Sɩngrẽ 30:2 - WẼNNAAM SEBRE 2014

² A Zakoob sũurã yika ne a Rasɛll t'a yeel-a yaa: «Mam bee Wẽnnaam ning sẽn gɩdg-a fo rogmã zĩigẽ la?»

SEBR SÕNGO

² Dẽ la a Zakoob sũur puug ne a Rasɛl t'a leok-a: «M yaa Wẽnd-Pãng-Soab la, ka bãmb n mong foom dogma bɩ?»

Sɩngrẽ 30:2 Iomraidhean Croise

Sɩngrẽ 16:2

A Sarayi yeela a Abram yaa: «Sẽn-Ka-Saab sẽn ka kõ maam dogmã yĩnga, m kot-y lame tɩ y kẽ ne mam yem-poakã, tɩ daar ninga a na rog bi-ribl n kõ-ma.» Dẽ, a Abram kelga a Sarayi goamã.

Sɩngrẽ 20:18

Bala, Wẽnnaam dag n kɩtame t'a Abimelɛk zakã pagb fãa lebg kiyã, a Abrahaam pag a Saara yĩnga.

Sɩngrẽ 25:21

A Izak pʋʋs n kosa Sẽn-Ka-Saabo, a pag a Rebeka yĩnga. Bala, a rag n ka tar dogem ye. La Sẽn-Ka-Saab wʋma a kosgã. La a Izak pag a Rebeka rɩka pʋga.

Sɩngrẽ 29:31

Sẽn-Ka-Saab sẽn yãnd tɩ b rag n ka nong a Leya wã, bãmb kõ-a-la rogem, la a Rasɛll dag n yaa kiiri.

Sɩngrẽ 31:36

A Zakoob sũurã puugame t'a yik zabr ne a Labã. Yẽnda yeela a Labã yaa: «Mam beegrã yaa bʋgo? Yaa yel-wẽn-bʋg la mam maan yã, tɩ yãmb pʋgd maam a woto ne sũuri?

Sɩngrẽ 50:19

A Zozɛf yeela a kẽem-dãmbã yaa: «Ra zoe-y rabeem ye! Mam bee Wẽnnaam zĩigẽ la?

2 Rĩm-dãmba 5:7

La Israyɛll dĩmã sẽn karem sebrã n sɛ, a pãrsa a futu, n yeele: «Mam yaa Wẽnnaam n tõe n kʋ wall m vʋʋg ned la? Bõe yĩng tɩ Siiri rĩmã na n tʋm ned t'a wa mam nengẽ tɩ m maag a wãoodo? Yãmb mens neeme tɩ yaa mam noor la a baooda.»

Yɩɩn‑sõamyã 113:9

Bãmb kɩtdame tɩ pʋg-kiir paam doogo, n paam kamb t'a sũur noomẽ. Pẽg-y Sẽn-Ka-Saabo!

Yɩɩn‑sõamyã 127:3

Kamb yaa Sẽn-Ka-Saab kũuni, b yaa keoor Sẽn-Ka-Saab sẽn kõte.

Yikri 32:19

La bãmb sẽn kolg nebã sik zĩigã n yãnd nag-bilã la nebã sẽn saood warbã, a Moyiis sũur yika wʋsg t'a lob kug-walsã tẽng tɩ b wã tãngã sɛɛga.

A Matiye Sõng 5:22

La mam yeta yãmb tɩ ned sũur sã n yik ne a ba-biiga, a zemsame tɩ bʋ-kaoodbã kao yẽnda bʋʋdo. Ned sã n yeel a ba-biig t'a ka bark ye, a zemsame tɩ kaorengã yɛl bʋ-bʋʋdbã kao a bʋʋdo. La ned sã n yeel a ba-biig tɩ yalma, yẽnda soab zemsa bug-tẽnga.

A Mark Sõng 3:5

A Zeezi wẽneg n gesa b fãa ne sũ-yikri la ne sũ-sãanga, b sũyã sẽn diglmã yĩngã. La b yeela raoã yaa: «Tẽeg f nugã.» Raoã tẽegame la a nugã vʋʋgame.

A Luk Sõng 1:42

A zẽka a koɛɛg n yeele: Fo tara Wẽnnaam bark n yɩɩd pagbã fãa. La biigã sẽn be fo pʋgẽ wã me tara barka.

Efɛɛz Rãmba 4:26

Yãmb sũur sã n yiki, da sak-y tɩ wĩndg tɩ kẽ tɩ y sũurã nan ka sig ye.

1 Sãmwɛlle 1:5

La a yãkda pʋɩɩr a yiib n kõ a Ãnde, bala, yẽnda rag n nonga a Ãnde, baa ne Sẽn-Ka-Saab sẽn kɩt t'a yaa kiirã.