Sɩngrẽ 6:6 - WẼNNAAM SEBRE 2014

⁶ Sẽn-Ka-Saab sũur sãama ne b menga, bãmb sẽn maan ninsaal n ning dũniyã zugã, la bãmb sũur sãama wʋsgo.

SEBR SÕNGO

⁶ Dẽ me la Soaala-Wẽnd zab ne b menga, b sẽn naan ninsaal n ning-a tẽng zug yĩnga; b sũur sãama wʋsgo,

Sɩngrẽ 6:6 Iomraidhean Croise

Sɩngrẽ 6:7

Sẽn-Ka-Saab yeelame: «Mam na n menesa ninsaal mam sẽn maanã dũniyã zugu, la yaa sẽn sɩng ne ninsaal n tall n tɩ tãag rũmsã ne bõn-bãoonegã, la ne bõn-yɩgdɩ wã sẽn yɩgd yĩngrã. Bala, mam sũurã sãama ne mam sẽn naan bãmbã.»

2 Sãmwɛlle 24:16

La wakat ning malɛɛkã sẽn kʋʋd nebã sẽn wa n tẽeg a nug n na n sãam Zeruzalɛmã, Sẽn-Ka-Saab sũurã sãama ne sɩbgrã tɩ b yeele: «A sekame! Base. Yãk f nugu.» La Sẽn-Ka-Saab malɛɛkã yalsa zĩig sẽn pẽ ne Zebuus rao a Aravna zɛɛgã.

1 Kibayã 21:15

Wẽnnaam tʋma malɛɛk Zeruzalɛm t'a kẽng n tɩ sãam tẽngã. La malɛɛkã sẽn sãamd tẽngã wakate, Sẽn-Ka-Saab gesame la b maana b bãngẽ ne to-kãnga. Dẽ, b yeela malɛɛkã sẽn dag n sãamd tẽngã yaa: Bas woto tɩ sekame! Wakat-kãng tɩ Sẽn-Ka-Saab malɛɛkã rag n yɛsa a Zebuus ned a Ornan zɛɛgã sɛɛgẽ.

Yɩɩn‑sõamyã 106:45

Sẽn-Ka-Saab tagsa b kaoolã b sẽn maan ne bãmbã yelle, la bãmb nonglem-kãsengã pʋga, b zoee bãmb nimbãanega.

Yɩɩn‑sõamyã 110:4

Sẽn-Ka-Saab wẽename, la b kõn lebs b noor poorẽ ye. B yeelame yaa: «Fo yaa maan-kʋʋd wakat fãa, wa a Melkisedɛke.»

Yɩɩn‑sõamyã 119:158

Mam sẽn get zãmb-dãmbã, mam yam yii ne bãmba, b sẽn ka sakd yãmb sẽn yeelã yĩnga.

Yɩɩn‑sõamyã 78:40

Wẽnnaam tẽrame tɩ we-raoogã pʋga, wakat kẽere, b kɩɩsa bãmb noorã, n sãam bãmb a Wẽnnaam sũur zĩ-peen-daagẽ wã!

Yɩɩn‑sõamyã 81:13

Dẽ, mam bas-b-la ne b sũ-keelmã, la bãmb tũu b meng sũyã ratem.

Yɩɩn‑sõamyã 95:10

Yʋʋm pis-naas pʋgẽ, zamaan-kãngã nebã maaname tɩ mam yam yi-ba. La mam yeelame: ‹Nin-bãmbã yamã menemame, tɩ b ka tol n mi mam datmã ye.› »

Yikri 32:14

Dẽ, Sẽn-Ka-Saab basame n ka maan bãmb nebã wẽng ning bãmb sẽn dag n yeel tɩ b na n maaname wã.

A Ezayi 48:18

Fo sã n dag n sakẽ-la mam noyã, fo vɩ-bãanã rag n na n yɩɩ wa kʋɩlg koom, la fo tɩrlmã rag n na n zoeta wa ko-kãsengã ko-zoetem!

A Ezayi 63:10

La bãmb yɩɩ kɩɩsdb n sãam bãmb Sɩɩgã sũuri. Dẽ, Sẽn-Ka-Saab wẽnemdame n lebg b bɛ, n wẽneg n zab ne bãmb b toore.»

Zeremi 18:7

Mam sã n gom buud bɩ soolem yelle, n yeel tɩ m na n viig-a lame, la m siig-a, n kɩt t'a meneme,

Zeremi 26:19

Dẽ yĩnga, Zʋʋda rĩm a Ezekɩyaas ne Zʋʋda nebã fãa kʋʋ no-rɛɛs a Miise la? Ayo, rĩm a Ezekɩyaas zoee Sẽn-Ka-Saabo, n kos Sẽn-Ka-Saab tɩ b sik b sũuri. Dẽ, Sẽn-Ka-Saab basa toog ning b sẽn dag n saagd n na n kɩt tɩ wa bãmb zugã tɩ vaale. Tõnd na n maana yel-kãseng a woto n dogl yell d mens zut sɩda?»

Ezekiyɛl 33:11

Yeel-b tɩ maam a Zu-soab a Sẽn-Ka-Saab sẽn vɩ wã wẽendame n yetẽ: ‹Dẽ yĩnga, mam daab yaa tɩ nin-wẽng na ki bɩ, yaa t'a na tek yam n bas a manesem-wẽngã n paam n vɩɩmde! Wẽnemd-y-yã! Wẽnemd-y n bas-y y manesem-wẽngã! Israyɛll buudu, bõe tɩ yãmb tog n ki?›

A Ooze 11:8

Efrayiim nebã, mam na n basa yãmb wãn-wãna? Israyɛll nebã, mam na n fãaga yãmb wãn-wãna? Mam na n maana yãmba. Mam sẽn maan Adma tẽngã nebã bɩ? Mam na n kɩtame tɩ yãmb yɩ wa Seboyim nebã bɩ? Mam yam leebdame. Mam nimbãan-zoeerã paasame.

A Zowɛlle 2:13

Da pãrs-y y fut ye, maneg-y y sũyã, n lebg n wa Sẽn-Ka-Saab sẽn yaa yãmb Wẽnnaamã nengẽ, bala, b yaa sugr soaba, la nimbãan-zoeer soaba, bãmb sũur ka yikd tao-tao ye, la b yaa nonglem-kãseng soaba, bãmb sã n sɩbge, b sũurã sãamdame.

A Zonaase 3:10

Wẽnnaam yãnda Niniiv nebã yel-manesmã, n mik tɩ b rag n basda b tʋʋm-beedã. Dẽ, Wẽnnaam teka yam ne sɩbgr ning bãmb sẽn dag n dat n sɩbg Niniiv nebã, la b basame n ka sɩbg-b ye.

Malasi 3:6

Bala, maam a Sẽn-Ka-Saab ka tek ye. La yãmb dãmb sẽn yaa a Zakoob yagense, b ka menes yãmb ye.»

Sõadga 23:19

Wẽnnaam ka ninsaal n yagd zĩrẽ ye, La bãmb leb n ka ninsaal n tekd yam ye! Bãmb sã n yeel bũmbu, b pidsd-a lame.

Rom Dãmba 11:29

Bala, bũmb nins Wẽnnaam sẽn kõ zaalmã, ne boolg ning Wẽnnaam sẽn boolã ka tõe n viig ye.

Efɛɛz Rãmba 4:30

Da maan-y tɩ Wẽnnaam Sɩɩg-sõngo, Sɩɩg ning b sẽn tall n ning yãmb bãnd fãagr daarã yĩngã sũur sãam ye.

Yaoolem 32:29

Bãmb sã n dag n tarẽ yam, b rag n na n tagsẽ lame n bãng bõn-kãng võore, n tõog n gũus ne b beoog vɩɩmã yelle.

Yaoolem 32:36

N-yẽe! Sẽn-Ka-Saab n na n kao b nebã bʋʋdo. Bãmb sã n yãnd tɩ b nebã pãng sɛɛme, tɩ yembs ne burkĩmb ka leb n beẽ, bãmb na n zoee b tʋmtʋmdbã nimbãanega.

Yaoolem 5:29

Mam dag n nongẽ lame tɩ bãmb yam yɩ woto wakat fãa tɩ b zoe maam n sak mam tõodã fãa, tɩ bãmb ne b kambã paam sũ-noog daar fãa.

Ebre rãmba 3:10

Rẽndã n kɩt tɩ mam sũur sãam ne zamaan‑kãng nebã, n yeel yaa: «Bãmb sũyã bʋdgda wakat fãa, la b ka bãng mam sẽn datã ye.»

Ebre rãmba 3:17

La ãndã rãmb la Wẽnnaam sũur sãam ne yʋʋm pis-naasã, sã n ka b rãmb nins sẽn maan yel-wẽnã, b rãmb kũum sẽn pa weoogẽ wã?

Zake 1:17

Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.

1 Sãmwɛlle 15:11

«Mam maanda m bãngẽ m sẽn yãk a Sayull t'a lebg mam nebã rĩmã yĩnga. Bala, yẽnda basa maam n ka sak mam noorã ye.» A Sãmwɛll sũurã sãama ne Sẽn-Ka-Saab sẽn yeelã. Yẽnda kelem n boola Sẽn-Ka-Saab yʋngã tõre.

1 Sãmwɛlle 15:29

Soab ning sẽn yaa Israyɛll Wẽnnaam wakat sẽn ka sɛtã ka yagd zĩrẽ, la b ka ninsaal n na n maan b bãngẽ ye.»

1 Sãmwɛlle 15:35

A Samwɛll kiime n ka tol n leb n kẽng a Sayull nengẽ ye. A Sãmwɛll yãba a Sayull yĩng wʋsgo. La Sẽn-Ka-Saab sũur sãama ne b menga, bãmb sẽn yãk a Sayull t'a lebg Israyɛll rĩmã yĩnga.