Sɩngrẽ 3:8 - WẼNNAAM SEBRE 2014

⁸ Zaab-noor wakate, raoã ne a pagã wʋma Wẽnnaam sẽn dag n gõod zẽedã zĩig pʋg rãamde. Dẽ bãmb kẽe zẽedã zĩig tɩɩs sʋk n solg b meng ne Wẽnnaam Sẽn-Ka-Saabo.

SEBR SÕNGO

⁸ A Adem ne a paga wʋma Soaala-Wẽnd kẽnda rãamde, zẽeda pʋga. B ra kokda zaabr pemsem. A Adem ne a paga zoe n soonda tɩɩsa sʋka tɩ Soaala-Wẽnd nif ra yãend-b ye.

Sɩngrẽ 3:8 Iomraidhean Croise

Sɩngrẽ 18:33

Sẽn-Ka-Saab sẽn gom a woto ne a Abrahaam n sɛ, b loogame. La a Abrahaam lebg n kuila a yiri.

Sɩngrẽ 3:10

Raoã leokame: «Mam wʋma yãmb rãamd zẽedã zĩig pʋga, dẽ, rabeem yõka maam. Bala, mam yaa m zaala. Dẽ kɩtame tɩ mam zoe n soonde.»

A. Zoobe 22:14

Fo tagsdame tɩ sawat luda bãmb tɩ b ka tõe n yãnd ye, la b kẽnda sa-gãongã zugu.›

A. Zoobe 31:33

Mam zɩ n lud m wẽng wa ninsaalb a taabã sẽn mi n maandẽ wã ye. Mam ka solg m kongrã m sũur pʋgẽ,

A. Zoobe 38:1

Sẽn-Ka-Saab koɛɛg yii sobg pʋgẽ n yeel a Zoob yaa:

Yelbũna 15:3

Sẽn-Ka-Saab nee zĩigã fãa, la bãmb geta nin-wẽnsã ne nin-sõamyã.

Zeremi 23:24

Sẽn-Ka-Saab yetame: «Rẽ yĩnga, ned tõe n soondame tɩ m ka yãnd-a sɩda?» Sẽn-Ka-Saab yetame: «Mam ka be yĩngr la tẽng sɩda?

A Ooze 10:8

B na n sãama maoong kʋʋb zĩis nins Israyɛll sẽn dag n maand yel-wẽn-kãsemsã b zutã. Gõos ne tuud na n yii b tẽn-kugã zutu. Bãmb na n yeela tãmsã tɩ b bus-ba, la b yeel kunkubã tɩ b lʋɩ n yẽeg-ba.

Maan‑kʋʋre 26:12

Mam na n kẽna yãmb sʋka, n kell n yɩ yãmb Wẽnnaam, tɩ yãmb yɩ mam nebã.

A Zonaase 1:3

La a Zonaas yikame n na n zoe n kẽng Tarsɩɩse, sẽn na n yɩlẽ n zãag ne Sẽn-Ka-Saabo. La a sẽn ta Zafa tẽnga, a yãnda koom kogl-bedr sẽn dabd Tarsɩɩse, la yẽnda yaoome n kẽ n naag koom koglgã rãmba, n na n kẽng Tarsɩɩs n zãag ne Sẽn-Ka-Saabo.

Rom Dãmba 2:15

B wilgdame tɩ bũmb nins tõogã sẽn datã gʋlsa bãmb sũyã pʋse. Bãmb sũ-bãngrã kɩta rẽnda kaseto, la bãmb tagsgã rõta bãmba wall a zabd n sõngd bãmba.

Yaoolem 23:14

bɩ y zã wãka, tɩ y sã n maan we-kɛɛngã n sa, bɩ y tuk bok n bus bĩndã.

Yaoolem 4:33

Dẽ yĩnga, buud zoe n zĩnda sẽn wʋm Wẽnnaam koɛɛg sẽn yit bugum pʋgẽ wa yãmb sẽn wʋm n ket n vɩ wã?

Yaoolem 5:25

Moasã, bõe yĩng tɩ d na n ki? Tõnd sã n ket n wʋmd Sẽn-Ka-Saab sẽn yaa tõnd Wẽnnaamã koɛɛga, bug-kãsengã na n dɩɩ tõndo! Tõnd na n kiime.

Ebre rãmba 4:13

Bõn-naandg baa a yembr ka be Wẽnnaam sẽn ka ne ye. Bũmb fãa yaa vẽenes la bɛɛl ne soab ning tõnd sẽn na n yals a taoor n togs d yɛlã.

Vẽnegre 6:15

Dũni rĩm-dãmbã la nin-kãsemsã, la a sodaas nanambsã, la a arzegs rãmbã, la a pãens rãmbã, la a yembsã, ne burkĩmbã fãa, kẽng n tɩ soonda tãms bogdẽ la tãms pĩis sʋka.