Sɩngrẽ 6:5 - WẼNNAAM SEBRE 2014

⁵ Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala.

SEBR SÕNGO

⁵ Soaala-Wẽnd yãeeme tɩ tẽng zugu, ninsaalb wẽnema tara paasg tɩ b sũura pʋgd wẽng bala, wakat buud fãa.

Sɩngrẽ 6:5 Iomraidhean Croise

Sɩngrẽ 13:13

Sodom tẽngã neb rag n yaa nin-wẽns meng-menga, la b maanda yel-wẽn n beegd Sẽn-Ka-Saabo.

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

A. Zoobe 15:16

ninsaal yaa yel-beedo, n yaa bõn-põosg n yɩɩda. Ninsaal yũuda ka-tɩrlmã wa koom!

A. Zoobe 22:15

Fo rat n tũu kʋdem-wẽndẽ sorã la? Sor ning nin-wẽnsã sẽn dag n tũ wã?

Yɩɩn‑sõamyã 53:2

Yalem yeta a sũurẽ yaa: «Wẽnnaam ka be ye.» Bãmb lebga nin-wẽnse, n tʋmd tʋʋm-beedo. Ned ba a yembr ka be n maand neer ye.

Yelbũna 6:18

n paas sũur sẽn tagsd n dat n maan wẽnga, ne nao sẽn yãgd n na n tɩ maan wẽnga,

Kowelɛt 7:29

Ade, yaa bũmb a yembr bal la mam yãnd yã. Yaa tɩ Wẽnnaam naana ninsaalbã tɩrse, la nebã baoo sɩlem wʋsgo.»

Kowelɛt 9:3

Bõn-kãngã fãa yaa wẽnga, la a bee bũmb nins fãa sẽn maand dũniyã zugã pʋgẽ. Bala, yɛlã paamda nebã fãa. La sẽn paase, ninsaalbã sũyã pida ne wẽnga, la yalemd bee b sũyã pʋsẽ, b vɩɩmã wakate. Dẽ poore, bãmb rabda kũum zĩigẽ.

Zeremi 17:9

Ninsaal sũurã pida ne zãmb n yɩɩd bũmb fãa, la a yaa wẽng wʋsgo! Ãnda n tõe n bãng-a?

Zeremi 4:14

Zeruzalɛm nebã, yiis-y wẽngã y sũyã pʋsẽ, n paam fãagre. Yãmb na n kell n pa y tags-wẽnsã pʋg hal tɩ ta dabʋre?

Ezekiyɛl 8:12

Bãmb leb n yeela maam yaa: «Ninsaala, fo nee Israyɛll buudã kãsem-dãmb sẽn be lik pʋgẽ n maand bũmb ninsã bɩ? Bãmb ned kam fãa roog pida ne wẽn-naandse.» Bãmb yetame: «Sẽn-Ka-Saab ka ne tõnd ye. Sẽn-Ka-Saab basa tẽngã!»

Ezekiyɛl 8:9

Wẽnnaam leb n yeela maam yaa: «Kẽ n ges yel-be-wẽns nins bãmb sẽn maand ka wã!»

A Matiye Sõng 15:19

Bala, tags-wẽnse, nin-kʋʋre, yoobo, raglem, wagdem, zĩrẽ la kãnegr yita sũur pʋgẽ.

A Matiye Sõng 24:37

Bũmb ning sẽn zĩnd a Nowe wakatã n na n zĩnd Ninsaal Bi-riblã waoong wakat me.

A Luk Sõng 17:26

Bũmb ning sẽn zĩnd a Nowe wakatã na n zĩnda Ninsaal Bi-riblã waoongã wakat me.

Yaoolem 29:19

Sẽn-Ka-Saab ka na n kõ yẽnda sugr ye. Sẽn-Ka-Saab sũ-kãbrã ne b sũ-kiirã na n yika ne a soaba, tɩ tood nins fãa sẽn gʋls seb-kãngã pʋgẽ wã wa a soab zugu. La Sẽn-Ka-Saab na n kɩtame t'a yʋʋr menem tẽng zugu.

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.

1 Pɩyɛɛr 3:20

Bãmb yaa neb nins sẽn yɩ kɩɩsdb wakat sẽn looge, Wẽnnaam sẽn maan sũ-mar n kaoos wakat ning a Nowe sẽn maan koom koglgã tɩ neb bilfu, dat n togs tɩ neb a nii wã kẽe a pʋgẽ n põs koomã.