Sɩngrẽ 3:15 - WẼNNAAM SEBRE 2014

¹⁵ Mam na n ninga beem foom ne pagã sʋka, la fo yagengã ne pagã yageng sʋka. Pagã yageng na n bedsa fo zugu, la fo na n pogla yẽnda nao-kãsenkãare.»

SEBR SÕNGO

¹⁵ M na n ninga beem, foo ne paga sʋka, f kamb la paga kamb sʋka. Fo na n dũma paga nao-kãsenkãare la a na bedsa f zugu.»

Sɩngrẽ 3:15 Iomraidhean Croise

Sɩngrẽ 49:17

A Dan na n yɩɩ wa waaf sẽn be sor zugu, la wa põeer sẽn be sor zugu, n dũmd wed-moaag nao-bendo, t'a wed-rʋʋdã lʋɩt zãmbɛɛla.

Yɩɩn‑sõamyã 132:11

Sẽn-Ka-Saab wẽena ne a Davɩɩde, la b kõn lebs b noor poorẽ ye.» Bãmb yeela a Davɩɩd yaa: «Mam na n kɩtame tɩ fo yageng led foom f zaoorẽ wã.

A Ezayi 53:12

Yaa rẽ n kɩte, tɩ mam na n naag bãmb ne nin-kãsems n kõ kũuni. Bãmb na n naaga pãens rãmb n pʋɩ te-zɛɛdem. Bala, bãmb rɩka b meng n kõ kũum, la b sõda bãmb n naag tʋʋm-beed rãmbã. Dẽ, bãmb deega neb wʋsg yel-wẽna, la bãmb kẽe sʋk n paas zabrã koangdbã yĩnga.

A Ezayi 7:14

Rẽ kɩtame tɩ Zu-soabã meng na n kõ yãmb bãnde. Ade, pa-kuil na n dɩka pʋga, n dog bi-ribla, n pʋd a yʋʋr t'a Emanuwɛlle, sẽn dat n togs tɩ ‹Wẽnd-be-ne-do.›

Zeremi 31:22

Bi-tõtre, fo na n yeeba a woto tɩ ta dabʋre? Bala, bõn-paalg la Sẽn-Ka-Saab maan dũniyã zugu. Pag n baood rao a toore!

A Dãniyɛlle 9:26

Yʋʋm a yopoe naoor pis-yoob la a yiibã loogr zugẽ, b na n kʋʋ Wẽnnaam nin-tũusdgã, tɩ ned ba a yembr ka na n sõng-a ye. La naab a to ne a neb n na n wa, bãmb na n sãama tẽngã ne zĩ-sõngã. La b na n sãam-a-la ne sũ-puug-kãsenga, tɩ yɩ naabã baoosgo. B yãka yam tɩ sãoongã na n kaoosame, hal tɩ tãag zabrã sɛɛbo.

A Amoose 9:3

Bãmb sã n tɩ soond Karmell tãngã zugu, mam na n tɩ baoo bãmb be n yõg-ba, Bãmb sã n zoe n tɩ kẽ ko-kãsengã yaang n na n soonde, mam na n kɩtame tɩ wiis kɛ-ba

A Miise 5:3

La yẽnda na n yikame n ges a nebã yell ne Sẽn-Ka-Saab pãnga, wa pe-kɩɩm sẽn dɩlgd a piisi. Yẽnda na n gesa b yell ne Sẽn-Ka-Saab sẽn yaa yẽnda Wẽnnaamã yʋʋr sẽn tar ziirã, la yẽnda nebã nan zĩnda be. Bala, moasã, bãmb na n yɩɩ kãseng dũniyã tɛk fãa.

A Matiye Sõng 1:23

Ade, pa-kuil na n dɩka pʋga, n dog bi-ribla, la b na n pʋda a yʋʋr tɩ Emanuwɛlle, sẽn dat n togs tɩ ‹Wẽnd‑be‑ne‑do.›

A Matiye Sõng 1:25

La yẽnda ka bãng-a hal t'a wa rog bi-ribla, t'a pʋd a yʋʋr t'a Zeezi.

A Matiye Sõng 12:34

Yãmb wag-toos buudu, yãmb sẽn yaa nin-wẽns a woto wã, yãmb na n yɩɩ a wãn n tõog n gom gom-sõama? Bala, yaa bũmb nins sẽn pid sũurẽ wã n yit noorẽ wã.

A Matiye Sõng 13:38

Pʋʋgã yaa dũni wã, bõn-bu-sõama wã yaa soolmã kamba, nadensã yaa wẽng soabã kamba.

A Matiye Sõng 23:33

Wiisã! Wag-toos buudu! Yãmb na n yɩɩ a wãn n põs bug-tẽng sɩbgrã?

A Matiye Sõng 3:7

La a Zã sẽn yã Fariizẽ-dãmbã ne Saduusẽ-dãmbã wʋsg sẽn wat lisgã, a yeel-b lame yaa: Wag-toos buudu, ãnda n wilg yãmb y sẽn na maan to‑to n zoe n põs sũ-puugr sẽn watã?

A Mark Sõng 16:18

Bãmb na n yõga wiisi, la b sã n yũ bũmb sẽn yaa zẽnem, a kõn zab-b ye. Bãmb na n tika bãad-rãmb ne b nusi, la b na n paama maagre.

A Luk Sõng 1:76

La foom a bi-bilfã, b na n boola foom tɩ Sẽn‑Ka‑To no-rɛɛsa. Bala, fo na n lʋɩɩ Zu-soabã taoore n maneg bãmb soayã,

A Luk Sõng 10:19

La ade, mam kõo yãmb pãng tɩ y tab wiis la namse, la bɛyã pãngã fãa, la baa fʋɩ kõn tõog n maan yãmb wẽng ye.

A Luk Sõng 22:53

Mam dag n bee wẽnd doogẽ wã daar fãa ne yãmba, la y ka yõkd maam ye. La wakat-kãngã yaa yãmb rẽnda, la likã pãng wakate.

A Luk Sõng 24:27

A Zeezi bilga bãmb bũmb nins sẽn be gʋls-sõamyã fãa pʋgẽ n gomd bãmb yellã, sẽn sɩng ne a Moyiis tɩ ta Wẽnnaam no-rɛɛsdbã fãa.

A Zã Sõng 8:44

Yãmb ba la Sʋtãanã, la yãmb dat n pidsa y ba wã raabo. A yɩɩ nin-kʋʋd hal sɩngr wẽndẽ tɩ ta moasã, la a ka pa sɩd pʋgẽ ye, sɩd sẽn ka be yẽnda pʋgẽ wã yĩnga. A sã n yagd zĩrẽ, yaa a pʋga fãa la rẽnda, bala, a yaa zĩrẽ-yagda, la zĩrẽ wã ba.

Tʋʋma 13:10

n yeel-a yaa: «Sɩlem-wẽng soaba, fo pida ne wẽnem sʋtãan biiga, f yaa tɩrlem fãa bɛyã. F ka na n bas Zu-soab so-tɩrsã sãoongo?

Rom Dãmba 16:20

Bilf sã n paase, Wẽnnaam na n luba a Sʋtãan tɩ yãmb tab-a ne y nao wã. Bɩ tõnd Zu-soab a Zeezi barkã zĩnd ne yãmba.

Rom Dãmba 3:13

Bãmb kokorã yaa wa yaoog b sẽn fõke. B zɛlmã wã belgda nebã. Ruruug zẽnem n be bãmb no-bɩmsẽ wã.

Galat Rãmba 4:4

La wakat sẽn ta, Wẽnnaam tʋma b bi-riblã tɩ pag rog-ba, n dog-b tõogã pʋgẽ,

Efɛɛz Rãmba 4:8

Yaa woto yĩng tɩ gʋls-sõamyã yetẽ yaa: Bãmb sẽn dʋ yĩngrã, b zãa yembse, la bãmb kõo ninsaalb kũuni.

Kolos Rãmba 2:15

Kiris sãama pãens rãmba ne noyã pãnga, n wilg nebã fãa tɩ b tõog-b-la ne da-pɩkã.

Ebre rãmba 2:18

Bala, bãmb mengã sẽn nams wakat ning b sẽn paam makrã, bãmb tõe n sõnga neb nins sẽn paamd makrã.

Ebre rãmba 5:7

Wakat ning a Zeezi sẽn dag n dɩk yĩngã, yaa bãmb n pʋʋs n kos Wẽnnaam ne kelemse, la ne nintãm. Bãmb pʋʋs n kosa a soab sẽn tõe n põsg bãmb ne kũumã. B paama leokre, b sõmblmã yĩnga,

1 Zã 3:10

Yaa woto la b bãngd sẽn ya-b Wẽnnaam kambã la sẽn ya-b sʋtãanã kamb n bake. Ned ning fãa sẽn ka maand tɩrga la sẽn ka nong a ba-biig ka Wẽnnaam biig ye.

1 Zã 3:8

Ned ning sẽn maand yel-wẽn yaa sʋtãanã neda, bala sʋtãanã sɩng n maanda yel-wẽn hal sɩngr wẽndẽ. Wẽnnaam Bi-riblã waame n na n sãam sʋtãanã tʋʋmã.

1 Zã 5:5

Ãnda n tõogd dũni wã, sã n ka ned ning sẽn tẽed t'a Zeezi yaa Wẽnnaam Bi-riblã.

Vẽnegre 12:17

Wag‑bɛɛgã sũur puuga ne pagã, la a kẽngame n tɩ yik zabr ne pagã yagensã sẽn kellã, neb nins sẽn sakd Wẽnnaam tõodã la sẽn tall-b a Zeezi kasetã.

Vẽnegre 13:7

La b kõo yẽnda noor t'a yik zabr ne Wẽnnaam nin-tũusdsã n tõog-ba. B kõo yẽnda pãn-tõog t'a tõog buud fãa, la tẽng fãa nebã, la goam buud fãa nebã, la soolem fãa.

Vẽnegre 2:10

Da maan-y rabeem ne namsg ning y sẽn na n namsã ye. Gese, Sʋtãanã na n kẽesa yãmb neb kẽer bi-bees roogo, sẽn na n yɩl n mak yãmba, la yãmb na n paama namsg rasem piiga. Kell‑y n maan-y neer hal tɩ ta kũum, la mam na kõ yãmb vɩɩm maanfo.»

Vẽnegre 20:10

B loba bɛlgdã, soab ning sẽn dag n belgd nebã bugum mogr sẽn dɩt kidbr pʋga, zĩig ning rũngã ne belgr no-rɛɛsã sẽn be wã. Bãmb na n namsa wĩndg ne yʋngo, zamaan woo zamaane.