Sɩngrẽ 26:4 - WẼNNAAM SEBRE 2014

⁴ Mam na n kɩtame tɩ fo yagensã fɩɩge n lebg wʋsg wa yĩngr ãdse. Mam na n kõo fo yagensã tẽn-bãmbã fãa. La dũniyã nebã fãa na n paama bark fo yagensã zug maasem yĩnga.

SEBR SÕNGO

⁴ M na kɩt tɩ f yagensã sõor yɩ wala yĩngr ãdse, m na n kõ-b-la tẽns zembala la dũni wã zãng na n tũu bãmb maasem n paam barka.

Sɩngrẽ 26:4 Iomraidhean Croise

Sɩngrẽ 13:16

Mam na n kɩtame tɩ fo yagensã yɩ wʋsg wa tẽng tom. Ned sã n tõog n sõd tẽngã tomã sõore, a na n tõog n sõda fo yagensã me sõore.

Sɩngrẽ 15:18

Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã.

Sɩngrẽ 15:5

Sẽn-Ka-Saab peega a Abram n yi yɩng n yeel-a yaa: «Ade, ges sa-gãongã, la f sõd ãdsã n ges fo tõe n bãnga b sõore.» La b paasame n yeele: «Fo yagensã sõor na n yɩ a woto.»

Sɩngrẽ 18:18

A Abrahaam na n lebga bu-kãseng sẽn tar pãnga. Yẽnda zug maasem yĩnga, mam na n ninga dũniyã nebã fãa barka.

Sɩngrẽ 26:24

Badaar yʋngo, Sẽn-Ka-Saab puka b meng ne yẽnda n yeele: «Mam yaa fo ba a Abrahaam Wẽnnaam, da zoe rabeem ye. Bala, mam bee ne foom. Mam na n ninga fo zug barka, n kɩt tɩ fo yagensã fɩɩg n lebg wʋsgo, mam tʋmtʋmd a Abrahaam zug maasem yĩnga.»

Sɩngrẽ 28:14

Fo yagensã sõor na n yɩɩ wʋsg wa tẽng tom. Fo yagensã na n saag n pida poorẽ la taoore, ne goabg la rɩtgo. Dũniyã nebã fãa na n paama bark foom ne f yagensã zug maasem yĩnga.

Sɩngrẽ 28:3

Bɩ Pãng-Soab a Wẽnnaam ning f zug barka, la b kõ-f rogem, n kɩt tɩ f fɩɩge, n lebg buud wʋsgo!

Sɩngrẽ 35:12

Mam na n kõo foom tẽng ninga, mam sẽn dag n kõ a Abrahaam ne a Izakã. La fo loogr zugẽ, mam na n kõo fo yagensã tẽn-kãngã.»

Sɩngrẽ 47:27

A Israyɛll zĩnda Ezɩpt soolmã, Gosɛn tẽngã pʋga. La bãmb soog-a lame. La bãmb paama rogem, n fɩɩg n lebg wʋsgo.

1 Kibayã 27:23

A Davɩɩd ka kɩt tɩ b sõd neb nins sẽn dag n tar yʋʋm pisi la sẽn yɩɩd woto wã ye. Bala, Sẽn-Ka-Saab rag n yeelame tɩ b na n kɩtame tɩ Israyɛll buudã fɩɩg n lebg wʋsg wa yĩngr ãdsã.

Yɩɩn‑sõamyã 72:17

Rĩmã yʋʋr na n paa wakat fãa, Wĩndgã sã n ket n pukdẽ, bãmb yʋʋrã na n paa wakat fãa. Nebã na n ninga taab bark ne bãmb yʋʋre, la bu-zẽmsã fãa na n yeelame tɩ rĩmã tara barka.

Yikri 32:13

Tẽeg-y yãmb tʋmtʋmdb a Abrahaam ne a Izak la a Israyɛll yãmb sẽn dag n wẽen ne bãmb ne yãmb meng yʋʋr n yeel tɩ: Mam na n kɩtame tɩ yãmb yagensã fɩɩg n lebg wʋsg wa ãds sẽn be yĩngrã. Mam na n kõo yãmb yagensã tẽng ning mam sẽn dag n gom a yellã n yeel t'a na n yɩɩ bãmb pʋɩɩr wakat sẽn ka sɛtã.»

Yikri 6:4

La mam maana kãabg ne bãmb n yeel-b tɩ mam na n kõ-b-la Kana tẽngã, tẽng ning bãmb sẽn dag n yaa sãamb a pʋgẽ wã.

Tʋʋma 3:25

Yãmb yaa Wẽnnaam no-rɛɛsdbã kamba, la kaool ningã Wẽnnaam sẽn maan ne tõnd yaab-rãmbã kamba, Wẽnnaam sẽn yeel a Abrahaam tɩ dũniyã buud fãa na n paama bark bãmb yagensã maasem yĩngã.

Galat Rãmba 3:16

Kãabdã sẽn kãabã yaa a Abrahaam ne a yagengã. B ka yeel tɩ yagense, wa b yaa wʋsg ye. Yaa a yembr tãa. B sẽn yeel tɩ ‹fo yagengã› dat n togsame tɩ Kirisi.

Galat Rãmba 3:8

Woto, Wẽnnaam gʋls-sõamyã sẽn pĩnd n neẽ tɩ Wẽnnaam na n kɩtame tɩ bu-zẽmsã yɩ tɩrs tẽeb yĩngã, b pĩnd n togsa a Abrahaam koe-no-kãngã n yeele: Buud fãa na n paama bark fo yĩnga.

Yaoolem 13:17

Bɩ y wʋk teedã fãa n wa tẽngã zĩ-sõasdgẽ, la y yõog tẽngã ne bũmb nins fãa sẽn be a pʋgẽ wã bugum Sẽn-Ka-Saab sẽn yaa yãmb Wẽnnaamã yĩnga, t'a lebg bug-toaalg wakat fãa. Bɩ b ra leb n me-a ye.

Yaoolem 9:5

Ka yãmb tɩrlmã ne y pʋ-peelmã yĩng n kɩt tɩ y na n deeg b tẽngã n soog ye. Yaa bu-kãens sẽn yaa wẽnsã yĩng la Sẽn-Ka-Saab sẽn yaa yãmb Wẽnnaamã rig bãmb n yiis yãmb taoore, sẽn na n yɩlẽ n pids wẽeneg ning bãmb sẽn dag n wẽen ne y yaab-rãmb a Abrahaam ne a Izaak la a Zakoobã.

Ebre rãmba 11:2

Yaa tẽebã yĩng la kʋdem-dãmbã paam kaset-sõngo.