Sɩngrẽ 39:12 - WẼNNAAM SEBRE 2014

¹² Dẽ, pagã gãda a Zozɛf fuugã n yeel-a: «Wa gãand ne maam!» La a Zozɛf wudgame n yi n bas fuugã pagã nugẽ.

SEBR SÕNGO

¹² Paga gãda a fuug n yeel-a: «Gãand ne maam!» La a Zozɛf basa fuugã a nugẽ n zoe n yi.

Sɩngrẽ 39:12 Iomraidhean Croise

Sɩngrẽ 39:10

Pagã rag n gomda ne a Zozɛf daar fãa n pẽdgd-a la a kelgd-a ye. A ka sak n gãand ne-a wall a lagem ne-a ye.

Sɩngrẽ 39:11

La daar a yembre, a Zozɛf kẽe roogẽ n na n maan a tʋʋmde. La mikame, tɩ zakã ned baa a yembr dag n ka be zakã pʋg ye.

Sɩngrẽ 39:13

La pagã sẽn yãnd t'a Zozɛf basa fuugã yẽnda nugẽ n wudg n yi yɩngã,

Sɩngrẽ 39:8

La a Zozɛf zãgsame n yeel a soaalã pag yaa: «Gese, mam sẽn be mam soaalã nengẽ tɛka, bãmb ka leb n get bũmb baa yembr yell b zakã pʋg ye. Bãmb dɩka bũmb nins fãa b sẽn so wã n ning mam nugẽ.

2 Sãmwɛlle 13:11

La a Tamaar sẽn kolg n na kõ a Amno rɩɩbã, a Amno gãd-a lame n yeel-a: «Tamaare, wa gãand ne maam.»

Yelbũna 1:15

M biiga, ra tũ bãmb ye, zãag f meng ne sor ning nin-bãmbã sẽn tũudã.

Yelbũna 5:8

Zãag-y y mens ne pagb a woto buudu, La y ra tol n pẽneg b roogã noor ye.

Yelbũna 6:5

Bɩ f fãag f meng wa walg sẽn fãag a meng tãoos nugẽ, la wa liuul sẽn tõog n fãag a meng tãoogẽ.

Kowelɛt 7:26

La mam yaool n yãndame tɩ pag ning sẽn yaa wa kuusrã, t'a sũurã ne a nusã yaa wa sẽbdsã, toolem yɩɩda kũum. La ned ning sẽn tat Wẽnnaam yamã põsda yẽnda. La yẽnda yõkda yel-wẽn-maandã.

1 Korẽnt rãmba 15:33

Da belg-y y mens ye: Tũud-n-ta-wẽng sãamda minim-sõamyã.

2 Tɩmote 2:22

Zãag ne yãadem datem wẽnsã, la f bao tɩrlem, la tẽebo, la nonglem, la laafɩ ne neb nins sẽn pʋʋsd Zu-soabã ne sũy sẽn yaa yɩlma.

1 Pɩyɛɛr 2:11

Mam zo-nongdse, yãmb sẽn yaa sãamb la kaoos-wetã, mam sagenda yãmb tɩ y ra sak yĩngã ratem wẽnsã sẽn zabd ne sɩɩgã ye.

1 Sãmwɛlle 15:27

La a Sãmwɛll sẽn lebg t'a na n looge, a Sayull gãda a fuugã noor n tak tɩ kẽege.