Sɩngrẽ 39:3 - WẼNNAAM SEBRE 2014

³ A Zozɛf soaalã yãame tɩ Sẽn-Ka-Saab bee ne a Zozɛfe. La a Zozɛf sã n dat n maan bũmbu, Sẽn-Ka-Saab kɩtdame t'a tõogdẽ.

SEBR SÕNGO

³ Nin-kãnga yãendame t'a Zozɛf yĩnga, Soaala-Wẽnd da bee ne-a tɩ bũmba fãa sakd-a,

Sɩngrẽ 39:3 Iomraidhean Croise

Sɩngrẽ 21:20

La Wẽnnaam dag n bee ne biigã, la a bɩɩme, n zĩnd weoogã pʋg n lebg tãb-tãood sẽn mi tãp tãoob sõama.

Sɩngrẽ 21:22

Wakat-kãnga, a Abimelɛk tãb-biisã naab a Pikoll tũu yẽnda tɩ b wa a Abrahaam nengẽ, n yeel a Abrahaam yaa: «Wẽnnaam bee ne foom f tʋʋma fãa pʋse.

Sɩngrẽ 21:23

Dẽ wã, bɩ f wẽen ne Wẽnnaam yʋʋre, tɩ f ka na n zãmb maam bɩ m kambã, wall mam yagensã ye. La tɩ fo na n maana maam ne soolem ning fo sẽn yaa sãan a pʋgẽ wã neere, wa mam sẽn maan foom neerã.»

Sɩngrẽ 26:24

Badaar yʋngo, Sẽn-Ka-Saab puka b meng ne yẽnda n yeele: «Mam yaa fo ba a Abrahaam Wẽnnaam, da zoe rabeem ye. Bala, mam bee ne foom. Mam na n ninga fo zug barka, n kɩt tɩ fo yagensã fɩɩg n lebg wʋsgo, mam tʋmtʋmd a Abrahaam zug maasem yĩnga.»

Sɩngrẽ 26:28

Bãmb leoka a Izak yaa: «Tõnd yãame tɩ Sẽn-Ka-Saab bee ne foom. Yaa rẽ yĩng la tõnd tags tɩ yaa neere, tɩ fo wa tɩ d maan pʋleng ne taaba, n maan kaool tõnd ne taab sʋka.

Sɩngrẽ 30:27

A Labã yeela a Zakoob yaa: «Fo sã n nonga maam, bɩ f kelg maam! Mam tẽn-kugã wilga maam tɩ yaa fo zug maasem yĩng la Wẽnnaam ning mam zug barka.

Sɩngrẽ 30:30

Bala, yãmb sẽn dag n tar rũms bilf ning sẽn deng mam waoongã fɩɩgame n lebg wʋsgo. La sẽn sɩng ne daar ning mam sẽn kẽ yãmb zakẽ wã, Sẽn-Ka-Saab ninga yãmb barka. Woto wã, yaa wakat a wãn la mam na n tʋm m zakã rãmb me yĩnga?»

Sɩngrẽ 39:2

La Sẽn-Ka-Saab rag n bee ne a Zozɛfe. A Zozɛf rag n paamda tõogr ne bũmbã fãa. Yẽnda rag n bee Ezɩpt nedã sẽn yaa yẽnda soaalã zakẽ.

Sɩngrẽ 39:21

La Sẽn-Ka-Saab rag n bee ne a Zozɛfe, la b wilga a Zozɛf b nonglem. Bãmb kɩtame tɩ bi-bees roog gũudbã naab nong a Zozɛfe.

Sɩngrẽ 39:23

Bi-bees roog gũudbã naab rag n ka leb n get a Zozɛf sẽn maand bũmb ningã baa yembr yell yɛs ye. Bala, Sẽn-Ka-Saab rag n bee ne a Zozɛfe. Sẽn-Ka-Saab kɩtame t'a Zozɛf paamd tõogr ne bũmb nins fãa a sẽn maandã.

2 Rĩm-dãmba 18:7

Sẽn-Ka-Saab rag n bee ne a Ezekɩyaas. A Ezekɩyaas rag n paamda tõogr ne a tʋʋmã fãa. La yẽnda kɩɩsa Asiiri rĩmã, t'a ka leb n sak n bas t'a soog-b ye.

1 Kibayã 22:13

Woto, fo sã n sak noy la no-tũuds nins Sẽn-Ka-Saab sẽn dag n kõ a Moyiis Israyɛll yĩngã, fo na n paama tõogre. Dẽ yĩngã, bɩ f paam pãng la raoodo, la f ra zoe rabeem, la f ra yɛɛs ye.

1 Kibayã 9:20

la a Eleyazaar biig a Fineyaas n dag n yaa b naaba. Sẽn-Ka-Saab rag n bee ne a Fineyaase.

2 Kibayã 1:1

A Davɩɩd biig a Salmo naamã paama pãng hal wʋsgo. Bala, Sẽn-Ka-Saab sẽn yaa yẽnda Wẽnnaamã rag n bee ne yẽnda, n kɩt t'a lebg kãsenga.

2 Kibayã 26:5

A Oozɩyaas baoo Wẽnnaam a Zakari vɩɩmã tɛka. A Zakari yaa ned sẽn dag n tar Wẽnnaam vẽnegr bãngre. La wakat ninga a Oozɩyaas sẽn dag n baood Sẽn-Ka-Saabã sasa, Sẽn-Ka-Saab dag n sõngd-a lame.

A Neemi 2:20

Dẽ, mam kɩtame tɩ b tɩ leok-b a woto: «Yaa saasẽ Wẽnnaamã meng n na n sõng tõnd tɩ d tõoge. Tõnd yaa bãmb tʋmtʋmdba. Dẽ, tõnd na n yik n lebs mee tẽngã! La yãmba, yãmb kõn tol n paam pʋɩɩre, wall noor ne bũmb Zeruzalɛm tẽngã pʋgẽ ye. La b kõn tol n leb n tẽeg yãmb yell Zeruzalɛm pʋgẽ ye.»

Yɩɩn‑sõamyã 1:3

Yẽnda wẽnda wa tɩɩg sẽn be kʋɩlg noore, n womd a biis a womb wakate, t'a vãadã ka tol n kʋɩtẽ ye. Yẽnda paamda tõogr bũmb ning fãa a sẽn maandã pʋga.

Zakari 8:23

Saasẽ-Pãng-Soabã yetame: «Badaare, neb sẽn gomd goam buud toor-toor pʋgẽ neb piig na n gãda Zʋɩf a yembr fãa fuug noor n yeele: ‹Tõnd na n tũu yãmb n kẽnge. Bala, tõnd wʋmame tɩ Wẽnnaam bee ne yãmba.› »

A Matiye Sõng 5:16

Bɩ yãmb vẽenem yãg a woto me nebã sʋka, tɩ bãmb tõe n yãnd yãmb tʋʋm‑sõamyã la b waoog yãmb ba sẽn be arzãnã.

1 Korẽnt rãmba 16:2

Dasem a yopoe wã pipi daarã, bɩ yãmb ned kam fãa bĩng bũmb ning a sẽn tõe n kõ wã kɛɛnga, a yiri, tɩ y da wa yals n gũ mam waoong n na n yaool n tigs kũunã ye.

Yaoolem 2:7

Bala, Sẽn-Ka-Saab sẽn yaa yãmb Wẽnnaamã ninga bũmb ning fãa yãmb sẽn maandã barka. B yãnda y kẽnã fãa we-raoogã pʋgẽ ka. Yʋʋm pis-naas la woto, Sẽn-Ka-Saab sẽn yaa yãmb Wẽnnaamã sẽn be ne yãmba, la bũmb ka paoog yãmb ye.»

Zozuwe 1:9

Mam ka yeel foom tɩ f keng f meng n paam daood la? Da zoe rabeem ye, da yɛɛs ye. Bala, Sẽn-Ka-Saab sẽn yaa fo Wẽnnaamã na n zĩnda ne foom zĩig ninga fãa fo sẽn na n kẽnge.»

Vẽnegre 3:9

Ade, mam na n ninga neb nins sẽn yaa a Sʋtãan tũudbã yãmb nugẽ. Bãmb yagda zĩrẽ n boond b mens tɩ Zʋɩf-rãmba, tɩ yaool n ka sɩd ye. Gese, mam na n kɩtame tɩ b wa n wõgemd yãmb taoore, la b bãng tɩ mam nonga yãmba.

1 Sãmwɛlle 18:14

A Davɩɩd dag n paamda tõogr ne bũmb fãa, la Sẽn-Ka-Saab rag n bee ne yẽnda.

1 Sãmwɛlle 18:28

A Sayull yãame tɩ Sẽn-Ka-Saab bee ne a Davɩɩde, la yẽnda bi-pugl a Mikall dag n nonga a Davɩɩde.

1 Sãmwɛlle 3:19

A Sãmwɛll dag n bɩtame, la Sẽn-Ka-Saab rag n bee ne yẽnda, n ka bas b gomd ba a yembr tɩ vaal ye.