Sõadga 1:50 - WẼNNAAM SEBRE 2014

⁵⁰ Bɩ f rɩk kaoolã sɛk roogã ne a teedã fãa yell gesgo, n kõ Leevi buudã. La yaa bãmb n na n tʋkd sɛk roogã ne a teedã fãa, la b maand sɛk roogã pʋgẽ tʋʋmde. La bɩ b ti b fu-rotã n gũbg sɛk roogã.

SEBR SÕNGO

⁵⁰ Bãmb la f na n kos tɩ b ges sɛka roog yelle. B ges rooga la teed niyns fãa sẽn be a pʋgẽ. Bãmb n na n tʋk a teedã, n ges tɩ bũmb fãa wa a zĩigẽ. B na n ti b rotã n gũbg-a.

Sõadga 1:50 Iomraidhean Croise

2 Kibayã 24:6

Dẽ, rĩm boola maan-kʋʋd kãsem a Zehozada n yeel-a yaa: «Bõe yĩng tɩ fo ka kɩt tɩ Leevi nebã saag Zʋʋda pʋgẽ n dees yaood ning a Moyiis ne Israyɛll nebã sẽn dag n lugl Sɛk roogã yĩngã.

A Neemi 12:22

Yaa Eliyasɩɩb ne a Yoyada, la a Yohanan ne a Yaduwa wakate, la b gʋls Leevi neb nins sẽn dag n yaa b buudã kãsem-dãmbã yʋy sõadg sebrã pʋga. La b kell n maana a woto me ne maan-kʋʋdbã, Pɛrs-rãmbã rĩm a Daryuus zamaanẽ.

A Neemi 12:47

A Zorobabɛll ne a Neemi wakatẽ wã, Israyɛll nebã fãa yãkda b paoongã n kõt yɩɩn-yɩɩndbã ne tẽngã noy gũudbã wa sẽn zems sẽn tog maan daar fãa wã. La Israyɛll nebã rag n leb n yãkda b kũun me n kõt Leevi nebã, tɩ bãmb me reege, la b yãk kũun sẽn welg toorã n kõ a Aarõ yagensã sẽn yaa maan-kʋʋdbã.

A Neemi 12:8

Leevi buudã sʋka, rag n yaa a Zozoe, a Binui, a Kadmiyɛlle, a Serebiya, a Zʋʋda, ne a Mataniya. A Mataniya ne yẽnda buudã neb rag n pʋtã Wẽnnaam waoogr yɩɩla,

A Neemi 13:22

Dẽ, mam yeela Leevi nebã tɩ b yɩlg b mense, n kẽng n tɩ gũ tẽngã noyã, tɩ nebã tõe n waoog vʋʋsg daarã. Bõn-kãng yĩnga, mam Wẽnnaam, tẽeg-y mam yelle, la y nonglem-kãsengã yĩnga, bɩ y zoe mam nimbãanega.

A Neemi 13:5

Rẽ kɩtame tɩ yẽnda kɩt tɩ b maneg ro-bedr n kõ a Tobiza. La hal tɩ ta sasa-kãnga, rag n yaa ro-kãng pʋg la b bĩngd bõn-koaadl kũunã, ne wisd kũunã, la Wẽnnaam doogã teedã, ne kũun ning b sẽn yãkd n kõt maan-kʋʋdbã, la koodã ne kaamã piig pʋɩɩrã sẽn yaa Leevi nebã ne yɩɩn-yɩɩndbã la tẽngã noy gũudbã rẽndã.

Yɩɩn‑sõamyã 122:4

Yaa fo nengẽ la buud toay-toayã sẽn yaa Sẽn-Ka-Saab nebã kẽnda, wa sẽn zems Israyɛll tõogã, n na n pʋʋs Sẽn-Ka-Saab barka.

Yikri 31:18

Bãmb sẽn gom ne a Moyiis Sinayi tãngã zug n sɛ, b kõo yẽnda kaset kug-walse, bãmb kõ-a-la kaset kug-wals a yiibu, Wẽnnaam mengã sẽn gʋls ne b nug-bila.

Yikri 38:21

Ad sɛk roogã sẽn yaa kaset roogã meeb gɛɛla. Gɛɛlã zemsa wa a Moyiis sẽn kõ Leevi nebã noor tɩ b maanã. Maan-kʋʋd a Aarõ biig a Itamaar n soog a yellã.

Sõadga 1:53

La yaa Leevi buudã neb n tog n tilg b fu-rotã n gũbg kaoolã sɛk roogã. Yãmb sã n maan woto, mam sũurã ka na n yik ne Israyɛll nebã ye. Yaa Leevi buudã n so kaoolã sɛk roog yell gesgo.»

Sõadga 10:21

Rẽ poore, yaa Kehat yagensã sẽn yaa Leevi roogã neb n tʋkd zĩ-sõngã pʋgẽ teedã n pʋgle. B rag n tog n tii sɛk roogã n sɛ, sẽn deng a Kehat yagensã waoongo.

Sõadga 17:7

Israyɛll nebã tɩ gũbga a Moyiis ne a Aarõ, n na n zab ne-ba. La a Moyiis ne a Aarõ sẽn wẽnemd b nens n tees sɛk roogã sẽnẽ, b yãame tɩ sawad-taok n lud sɛk roogã, la Sẽn-Ka-Saab ziirã pukame.

Sõadga 18:5

Yaa yãmb bal n tog n maand sɛk roogã tʋʋmde, la tẽn-kugrã tʋʋmd me. Woto, maam a Sẽn-Ka-Saab sũurã ka na n leb n yik ne Israyɛll nebã ye.

Sõadga 2:17

Sẽn pʋgde, yaa Leevi buudã n na n yik ne sɛk roogã n pʋgle. Dẽ, bãmb na n zĩnda sʋka. La sulã fãa me na n yikda pʋgdg-pʋgdg wa bãmb sẽn ti to-to wã, ned kam fãa ne a zĩiga la a tãb-kaoore.

Sõadga 20:11

Dẽ, a Moyiis zẽka a rasaarã n wẽ pĩigã naoor a yiibu, la wakat-kãng bala, koom pusga pĩigã zug n yi wʋsgo, tɩ Israyɛll nebã ne b rũmsã yũ.

Sõadga 4:15

La yikr fãa wakate, yaa a Aarõ ne a kom-dibli wã n tog n deng n wa vil zĩ-sõngã teedã ne a te-tũudsã n sɛ, tɩ Kehat yagensã yaool n wa tʋk-ba. Bala, a Kehat yagensã ka tog n sɩɩs zĩ-sõngã teedã meng ye. B sã n sɩɩse, b na n kiime. Yaa a Kehat yagensã n na n tʋkd zĩ-sõngã pʋgẽ teedã.

Sõadga 8:19

Mam yãka bãmb Israyɛll nebã sʋka, n dɩk-b n kõ a Aarõ ne a kom-dibli wã, tɩ b reeg Israyɛll nebã zĩiga, n maan tʋʋmdã sɛk roogã pʋgẽ, tɩ Israyɛll nebã tõe n paam b yel-wẽnã sugri. Woto, baa Israyɛll buudã ned sã n kolg zĩ-sõngã, mam ka na n sɩbg a soab ye.»

Sõadga 8:20

A Moyiis ne a Aarõ la Israyɛll nebã fãa maana bũmb ning Sẽn-Ka-Saab sẽn dag n yeel a Moyiis tɩ b maan Leevi buudã wɛɛngẽ wã.

Sõadga 8:22

Yaa rẽ poor la Leevi buudã wa a Aarõ ne a kom-dibli wã nengẽ tɩ b na n wilg-b tʋʋmdã sɛk roogã pʋgẽ wã, wa Sẽn-Ka-Saab sẽn dag n yeel a Moyiis Leevi buudã wɛɛngẽ wã.

Vẽnegre 15:5

Rẽ poore, mam gesame, la b paka kaset fu-roogã yɩlgr zĩigã arzãn pʋga.