Sɩngrẽ 8:21 - WẼNNAAM SEBRE 2014

²¹ Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

SEBR SÕNGO

²¹ Soaala-Wẽnd koka maanda yũ-noogo n sigs b sũuri la b yeela b sũurẽ: «M kõn le saag n yãk tẽnga bark ninsaal yĩng ye tɩ ninsaal yam la a sũur togla wẽng t'a nan paooda. M kõn le saag n sɩbg bõn-vɩɩli wã wa m sẽn sɩbg-ba ye.

Sɩngrẽ 8:21 Iomraidhean Croise

Sɩngrẽ 3:17

Wẽnnaam yeela raoã yaa: «Fo sẽn sak f pagã noorã, n dɩ tɩɩg ning mam sẽn dag n yeel foom tɩ f ra rɩ wã biisã yĩnga, mam na n ninga kãab-wẽng tẽn-gãongã zugu. Tẽn-gãongã na n paama kãab-wẽng fo yĩnga. Fo vɩɩmã tɛka, f na n namsa wʋsg n yaool n paam f rɩɩbo.

Sɩngrẽ 4:12

Fo sã n ko tẽn-gãongã, a ka na n leb n kõ foom a bi-sõama wã ye. Fo na n yeeba dũniyã, n ka yas zĩ-yɛng ye.»

Sɩngrẽ 5:29

A Lemek pʋda a biigã yʋʋr t'a Nowe, n yeele: «Bi-kãngã na n yɩɩ belsg tõnd yĩnga, d tʋʋm-toodã yĩnga. Yaa tʋʋm nins tõnd sẽn tʋmd tẽn-gãong ning Sẽn-Ka-Saab sẽn kãab wẽngã zugã.»

Sɩngrẽ 6:13

Woto, Wẽnnaam yeela a Nowe yaa: «Mam yãka yam n na n menes bõn-vɩɩsã buud fãa. Bala, bãmb kɩtame tɩ dũniyã pid ne tʋʋm-beedo. Woto yĩngã, mam na n naag-b-la ne dũniyã n sãame.

Sɩngrẽ 6:17

La mam na n kɩtame tɩ sa-kẽeng ni dũniyã zugu, n sãam bũmb ning fãa sẽn vɩ, n vʋʋsd ne yõor n be saasã tẽngrã. Bũmb ning fãa sẽn be dũniyã zugã na n sãamame.

Sɩngrẽ 6:5

Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala.

Sɩngrẽ 6:7

Sẽn-Ka-Saab yeelame: «Mam na n menesa ninsaal mam sẽn maanã dũniyã zugu, la yaa sẽn sɩng ne ninsaal n tall n tɩ tãag rũmsã ne bõn-bãoonegã, la ne bõn-yɩgdɩ wã sẽn yɩgd yĩngrã. Bala, mam sũurã sãama ne mam sẽn naan bãmbã.»

A. Zoobe 14:4

Ãnda soab n tõe n kɩt tɩ bõn-sõng yi bõn-dẽgd pʋgẽ? Yẽnda soab ka tol n beẽ ye!

Yɩɩn‑sõamyã 51:5

Bala, mam sak n deega m kongrã, la mam yel-wẽnã bee m taoor wakat fãa.

Yɩɩn‑sõamyã 58:3

Ka woto ye! Yãmb zoe n maanda wẽng y sũyã pʋse. Dũniyã pida ne y nusã tʋʋm-beedã.

Yɩɩn‑sõamyã 58:4

Nin-wẽns wẽnemã sɩnga b ma pʋgẽ, zĩrẽ-be-rãmbã rogem daar la b kẽ moogo.

Yikri 29:18

n yõog pe-raoogã b sẽn beesã fãa ne bugum tẽn-kugrã zugu. Yaa maoong sẽn yõogd bugum Sẽn-Ka-Saab yĩnga, n tar yũ-noogo. Yaa kũun b sẽn yõogd bugum zãng Sẽn-Ka-Saab yĩnga.

Yikri 29:25

Dẽ, bɩ f reeg bõn-kãens b nusẽ wã, n yõog bugum tẽn-kugrã zugu. Yaa maoong sẽn yõogd bugum Sẽn-Ka-Saab yĩnga, n tar yũ-noogo. Yaa kũun b sẽn yõogd bugum zãng Sẽn-Ka-Saab yĩnga.

Yelbũna 20:9

Ãnda n tõe n yeele: «Mam pʋg yaa pɛɛlga, la m yɩlga m meng ne m yel-wẽnã zãnga?»

Kowelɛt 7:20

Sɩda, nin-tɩrg ka be dũniyã zug n maand tɩrg n ka maand yel-wẽnd ye.

A Ezayi 47:12

Dẽ wã, fo we n kell n pa f tɩ-rɩɩrã pʋga, kell n pa f bag-bʋgrã sẽn yaa wʋsgã pʋga. Fo namsa f meng bãmb yĩng hal f yãadem wakate! Tõeeme tɩ f na n paama nafr a pʋga, tõeeme tɩ f na n tũnuga be n kẽes rabeem!

A Ezayi 47:15

Bag-bʋgdbã ne tɩtã-rãmb fo sẽn nams f meng b nengẽ wã na n yɩɩ a woto. Neb nins fo sẽn maan leebg ne-b hal f yãadmẽ wã ned kam fãa na n yeebame n tudi. La fo kõn tol n paam fãagd ye!

A Ezayi 48:8

Yãmb ka wʋm baa fɩ, yãmb ka bãng baa fɩ, yãmb tʋbr ka reng n wʋm bũmb ye. Bala, mam dag n miime tɩ yãmb yaa zãmb dãmba. B rag n boonda foom hal f ma pʋgẽ tɩ ‹tõata.›

A Ezayi 53:6

Tõnd fãa rag n yeebda wa piisi, ned kam fãa rag n maanda a sẽn date. La Sẽn-Ka-Saab kɩtame tɩ tõnd fãa kongrã lʋɩ bãmb zugu.

A Ezayi 65:6

Ade, bõn-kãng gʋlsa mam taoor n yeele: «Mam ka na n sĩnd ye, sɩd-sɩdã, mam na n yaoo bãmba, m na n yaoo bãmb tɩ seke.»

Zeremi 17:9

Ninsaal sũurã pida ne zãmb n yɩɩd bũmb fãa, la a yaa wẽng wʋsgo! Ãnda n tõe n bãng-a?

Zeremi 18:12

La nebã na n yeelame: «Ra nams-y y meng ye! Tõnd ned kam fãa na n maana wa a sẽn tagsde, d na n maana wa sẽn zems d sũ-keglmã.»

Zeremi 8:6

Mam maaga m meng n kelge, la sɩd ka be bãmb goamẽ wã ye. Bãmb ned ba a yembr ka maand a bãngẽ ne wẽng ning a sẽn maanã ye. Bãmb ka sokde: «Bõe la d maan sẽn yaa wẽnga.» Ned kam fãa maanda wa a sẽn date, wa wed-moaag sẽn zoet n kẽed zabr pʋgẽ.

Ezekiyɛl 20:41

Mam sã n wa yiis yãmb buud a taabã sʋka, la m yiis yãmb tẽms nins yãmb sẽn dag n sãeeg n be b pʋsẽ wã n wa tigme, mam na n deeg-y-la wa kũun sẽn tar yũ-noogo. Mam na n tũnuga yãmb n wilg m sõmblmã yãmb sʋka, tɩ buud a taabã fãa yãnde.

Maan‑kʋʋre 1:13

La bɩ a pegs rũngã pʋ-teedã ne a naoã ne koom, tɩ maan-kʋʋdã rɩk fãa n yõog bugum tẽn-kugrã zugu. Rẽndã na n yɩɩ maoong sẽn yõogd bugum, t'a yũugã yɩ noog Sẽn-Ka-Saab yĩnga.

Maan‑kʋʋre 1:17

Bɩ a gãd a pɩgsã, n pãrg-a, la a ra fãsg-a ye. La maan-kʋʋdã na n deeg-a lame n dogl raadã b sẽn yõgen bugum tẽn-kugrã zugã zugu. Rẽndã na n yɩɩ maoong sẽn yõogd bugum, n yaa kũun b sẽn yõog bugum, t'a yũug yɩ noog Sẽn-Ka-Saab yĩnga.

Maan‑kʋʋre 1:9

La bɩ yẽnda pegs a pʋ-teedã ne a naoã ne koom, n kɩt tɩ maan-kʋʋdã yõog a fãa bugum tẽn-kugrã zugu. Rẽnda na n yɩɩ maoong sẽn yõogd bugum, yaa kũun b sẽn yõog bugum, t'a yũugã yɩ noog Sẽn-Ka-Saab yĩnga.

Maan‑kʋʋre 26:31

Mam na n kɩtame tɩ yãmb tẽmsã lebg raboodo, la mam na n sãeega y pʋʋsgã zĩisi, la m ka na n leb n kok-y maandã yũ-noogã ye.

Maan‑kʋʋre 4:31

La bɩ a yãk rũngã kaam, wa b sẽn yãkd zems-n-taar maoongã rũng kaam to-to wã, n yõog bugum tẽn-kugrã zugu. La bõn-kãng na n yɩɩ yũ-noog Sẽn-Ka-Saab yĩnga. Yaa woto la maan-kʋʋdã na maan nin-kãng kongrã yĩnga, la a na n paama a kongrã sugri.

Maan‑kʋʋre 8:28

Dẽ poore, a Moyiis reega kũun-kãens bãmb nengẽ n yõog bugum tẽn-kugrã zugu, n naag maoong sẽn yõogd bugmã. Yaa rẽndã n yaa maan-kʋʋr tʋʋmd sɩngr maoongo. Woto yaa maoong sẽn yõogd bugum t'a yũug yaa noog Sẽn-Ka-Saab yĩnga.

Sõadga 15:3

n wa rat n maan maoong n kõ Sẽn-Ka-Saabo, sã n yaa maoong sẽn yõogd bugum, wall yaa zems-n-taar maoongo, ka rẽ bɩ pʋleng pidsg maoongo, wall y yamleoog kũuni, wall tigr daar maoongo, bɩ y yãk y rũm-bɛdã, bɩ y rũm-bãoonegã sʋk n maan maoongã, tɩ yɩ yũ-noog sẽn tat Sẽn-Ka-Saab yam.

A Matiye Sõng 15:19

Bala, tags-wẽnse, nin-kʋʋre, yoobo, raglem, wagdem, zĩrẽ la kãnegr yita sũur pʋgẽ.

A Zã Sõng 3:6

Bũmb ning yĩng sẽn dog yaa yĩnga, la bũmb ning Sɩɩg-sõng sẽn dog yaa sɩɩga.

Rom Dãmba 1:21

Dẽ, bãmb ka tõe n yãnd bũmb n dõd n yi ye, bala, bãmb sẽn bãng Wẽnnaamã, b ka waoog-b wa b yaa Wẽnnaam ye, la b ka pʋʋs-b bark ye. La bãmb tagsgã sẽn ka yõodã kẽesa bãmb moogo, la bãmb sũyã sẽn be zɩɩlem pʋgẽ wã kẽe lik bida pʋgẽ.

Rom Dãmba 3:23

Sɩda, nebã fãa maana yel-wẽna, n kong Wẽnnaam ziirã.

2 Korẽnt rãmba 2:15

Sɩd me, tõnd yaa wa wisd sẽn tar yũ-noog Kiris sẽn dɩk n kõ Wẽnnaam, tɩ tõnd be neb nins sẽn paam fãagrã, la neb nins sẽn na n sãamã sʋka.

Efɛɛz Rãmba 5:2

la y kẽn nonglem pʋga, wa Kiris me sẽn nong tõndo, n kõ b meng tõnd yĩng tɩ yɩ kũun la maoong sẽn yaa wa kaam sẽn tar yũ-noog n tat Wẽnnaam yam.

Filip rãmba 4:18

Mam deega fãa la m tara wʋsgo. Mam sẽn deeg bũmb nins yãmb sẽn tʋm a Epafordit t'a kõ maamã, mam tarame tɩ sek n gɩmbe. Kũun-kãens yaa wa kaam sẽn tar yũ-noogo, la maoong Wẽnnaam sẽn deegda la sẽn tat bãmb yam.

1 Zã 5:19

Tõnd miime tɩ d yaa Wẽnnaam dẽnda, la dũniyã zãng bee wẽng soabã nugẽ.

1 Sãmwɛlle 26:19

Moasã, m dĩm la m soaala, m kotame tɩ y kelg-ma: Sã n yaa Sẽn-Ka-Saab n tusd yãmb tɩ y maan maam wẽnga, bɩ b sak n deeg kũun tɩ b sũurã sigi. La sã n yaa ninsaalb n maan a woto, bɩ kãab-wẽng zĩnd b rãmb zut Sẽn-Ka-Saab taoore. Bala, b rigda maam dũndã, tɩ m ka tar zĩig tẽng ning Sẽn-Ka-Saab sẽn kõ b nebã pʋgẽ ye. Bãmb yetame tɩ m kẽng n tɩ waoog bu-zẽmsã wẽnnaam-dãmbã.