Sɩngrẽ 39:6 - WẼNNAAM SEBRE 2014

⁶ A Potifaar dɩka yẽnda sẽn so wã fãa n bas a Zozɛf nugẽ. Yẽnda ka leb n maand baa fɩ, sã n ka rɩɩbã yẽnda sẽn dɩtã bala. A Zozɛf rag n yaa ra-sãn-beelle, n yaa neere.

SEBR SÕNGO

⁶ A sẽn dɩk fãa n bas ne a Zozɛf, a ka le bʋ bũmb ba a ye poorẽ ye, tʋʋmd ning a sẽn da kell a meng yĩnga, da yaa a menga rɩlgre bala. A Zozɛf ra yaa rao sẽn pidi la a neng ra sakda gesgo.

Sɩngrẽ 39:6 Iomraidhean Croise

Sɩngrẽ 29:17

A Leya ninã rag n ka tar pãng ye, la a Rasɛll dag n yaa pʋg-sad-neer hal wʋsgo.

Sɩngrẽ 39:23

Bi-bees roog gũudbã naab rag n ka leb n get a Zozɛf sẽn maand bũmb ningã baa yembr yell yɛs ye. Bala, Sẽn-Ka-Saab rag n bee ne a Zozɛfe. Sẽn-Ka-Saab kɩtame t'a Zozɛf paamd tõogr ne bũmb nins fãa a sẽn maandã.

Sɩngrẽ 39:4

Yẽnda soaalã rag n nong-a lame, la a kɩtame t'a Zozɛf tʋmd yẽnda tʋʋma, la a kɩt t'a lebg yẽnda zakã yel-gɛta, la a rɩk a bũmbã fãa n ning a Zozɛf nugẽ.

Sɩngrẽ 39:8

La a Zozɛf zãgsame n yeel a soaalã pag yaa: «Gese, mam sẽn be mam soaalã nengẽ tɛka, bãmb ka leb n get bũmb baa yembr yell b zakã pʋg ye. Bãmb dɩka bũmb nins fãa b sẽn so wã n ning mam nugẽ.

Sɩngrẽ 43:32

La b ninga a Zozɛf rɩɩbã toore, la b ning a kẽem-dãmbã rẽnd toore, la b ning Ezɩpt neb nins sẽn mi n dɩt ne yẽnda wã me toore. Bala, Ezɩpt tẽng nebã ka tõe n naag Ebre rãmbã n dɩ ye. Bala, bõn-kãng yaa yel-beed ne Ezɩpt nebã.

Yelbũna 31:11

A sɩdã kɩsa sɩd ne-a, la a na n dɩ a yõodo.

A Luk Sõng 16:10

Ned ning sẽn maand sɩd bõn-bãooneg pʋse, a maanda sɩd bõn-kãsems pʋse. La ned ning sẽn ka maand sɩd bõn-bãooneg pʋs ka na n maan sɩd bõn-kãsems pʋs me ye.

A Luk Sõng 19:17

A yeela yẽnda yaa: ‹Be neere, tʋmtʋmd-sõngo, fo sẽn maan sɩd ne bũmb bilfã yĩnga, bɩ f soog tẽms piiga.›

Tʋʋma 7:20

La yaa wakat-kãng la b rog a Moyiisi. A rag n yaa bi-neere n ta Wẽnnaam yam. La yẽnda zĩnda a ba wã zakẽ kiis a tãabo.

1 Sãmwɛlle 16:12

Dẽ, a Izayi tʋmame tɩ b tɩ tall-a n wa. La a Davɩɩd dag n yaa moeega, t'a ninã ne a mengã be ra-sãnde. Dẽ, Sẽn-Ka-Saab yeela a Sãmwɛll yaa: «Yik n ning rĩung kaam a zugu, bala, yaa yẽnda la mam yãk yã.»

1 Sãmwɛlle 17:42

Filistẽ daoã sẽn yã a Davɩɩdã, a ka nan-a ye. A gesame t'a Davɩɩd yaa moeeg sẽn tar ra-sãnd bala.