Sɩngrẽ 47:1 - WẼNNAAM SEBRE 2014

¹ A Zozɛf kẽngame n tɩ togs Faarõ yaa: «Mam kẽem-dãmbã ne m ba wã yii Kana tẽng n wa. B waa ne b rũm-bãoonego, la b rũm-bɛda, ne bũmb nins fãa b sẽn so wã, la b tɩ bee Gosɛn tẽngã pʋga.»

SEBR SÕNGO

¹ A Zozɛf tɩ yeela Ezipt dĩma woto: «M ba la m kẽem dãmb yii Kanaã tẽng n wa. B waa ne b rũmsi, bɛd la bõonego, b waa ne b sẽn tar fãa la b siga Gosen.»

Sɩngrẽ 47:1 Iomraidhean Croise

Sɩngrẽ 45:10

Yãmb na n wa zĩnda Gosɛn tẽngã pʋg n pẽneg maam. Yaa yãmba, y kambã, y yagensã, la y rũm-bãoonegã ne y rũm-bɛdã, la ne bũmb nins fãa yãmb sẽn so wã zãnga.

Sɩngrẽ 45:16

Koɛɛgã saag n taa Faarõ yirã t'a Zozɛf kẽem-dãmbã waa Ezɩpt tẽnga. La a Faarõ ne a poorẽ dãmbã fãa sũur yɩɩ noogo.

Sɩngrẽ 46:28

A Zakoob tʋma a Zʋʋda t'a kẽng a Zozɛf nengẽ n tɩ yeel-a tɩ bãmb rabda Gosɛn tẽnga. La a Zakoob ne a yirã rãmb sẽn ta Gosɛn tẽngã,

Sɩngrẽ 46:31

A Zozɛf yeela a kẽem-dãmbã ne a ba wã zak rãmb fãa yaa: «Mam na n kẽng n tɩ togsa Faarõ, la m wilg-b tɩ mam kẽem-dãmbã ne mam ba wã zak rãmb sẽn dag n be Kana tẽngã waame, n be mam nengẽ.

Sɩngrẽ 46:34

bɩ y leok-b yaa: Tõnd sẽn yaa yãmb tʋmtʋmdbã yaa gʋʋn-gʋʋndba, sẽn sɩng ne yãadem wakat hal tɩ ta rũndã, wa tõnd ba-rãmbã me sẽn dag n yaa gʋʋndbã. Dẽ, b na n bas-y lame tɩ y zĩnd Gosɛn tẽngã pʋga. Bala, Ezɩpt tẽngã neb kisa neb nins fãa sẽn gʋʋnd rũm-bãoonegã.»

Yikri 8:22

La a Moyiis leokame: «Ka zems tɩ tõnd maan a woto ye. Bala, maand nins tõnd sẽn maand n kõt Sẽn-Ka-Saab sẽn yaa tõnd Wẽnnaamã yaa kisg ne Ezɩpt nebã. Tõnd sã n maan maoong sẽn yaa kisg ne Ezɩpt nebã bãmb nifẽ, b ka na n lob tõnd kug sɩda?

Yikri 9:26

La yaa Gosɛn tẽngã pʋg bal la sapɩlmã ka ni. Yaa beenẽ la Israyɛll nebã rag n be.»

Ebre rãmba 2:11

Bala, soab ning sẽn maneg nebã tɩ b yɩ sõama wã, la b rãmb nins b sẽn maneg tɩ b lebg sõama wã yaa ba a yembre. Rẽndã n kɩt tɩ yãnd ka tar a Zeezi tɩ bool bãmb tɩ b ba-biis