Sɩngrẽ 42:6 - WẼNNAAM SEBRE 2014

⁶ La mikame tɩ yaa a Zozɛf n dag n yaa Ezɩpt soolmã balem-naaba. La yaa yẽnda n kõt noor tɩ b koosd koodã ne nebã fãa. Dẽ, a Zozɛf kẽem-dãmbã wa n wõgemdame, n fõgen b nens tẽng yẽnda taoore.

SEBR SÕNGO

⁶ A Zozɛf da yaa na-kãsenga, da yaa yẽ nengẽ la raadba fãa da wat n daadẽ. Woto a Zozɛf kẽem dãmba sẽn taa a taoore b wõgemdame n waoog-a.

Sɩngrẽ 42:6 Iomraidhean Croise

Vẽnegre 3:9

Ade, mam na n ninga neb nins sẽn yaa a Sʋtãan tũudbã yãmb nugẽ. Bãmb yagda zĩrẽ n boond b mens tɩ Zʋɩf-rãmba, tɩ yaool n ka sɩd ye. Gese, mam na n kɩtame tɩ b wa n wõgemd yãmb taoore, la b bãng tɩ mam nonga yãmba.

Tʋʋma 7:10

La Wẽnnaam dag n bee ne a Zozɛfe, la b fãaga yẽnda a yel-pakrã fãa pʋgẽ. La Wẽnnaam kɩtame t'a Zozɛf tar yam la bark Ezɩpt rĩm a Faarõ nifẽ. La rĩm a Faarõ kɩtame t'a Zozɛf lebg Gʋvɛrneer n soog Ezɩpt ne a Farõ na-yirã neb fãa.

Sɩngrẽ 45:26

Bãmb yeela b ba a Zakoob yaa: «Ad a Zozɛf ket n vɩɩme, la yaa yẽnda n so Ezɩpt soolmã gilli.» La bõn-kãng rag n ka sɩɩsd a Zakoob sũurã ye. Bala, yẽnda rag n ka tẽed b goamã ye.

Sɩngrẽ 45:8

Rẽ wã, ad ka yãmb n kɩt tɩ mam wa kaanẽ ye, yaa Wẽnnaam n tʋm maam! La yaa Wẽnnaam n kɩte, tɩ mam lebg wa Faarõ ba, la m soog a yirã fãa, la m yɩ naab n soog Ezɩpt soolmã zãnga.

Sɩngrẽ 44:14

A Zʋʋda ne a ba-biisã lebg n taa a Zozɛf yirã, la rẽ t'a Zozɛf ket n bee yiri. La bãmb wõgemda a Zozɛf taoor n fõgen b nens tẽnga.

Sɩngrẽ 19:1

Malɛgs a yiibã taa Sodom tẽngã wĩndgã kõom wakate. La a Lot dag n zĩi Sodom tẽngã noore. A Lot sẽn yãnd-bã, a yikame n kẽng n na n seg-ba, la a wõgemdame n fõgen a neng tẽnga.

Sɩngrẽ 18:2

A Abrahaam zẽka a neng n gese, la a yãnda raop a tãab sẽn yas yẽnda neng-taoore. A Abrahaam sẽn yãnd-bã, a yika a fu-roogã noor n wudg n seg-b n wõgemd tẽnga,

Sɩngrẽ 33:3

La yẽnda mengã lʋɩɩ bãmb fãa taoore, n wõgemd n fõgen a neng tẽng naoor a yopoe n yaool n na n ta a kẽemã sẽn beẽ wã.

Sɩngrẽ 41:43

La rĩm a Faarõ kɩtame t'a Zozɛf kẽ Saar a yiibẽ soabã sẽn pʋgd yẽnda wã, la nebã rag n kelemdame n yetẽ tɩ: «Wõgemd-y-yã!» Rẽ, yɩɩ woto tɩ Faarõ kõ a Zozɛf noor t'a soog Ezɩpt soolmã zãnga.

Sɩngrẽ 48:12

A Zozɛf taka a kambã n yiis a ba wã rũmẽ, la a wõgemd n fõgen a neng tẽnga.

1 Sãmwɛlle 20:41

Bi-bɩɩgã loogr poore, a Davɩɩd yika goabg sẽnẽ wã n yi, n wõgemd n fõgen a neng tẽng naoor a tãabo. A Davɩɩd ne a Zonatã moka taab n yãbe, la a Davɩɩd zẽka a koɛɛg n yãb n yɩɩd a Zonatã.

Yelbũna 11:26

Ned sã n bĩngd bɩle n ka rat n yiisi, nebã kãabd-a-la wẽnga, la sẽn yiisd-a bɩle n koosdẽ paamda nebã barka.

A Ezayi 60:14

Sẽn dag n paoogd-b foomã kamb na n sulga b mens n wa fo nengẽ, bãmb na n wa wõgemda fo naoã tẽngre. Yaa sẽn dag n yaand-b foomã fãa. Bãmb na n boola foom tɩ ‹Sẽn-Ka-Saab tẽnga›, la ‹Israyɛll Pʋ-Peelem-Soabã Sɩyõ.›

Sɩngrẽ 41:54

La yʋʋm a yopoe kom-kãsengã sɩnga waoong wa a Zozɛf sẽn dag n togsã. La kom-kãsengã kẽe tẽmsã fãa pʋse. La Ezɩpt soolmã rag n tara rɩɩbo.

Sɩngrẽ 41:57

La nebã rag n yita dũniyã zĩisã fãa pʋs n wat Ezɩpt tẽng n daad koodã a Zozɛf nengẽ. Bala, kom-kãsengã rag n kẽe dũniyã gill fãa.