Sõadga 1:4 - WẼNNAAM SEBRE 2014

⁴ La buud fãa pʋgẽ, b na n yãka taoor soab a ye t'a sõng yãmba.

SEBR SÕNGO

⁴ Buud fãa na n yãka kãsem a ye n kõ-y tɩ b sõng yã.

Sõadga 1:4 Iomraidhean Croise

1 Rĩm-dãmbã 8:1

Wakat-kãnga, rĩm a Salmo kɩtame tɩ Israyɛll kãsem-dãmbã ne Israyɛll buudã nanambsã ne b rotã nanambs wa tigim bãmb nengẽ Zeruzalɛm, n na n kɩt tɩ b kẽng Sɩyõ sẽn yaa rĩm a Davɩɩd tẽngã, n tɩ tall Sẽn-Ka-Saab kaoolã koglgã n wa Sẽn-Ka-Saab roogẽ wã.

Yikri 18:21

Dẽ poore, yãk nin-yẽesens nebã sʋk sẽn zoet Wẽnnaam, la sẽn yaa sɩd dãmba, la sẽn kis zãmb bũmbu. Yãk neb tusr-tusr nanambse, neb koabg-koabg nanambse, neb pis-nunu nanambse, la neb piig-piig nanambse.

Yikri 18:25

A Moyiis yãka nin-yẽesens Israyɛll nebã fãa sʋka, n kɩt tɩ b lebg neb tusr-tusr nanambse, neb koabg-koabg nanambse, neb pis-nunu nanambse, la neb piig-piig nanambse.

Sõadga 1:16

Yaa nin-bãmbã la b yãk Israyɛll buudã pʋgẽ, tɩ bãmb ned kam fãa na n yɩ a buudã taoor soaba. La leb n yaa bãmb n yaa Israyɛll buudã fãa tãb-biisã nanambse.

Sõadga 1:44

Sõadg ning a Moyiis ne a Aarõ la Israyɛll buud piig la a yiibã kãsem-dãmbã, sẽn maanã yɩɩ woto, rat n togse tɩ buud fãa ne a naaba.

Sõadga 17:3

Neb nins sẽn dag n so-b la-bãmbã maana yel-wẽna, n deeg b yel-wẽnã yaood sẽn yaa kũum. La ne rẽ fãa, b sẽn tall la-bãmb n wa maam a Sẽn-Ka-Saab taoorã yĩnga, b lebga maam n so. Rẽ wã, bɩ y rɩk la-bãmb n kud tɩ lebg paklse, tɩ y tall-b n lud tẽn-kugrã, la bõn-kãng na n yɩɩ keoogr bãnde, Israyɛll nebã yĩnga.»

Sõadga 25:14

Israyɛll ned ning a Fineyaas sẽn lagem ne Madiyã bi-puglã n kʋ wã yʋʋr boondame t'a Zimri, n yaa Sɩmyõ buudã taoor soab a Salu biiga.

Sõadga 25:4

Dẽ, Sẽn-Ka-Saab yeela a Moyiis yaa: «Yõg Israyɛll buudã taoor dãmb n kɩt tɩ b luul-b wĩnto-sʋka mam taoore, dẽ, mam sũurã sẽn yik wʋsg ne Israyɛll nebã na n sigame.»

Sõadga 30:1

La a Moyiis togsa Israyɛll nebã tõod nins fãa Sẽn-Ka-Saab sẽn wilg yẽnda wã.

Sõadga 4:34

A Moyiisi, a Aarõ, ne Israyɛll kãsem-dãmbã sõda Leevi buudã neb fãa sẽn yaa Kehat ne Gɛrsõ la Meraari yagensã. La yaa neb nins yʋʋm sẽn ta pis-tã n tar n dabd pis-nu wã. B sõda bãmb roog-roogo, la zak-zaka, la yaa nin-bãmb n tog n maan tʋʋm kẽer sɛk roogã zak pʋgẽ. Yaa Sẽn-Ka-Saab n yeel a Moyiis t'a kɩt tɩ b sõd nebã. Dẽ, Leevi buudã neb sõor la woto: Kehat yagensã yaa neb tus a yi la kobs-yopoe la pis-nu. Gɛrsõ yagensã yaa neb tus a yi la kobs-yoob la pis-tã. Meraari yagensã yaa neb tus a tã la kobs-yi. Dẽ, Leevi buudã neb fãa sõor yaa tus a nii la kobs-nu la pis-nii. B sõda bãmb wa Sẽn-Ka-Saab sẽn dag n yeel a Moyiisã, la b wilga ned kam fãa a tʋʋmde, la a sẽn tog n tʋk bũmb ninga.

Sõadga 7:2

Dẽ, Israyɛll nebã nanambs nins sẽn dag n sõng a Moyiis tɩ b sõd Israyɛll nebã talla b kũun n wa.

Yaoolem 1:15

Dẽ, mam dɩka yãmb buudã kãsem-dãmbã sẽn tar yam la neb nins nebã sẽn mi sõama wã, n lʋɩɩs yãmb taoore, n kɩt tɩ kẽer lebg neb tusr-tusr nanambse, tɩ kẽer lebg neb koabg-koabg nanambse, tɩ kẽer lebg neb pis-nunu nanambse, tɩ kẽer lebg neb piig-piig nanambse, tɩ kẽer yɩ seb-gʋndb yãmb buudã toor-toorã pʋse.

Zozuwe 22:14

la buudã nanambs piig n tũ yẽnda. Israyɛll buudã roog fãa yaa naab a yembre, bãmb fãa yaa nanambse, n be b buudã pʋga, Israyɛll neb kʋʋngã sʋka.