɩ b kʋ-a.

SEBR SÕNGO

⁵¹ Yikr sã n ta, Levitsa n baasd teedã n tʋk n looge. Sã n le ta sikã, bãmb n lebd n ti-a. Nin-zaalg sã n saag n kolge, b kʋʋd-a lame.

Sõadga 1:51 Iomraidhean Croise

2 Sãmwɛlle 6:7

Dẽ, Sẽn-Ka-Saab sũur puuga ne a Uuza, la bãmb kɩtame t'a ki zĩig pʋgẽ, yẽnda sẽn maan sẽn kisã yĩnga. Woto, a Uuza kii Wẽnnaam kaoolã koglgã sɛɛgẽ.

Sõadga 10:11

Israyɛll nebã sẽn yi Ezɩpt soolmã pʋg tɩ yʋʋm yiiblẽ, kiuug a yiib soabã rasem pisi daare, sawad-taokã zẽk n basa kaoolã sɛk roogã.

Sõadga 17:13

La a Aarõ tɩ yalsa sẽn ki-bã ne sẽn vɩ-bã sʋka, la sãoongã yalsame.

Sõadga 17:5

Woto, kud-pakles-kãens rag n tẽegda Israyɛll nebã tɩ sã n ka a Aarõ yagensã bala, nin-zẽng ka tar noor tɩ yõog wisd Sẽn-Ka-Saab taoor ye. La ned sã n kɩɩs tõ-kãngã, sɩbgr ning sẽn paam a Koore ne a poorẽ dãmbã na n paama a soaba, wa Sẽn-Ka-Saab sẽn dag n yeel a Moyiis t'a yeel a Aarõ wã.

Sõadga 18:22

Bɩ Israyɛll buudã neb a taabã ra kolg sɛk roogã, n wa beeg maam n ki ye.

Sõadga 18:3

Leevi buudã sẽn yaa fo saam-biisã na n maana fo sẽn date, la b maan sɛk roogã tʋʋma. La bãmb ka tog n kolg bũmb nins sẽn welg toorã, wall tẽn-kugrã ye. Woto, bãmb ne yãmb ka na n ki ye.

Sõadga 18:4

Bãmb na n sõngda yãmb sɛk roogã tʋʋm fãa pʋgẽ. La ned sẽn ka Leevi buudã ka tog n wa naag yãmb ye.

Sõadga 18:7

La foom a Aarõ ne f kom-dibli wã na n maana y maan-kʋʋr tʋʋmdã tẽn-kugrẽ wã, ne zĩig sẽn welg toor n yɩɩd fãa wã sẽn be fu-lillidgã poorẽ wã. Yaa maam n kõ yãmb tʋʋm-kãnga. La nin-zaalg sẽn ka Leevi ned sã n kolg be, bɩ b kʋ-a.»

Sõadga 3:10

Bɩ f bãng tɩ yaa a Aarõ ne a kom-dibli wã bal n tog n maan maan-kʋʋr tʋʋmdã. La nin-zaalg sã n kolg be bɩ f kɩt tɩ b kʋ-a.»

Sõadga 3:38

A Moyiisi, a Aarõ ne a kom-dibli wã rag n tii b fu-rotã yaanga, sɛk roogã neng taoore. Bãmb n dag n get sɛk roogã tʋʋm yelle, Israyɛll nebã yʋʋr yĩnga. La nin-zaalg sã n kolg be, b tog n kʋ-a lame.

1 Sãmwɛlle 6:19

Sẽn-Ka-Saab kʋʋ Bɛt-Semees neb kẽere, b sẽn lɩk n ges Sẽn-Ka-Saab kaoolã koglgã pʋgẽ wã yĩngã. Neb tus pis-nu wã sʋka, bãmb kʋʋ neb pis-yopoe. Nebã sũyã sãama hal wʋsgo, Sẽn-Ka-Saab sɩbgrã sẽn yɩ toog wʋsgã yĩnga.