Sõadga 1:1 - WẼNNAAM SEBRE 2014

¹ Israyɛll nebã sẽn yi Ezɩpt soolmã tɩ yʋʋm yiiblẽ, kiuug a yiib soabã pipi daarã, Sẽn-Ka-Saab goma ne a Moyiis sɛk roogã pʋgẽ, Sinayi we-raoogẽ wã n yeele:

SEBR SÕNGO

¹ Soaala-Wẽnd goma ne a Moyiiz Sinayi zĩ-peen-daagẽ, sɛka roog pʋga, kiuug a yiib soaba pipi raare, b yi Ezipt tẽng tɩ yʋʋm-bɩtẽ la b yeel-a lame:

Sõadga 1:1 Iomraidhean Croise

1 Rĩm-dãmbã 6:1

Rĩm a Salmo sẽn wa n na n sɩng Sẽn-Ka-Saab roogã meebã, rẽ tɩ yaa Israyɛll nebã sẽn yi Ezɩpt yembdã pʋg tɩ yʋʋm kobs-naas la pis-nii. La wakat-kãng yaa a Salmo sẽn deeg naamã tɩ yʋʋm naaslẽ. Dag n yaa yʋʋmdã kiuug a yiib soabã b sẽn boond tɩ Zɩɩv kiuugã pʋga.

Yikri 19:1

Israyɛll nebã sẽn yi Ezɩpt soolmã pʋgẽ tɩ kiuug a tãabo, bãmb taa Sinayi we-raoogã pʋg kiuug a tãabẽ daarã kɛpɩ.

Yikri 19:2

Bãmb sẽn yi Refidim, bãmb taa Sinayi we-raoogã pʋgẽ n tilg b tãb-sikã we-raoogẽ wã. Israyɛll nebã tilga b tãb-sikã beenẽ, n tees tãngã.

Yikri 25:22

Yaa beenẽ la mam na n seg foom. Mam na n goma ne foom bas-taal zĩigã zugẽ, serubẽ-rãmb a yiibã sẽn be kaset koglgã zugẽ wã sʋka, n kõ foom mam noyã fãa Israyɛll nebã yĩnga.»

Yikri 40:17

Yʋʋm a yiibẽ soabã pipi kiuugã pipi daarã, b tilga sɛk roogã.

Yikri 40:2

«Pipi kiuugã pipi daare, bɩ f tilg fu-roogã sẽn yaa sɛk roogã.

Maan‑kʋʋre 1:1

Sẽn-Ka-Saab zĩnda sɛk roogã pʋg n bool a Moyiis n yeele:

Maan‑kʋʋre 27:34

Woto yaa tõod nins Sẽn-Ka-Saab sẽn dag n kõ a Moyiis Sinayi tãngã zug t'a kõ Israyɛll nebã.

Sõadga 1:18

A Moyiis ne Aarõ tigma Israyɛll nebã fãa kiuug a yiib soabã pipi daare, n kɩt tɩ b sõd bãmb roog-roogo, ne zak-zaka, ned kam fãa ne a yʋʋre, la yaa sẽn tar-b yʋʋm pisi la sẽn yɩɩd dẽnda wã.

Sõadga 12:4

La tao-tao bala, Sẽn-Ka-Saab yeela a Moyiis ne a Aarõ la a Miryam yaa: «Bɩ yãmb y tãabã fãa yik n wa sɛk roogẽ wã.» La bãmb yikame n kẽnge.

Sõadga 9:1

Israyɛll nebã sẽn wa n yi Ezɩpt tẽngã tɩ yʋʋm yiiblẽ, pipi kiuugã pʋgẽ, Sẽn-Ka-Saab goma ne a Moyiis Sinayi we-raoogẽ wã n yeel-a yaa:

Yaoolem 1:3

Yaa yʋʋm pis-naas yʋʋmdã, kiuug piig la a yembr soabã pipi daarã, la a Moyiis togs nebã bũmb nins Sẽn-Ka-Saab sẽn dag n wilg yẽnda t'a togs Israyɛll nebã.

Yaoolem 2:14

Tõnd sẽn yi Kadɛɛs-Barneya wã, maana yʋʋm pis-tã la a nii tɩ tõnd yaool n dʋʋg Zerɛɛd kʋɩlgã, tɩ zamaan-kãng raop nins sẽn dag n tõe n kẽng zabrã fãa ki wa Sẽn-Ka-Saab sẽn dag n wẽen ne bãmbã.

Yaoolem 2:7

Bala, Sẽn-Ka-Saab sẽn yaa yãmb Wẽnnaamã ninga bũmb ning fãa yãmb sẽn maandã barka. B yãnda y kẽnã fãa we-raoogã pʋgẽ ka. Yʋʋm pis-naas la woto, Sẽn-Ka-Saab sẽn yaa yãmb Wẽnnaamã sẽn be ne yãmba, la bũmb ka paoog yãmb ye.»