Sɩngrẽ 28:3 - WẼNNAAM SEBRE 2014

³ Bɩ Pãng-Soab a Wẽnnaam ning f zug barka, la b kõ-f rogem, n kɩt tɩ f fɩɩge, n lebg buud wʋsgo!

SEBR SÕNGO

³ Bɩ Wẽnd pãng soab ning f barka, tɩ f rog la f wek n lebg bu-yalengo.

Sɩngrẽ 28:3 Iomraidhean Croise

Sɩngrẽ 1:28

Wẽnnaam ning-b-la bark n yeel-ba: «Rog-y kamb n fɩɩg n pid dũniyã, la y soog-a. Soog-y zĩmã sẽn be ko-kãsengẽ wã, ne bõn-yɩgdɩ wã sẽn yɩgd yĩngrã, la y soog rũmsã sẽn vuud tẽn-gãongã zugã.»

Sɩngrẽ 13:16

Mam na n kɩtame tɩ fo yagensã yɩ wʋsg wa tẽng tom. Ned sã n tõog n sõd tẽngã tomã sõore, a na n tõog n sõda fo yagensã me sõore.

Sɩngrẽ 17:20

La sẽn paas me, mam wʋma fo sẽn kos bũmb ning a Ismayɛll wɛɛngẽ wã. Mam na n ning-a-la barka, n kɩt t'a rog kamba, n fɩɩg n yɩ wʋsgo. Nanams piig la a yiib n na n yi yẽnda pʋgẽ, la mam na n kɩtame t'a Ismayɛll yɩ bu-kãseng ba.

Sɩngrẽ 24:60

Bãmb ninga a Rebeka bark n yeele: «Foom, d tão sõngo, bɩ f fɩɩg n lebg tus-kẽema! Bɩ fo yagensã tõog b bɛɛbã n deeg b tẽmsã n sooge!»

Sɩngrẽ 26:24

Badaar yʋngo, Sẽn-Ka-Saab puka b meng ne yẽnda n yeele: «Mam yaa fo ba a Abrahaam Wẽnnaam, da zoe rabeem ye. Bala, mam bee ne foom. Mam na n ninga fo zug barka, n kɩt tɩ fo yagensã fɩɩg n lebg wʋsgo, mam tʋmtʋmd a Abrahaam zug maasem yĩnga.»

Sɩngrẽ 26:4

Mam na n kɩtame tɩ fo yagensã fɩɩge n lebg wʋsg wa yĩngr ãdse. Mam na n kõo fo yagensã tẽn-bãmbã fãa. La dũniyã nebã fãa na n paama bark fo yagensã zug maasem yĩnga.

Sɩngrẽ 27:33

La a Izak pɛlengã yɩkame t'a rigda. A Izak pɛlengã yɩka wʋsg t'a soke: «La yaa ãnda la sẽn wa ne we-nemdã n wa kõ maamã? Mam zoe n paama fãa n dɩ tɩ fo nan ka wa ye, la mam zoe ninga a soab zug barka, la a na n paama barka.»

Sɩngrẽ 35:11

Wẽnnaam yeela a Zakoob yaa: «Mam yaa Pãng-Soab a Wẽnnaam. Bɩ f paam dogem n fɩɩg n lebg wʋsgo, fo na n yɩɩ bu-kãsenga, la buud wʋsg na n yii fo pʋgẽ. La rĩm-dãmb na n yii fo pʋgẽ.

Sɩngrẽ 41:52

A Zozɛf pʋda yiibẽ soabã yʋʋr t'a Efrayiim. Bala, yẽnda yeelame: «Wẽnnaam kɩtame tɩ mam paam dogem tẽng ning mam sẽn paam paoogrã pʋga.»

Sɩngrẽ 43:14

Bɩ Pãng-Soab a Wẽnnaam kɩt tɩ raoã zoe yãmb nimbãaneg n bas tɩ yãmb ba-biig a yembrã ne a Benzame tũ yãmb n wa. La sã n mikame tɩ mam na n konga m kambã, bɩ kong-ba!»

Sɩngrẽ 48:3

A Zakoob yeela a Zozɛf yaa: «Pãng-Soab a Wẽnnaam vẽnega b meng ne maam Luuzi, Kana tẽnga pʋga, la b ninga maam barka.

Sɩngrẽ 48:4

Bãmb yeela maam yaa: Ad maam! Mam na n kõ-f-la rogem, la m na n kɩtame tɩ f fɩɩg n lebg wʋsgo, la m kɩt tɩ f lebg buud wʋsg ba. Fo loogr poore, mam na n kɩtame tɩ fo yagensã soog tẽn-kãngã wakat sẽn kõn sa.

Sɩngrẽ 49:25

Bɩ fo ba wã Wẽnnaam sõng foom. Bɩ Sẽn-Tõe-Fãa wã ning foom barka, yaa bark sẽn na n yi yĩngr saasẽ, yaa bark sẽn yɛdg zĩ-zulumsẽ, yaa bark sẽn kõt rogem.

Sɩngrẽ 9:1

Wẽnnaam ninga a Nowe ne a kom-dibli wã bark n yeel-b yaa: «Bɩ y rog n fɩɩg n pid dũniyã.

Yɩɩn‑sõamyã 127:1

Kẽnd yɩɩlle. Yaa a Salmo yɩɩlle. Sẽn-Ka-Saab sã n ka me roogo, tãn-metbã tʋmda zaalem bala. Sẽn-Ka-Saab sã n ka gũ tẽnga, tẽn-gũudã gũuda zaalem bala.

Yɩɩn‑sõamyã 127:3

Kamb yaa Sẽn-Ka-Saab kũuni, b yaa keoor Sẽn-Ka-Saab sẽn kõte.

Yikri 1:7

La Israyɛll yagensã rogame n fɩɩg n pid tẽngã, la b pãngã rag n tara paasgo.

Yikri 6:3

Mam vẽnega m meng ne a Abrahaam la a Izak ne a Zakoob n wilg bãmb tɩ mam yaa Pãng-Soab a Wẽnnaam. La mam ka kɩt tɩ bãmb bãng tɩ mam yʋʋr la Sẽn-Ka-Saab ye.

2 Korẽnt rãmba 6:18

Mam na n yɩɩ yãmb Ba, la yãmb na n yɩɩ mam kom-dibli la m kom-pugli. Yaa Zu-soabã, Sẽn-Tõe-Fãa fãa wã n yeele.

Vẽnegre 21:22

Mam ka yã wẽnd-doog tẽngã pʋg ye. Bala, Zu-soab a Wẽnnaam Sẽn‑Tõe‑Fãa wã la pe-bilã me yaa tẽngã wẽnd doogo.

A Ruti 2:4

Rẽ poore, a Boaaz yii Betlehɛm n wa n na n pʋʋs tigsdbã, yẽnda pʋʋs-b lame n yeel tɩ Zu-soabã zĩnd ne-ba, la bãmb leokame tɩ: «Bɩ Zu-soabã bark zĩnd ne yãmba.»