Sɩngrẽ 45:3 - WẼNNAAM SEBRE 2014

³ A Zozɛf yeela a ba-biisã yaa: «Yaa maam la a Zozɛfe! M baaba ket n vɩɩme bɩ?» Yẽnda ba-biisã rag n ka tõe n leok yẽnda ye. Bala, bãmb sẽn mik tɩ yaa a Zozɛf taoor la bãmb sẽn be wã, b yɛɛsame.

SEBR SÕNGO

³ A Zozɛf yeela a kẽem dãmba: «Maam la a Zozɛf. M ba wã ket n vɩɩme?» La a ba-biisã ka tõog n leok ye tɩ b pɛleng yɩkame.

Sɩngrẽ 45:3 Iomraidhean Croise

Sɩngrẽ 37:20

Wa-y tɩ d kʋ-a n lob bulgẽ, la d kuil n tɩ yeel tɩ yaa we-rũng n yõk-a n wãbe, la d ges yẽnda zãmsdã sẽn na yɩ bũmb ninga.»

Sɩngrẽ 42:21

Dẽ, bãmb sɩd maana woto, n gom ne taab n yeele: «Sɩdã, tõnd maana d yao wã wẽnga. Bala, tõnd yãnda a sũ-sãangã, yẽnda dag n kosa tõnd tɩ d zoe yẽnda nimbãanega, la tõnd ka kelg-a ye. Yaa rẽ yĩng n kɩt tɩ yel-pak-kãngã paamd tõndo.»

Sɩngrẽ 42:22

A Rubɛn goma ne bãmb n yeele: «Mam dag n ka reng n togs yãmb sɩda? Mam ka yeel tɩ d ra maan biigã wẽnga? La yãmb ka kelg maam ye. La moasã, ade, yẽnda zɩɩmã yell bee tõnd zugu.»

Sɩngrẽ 43:27

A Zozɛf pʋʋs-b lame n sok b keelem, n yeele: «Yãmb ba wã, sẽn yaa nin-kẽem ning yãmb sẽn dag n gom ne maam a yellã keemame? Bãmb ket n vɩɩme bɩ?»

A. Zoobe 23:15

Yaa woto n kɩt tɩ rabeem kãseng tar maam ne bãmb segbo. Mam sã n tags bõn-kãens fãa yelle, m pɛlengã yɩkdame.

A. Zoobe 4:5

La moasã, sẽn ta foomã, fo raoodã boogame! Moasã, bõn-kãng sẽn paam foomã, rabeem yõka foom!

Zakari 12:10

mam na n kɩtame tɩ nimbãan-zoeer ne se-yõkr sɩɩg sig a Davɩɩd buudã ne Zeruzalɛm nebã zugu, la bãmb na n wẽnemd n gesa maam, bãmb na n wẽnemd n gesa soab ning bãmb sẽn dag n kõsã. Bãmb na n yãba a yĩnga, wa ned sẽn yãbd a bi-yend yĩnga. Bãmb na n yãba yẽnda yĩng wʋsg wa ned sẽn yãbd a pipi bi-ribl yĩnga.

A Mark Sõng 6:50

la b kelmame, bala, bãmb fãa yãnd-b lame, la rabeem yõka bãmba. Tao-tao bala, a Zeezi goma ne bãmb n yeele: «Keng-y y sũyã, yaa maam. Da zoe-y rabeem ye.»

A Luk Sõng 5:8

A Sɩmo Pɩyɛɛr sẽn yã woto, a wõgemda a Zeezi taoor n yeele: «Zu-soaba, zãag-y y meng ne maam. Bala, mam yaa yel-wẽn maanda.»

Tʋʋma 7:13

La a Zakoob sẽn tʋm-b naoor a yiib soaba, a Zozɛf vẽnega a meng ne a ba-biisã. La Faarõ bãnga a Zozɛf sẽn yaa buud ninga.

Tʋʋma 9:5

A Soll leokame tɩ Zu-soaba, yãmb yaa ãnda: La Zu-soabã yeelame yaa: Mam yaa a Zeezi fo sẽn namsd a soabã. [Na n yɩɩ toog ne foom, fo sẽn kɩɩsdã yĩnga. La yẽnda ra yɛɛsame n digd n sok Zu-soabã tɩ bãmb datame tɩ yẽ maan bõe. Dẽ Zu-soabã yeela yẽnda]

Vẽnegre 1:7

Ade bãmb wata ne sawato. Ninsaal fãa na n yãnda bãmba, hal baa ne neb nins sẽn dag n kõs bãmbã. La buudã fãa sẽn be dũni zugã na n wiisa bãmb yĩnga. N-yẽe! Ãmina!