Sɩngrẽ 49:1 - WẼNNAAM SEBRE 2014

¹ A Zakoob boola a kambã n yeel-b yaa: «Tigm-y taab tɩ m wilg-y bũmb ning sẽn na n paam yãmb wakat sẽn wate.

SEBR SÕNGO

¹ A Zakoob boola a kamba fãa n yeel-ba: «Tigim-y taab tɩ m wilg-y yɛl niyns sẽn wate.

Sɩngrẽ 49:1 Iomraidhean Croise

Yɩɩn‑sõamyã 105:15

«Da saag-y n sɩɩs-y mam nin-tũusdsã ye, la y ra maan mam no-rɛɛsdbã wẽng ye!»

Yɩɩn‑sõamyã 25:14

Sẽn-Ka-Saab vẽnegda b yel-solgdsã ne neb nins sẽn zoet bãmbã. Sẽn-Ka-Saab kɩtdame tɩ nin-bãmb bãng bãmb kaoolã.

A Ezayi 2:2

Wakat n wate, tɩ tãng ning Sẽn-Ka-Saab roogã sẽn tilg a zugã na n lug n yɩɩg tãms a taabã, a na n zẽkame t'a zãntlmã yɩɩg kunkubã zãntlem. La buud toay-toay fãa na n zoe n waa beenẽ.

A Ezayi 22:14

Saasẽ-Pãng-Soabã vẽnega maam bõn-kãng n yeele: «Yãmb na n kiime n ka tol n paam sugr y kong-kãngã yĩng ye.» Maam a Zu-soabã sẽn yaa Saasẽ-Pãng-Soabã n yeele.

A Ezayi 39:6

Daar n wate, tɩ b na n wʋk bũmb ning fãa sẽn be fo zakẽ wã, ne fo yaab-rãmbã sẽn dag n bĩng bũmb ning hal tɩ ta rũndã wã n tall n kẽng Babilonde. Bũmb kõn tol n kell ye. Yaa Sẽn-Ka-Saab n yeele.»

A Ezayi 48:14

Bɩ yãmb fãa tigim taab n kelge! Ãnda bãmb sʋkã n tõog n togs bõn-kãnga? Sẽn-Ka-Saab sẽn nong a soabã n na n tõog n maan bãmb raabã, n zab ne Babilonde, la yẽnda nugã na n zɩsga Kalde rãmbã zugu.

A Ezayi 53:1

Ãnda soab n tẽ bũmb ning b sẽn dag n togs tõndã? Sẽn-Ka-Saab wilga ãnda soab b pãngã?

Zeremi 23:20

Sẽn-Ka-Saab sũurã ka na n sigi, tɩ b ka maan b sẽn dat n maanã, la b pids b saagrã ye. Wakatã sã n ta, yãmb na n wʋma bõn-kãng võore.

A Dãniyɛlle 10:1

Pɛrs-rãmbã rĩm a Siruus sẽn deeg naam tɩ yʋʋm tãablẽ, a Dãniyɛll b sẽn pʋd a soab yʋʋr t'a Bɛlsatzaarã paama koɛɛg sẽn yit Wẽnnaam nengẽ, la yaa koɛɛg sẽn yaa sɩda, la a wilgdame tɩ zab-kãseng n na n zĩndi. La a Dãniyɛll sẽn deeg koɛɛgã, a tagsame n bãng a võore.

A Dãniyɛlle 10:14

Moasã, mam waame n na n wilg foom bũmb ning sẽn na n wa n paam fo nebã yaoolem wakatã. Bala, vẽnegr a yembr n ket wakat-kãng wɛɛngẽ.»

A Dãniyɛlle 2:47

Rĩmã goma ne a Dãniyɛll n yeele: «Fo sẽn tõog n bãng yel-solem-kãngã wã, Sɩd-sɩdã, mam miime tɩ yãmb Wẽnnaamã yaa wẽnnaam-dãmbã Wẽnnaam, la rĩm-dãmbã Soaala. Bãmb n vẽnegd yel-soalmã.»

A Amoose 3:7

Sẽn-Ka-Saab ka maand bũmbu, tɩ b ka reng n vẽneg-a ne b tʋmtʋmdbã sẽn yaa bãmb no-rɛɛsdbã ye.

A Miise 4:1

Wakat n wate, tɩ tãng ning Sẽn-Ka-Saab roogã sẽn tilg a zugã na n lug n yɩɩg tãms taabã, la a na n zẽkame t'a zãntlmã yɩɩg kunkubã zãntlem, La nebã na n zoe n waa beenẽ.

Sõadga 24:14

Moasã, m na n lebg n leba m nebẽ. La sẽn deng rẽ, wa tɩ m wilg-f Israyɛll nebã sẽn na n maan Moaab nebã bũmb ninga wakat sẽn wate.

A Luk Sõng 2:26

Sɩɩg-sõng dag n wilg-a lame t'a kõn ki, hal t'a yã Kirisã, Zu-soabã sẽn na n tʋmã.

Tʋʋma 2:17

Wẽnnaam yeelame yaa: «Yaoolem wakate, mam na n pʋdga m Sɩɩgã ninsaalbã buud fãa zutu. Yãmb kom-dibli la y kom-pugli na n togsa bãngr goamã. Yãmb kom-bɩɩs na n yãnda vẽnegre, la yãmb nin-kẽemb na n paama zãmsdo.

Yaoolem 31:12

Tigm-y nebã fãa, raopa, pagba, kamba ne sãamb nins sẽn be y tẽmsã pʋsẽ wã tɩ b wʋme, la b zãms Sẽn-Ka-Saab sẽn yaa yãmb Wẽnnaamã zoeese, n gũus b mens n sak tõodã goamã fãa,

Yaoolem 4:30

Y yel-pakrã pʋga, yel-kãensã fãa sã n wa paam yãmba, yãmb na n lebg n waa Sẽn-Ka-Saab sẽn yaa yãmb Wẽnnaamã nengẽ, la yãmb na n kelga bãmb koɛɛgã.

1 Tɩmote 4:1

Sɩɩg-sõng togsa vẽeneg tɩ yaoolem wakate, neb kẽer na n basa tẽebo, n pʋg belgr sɩɩse, la zãmsg zĩn-dãmb sẽn kõta.

2 Tɩmote 3:1

Bãng tɩ yaoolem wakate, tood na n zĩndame.

Ebre rãmba 1:2

wakat-kãngã sẽn yaa yaoolem dayã, bãmb tũnuga b Bi-riblã n gom ne tõndo. Wẽnnaam kɩtame tɩ b soog bũmb fãa, la yaa b Bi-riblã la Wẽnnaam tall n naan dũni fãa.

Ebre rãmba 13:1

Wɩng-y ne ba-biir nonglem.

Vẽnegre 4:1

Dẽ poore, mam gesame, la haya! Mam yãnda kʋɩleng sẽn pak arzãn pʋga. La pipi koɛɛg ning sẽn wẽnd baorg mam sẽn da wʋm t'a gomd ne maamã yeela maam yaa: Rʋ yĩngr ka, la mam na n kɩtame tɩ fo yã bũmb nins sẽn yaa tɩlɛ tɩ wa zĩndã.