Sɩngrẽ 26:3 - WẼNNAAM SEBRE 2014

³ Zĩnd sãand tẽn-kãng pʋga, bala, mam bee ne foom, la m na n ning-f-la barka. Bala, mam na n dɩka tẽn-bãmb fãa n kõ foom ne f yagensã tɩ y sooge. Mam na n maana woto, n pids wẽeneg ning mam sẽn dag n wẽen ne fo ba a Abrahaamã.

SEBR SÕNGO

³ Pa tẽn-kãng pʋgẽ tɩ m na n zĩnda ne foo la f na n paama m barka, m na n dɩka tẽngã n kõ foo ne f buudu. M na n pidsa m pʋlengo, pʋleng ning sẽn pʋlem a Abraam, fo ba-roakã.

Sɩngrẽ 26:3 Iomraidhean Croise

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 13:15

Bala, mam na n dɩka soolem ning fo sẽn ne wã, n kõ foom ne f yagensã tɩ y soog wakat fãa yĩnga.

Sɩngrẽ 13:17

Yik n gilg tẽngã n ges a woglmã ne a yalmã, bala, mam na n kõ-a-la foom tɩ f sooge.»

Sɩngrẽ 15:18

Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã.

Sɩngrẽ 17:19

La Wẽnnaam yeela a Abrahaam yaa: «Ka na n yɩ woto ye! Yaa fo pag a Saara n na n dog bi-ribl n kõ-fo, tɩ f pʋd a yʋʋr t'a Izake, sẽn dat n togs t'a ‹laado›, la mam na n vigla m kaoolã ne yẽnda, la yaa wakat sẽn kõn sa yĩnga. La yaa yẽnda ne a yagensã yĩnga.

Sɩngrẽ 17:8

Mam na n kõo foom ne f yagensã sẽn na n pʋgl foom f loogr zugẽ wã Kana soolmã. Yaa soolem ning fo sẽn yaa sãan a pʋgẽ wã, la mam na n kõ-f tɩ f soog wakat sẽn kõn sɛ yĩnga, la mam na n kell n yɩɩ bãmb Wẽnnaam.»

Sɩngrẽ 20:1

A Abrahaam yii beenẽ n kẽng Negɛɛve. La yẽnda zĩnda Kadɛɛs ne Sʋʋr sʋka. La a leb n zĩnda Geraare.

Sɩngrẽ 25:11

A Abrahaam kũumã zugẽ, Wẽnnaam ninga a Abrahaam biig a Izak zug barka. A Izak rag n tilga a yirã n pẽneg Lakayi-Royi bulgã.

Sɩngrẽ 26:12

A Izak koo tẽngẽ be, la yʋʋm-kãnga, a paama koodã tɩ ta yẽnda sẽn mi n paamdẽ wã noor koabga, bala, Sẽn-Ka-Saab ning-a-la barka.

Sɩngrẽ 26:14

A Izak rag n tara rũm-bãoonego, la rũm-bɛd wʋsgo, la a tar tʋmtʋmdb wʋsgo. Woto kɩtame tɩ Filistẽ-dãmbã maan sũ-kiir ne a Izak paoongã.

Sɩngrẽ 26:24

Badaar yʋngo, Sẽn-Ka-Saab puka b meng ne yẽnda n yeele: «Mam yaa fo ba a Abrahaam Wẽnnaam, da zoe rabeem ye. Bala, mam bee ne foom. Mam na n ninga fo zug barka, n kɩt tɩ fo yagensã fɩɩg n lebg wʋsgo, mam tʋmtʋmd a Abrahaam zug maasem yĩnga.»

Sɩngrẽ 28:13

La mikame tɩ Sẽn-Ka-Saab rag n yasa raodgã zugẽ n yetẽ yaa: «Mam yaa Sẽn-Ka-Saabo, n yaa fo yaab a Abrahaam Wẽnnaam, la a Izak Wẽnnaam. Fo sẽn gãe tẽng ning zugã, mam na n kõ-a-la foom ne f yagensã tɩ y sooge.

Sɩngrẽ 28:15

La gese, mam mengã bee ne foom. Mam na n gũu foom zĩig ning fãa fo sẽn na n kẽnge, la mam na n talla foom n lebg n wa soolem-kãngã pʋga. Bala, mam ka na n tol n bas foom ye, mam na n pidsa bũmb ning mam sẽn yeel foomã.»

Sɩngrẽ 31:3

Dẽ, Sẽn-Ka-Saab yeela a Zakoob yaa: «Lebg n kuil f ba-yirã, f buudẽ wã, la mam na n zĩnda ne foom.»

Sɩngrẽ 35:12

Mam na n kõo foom tẽng ninga, mam sẽn dag n kõ a Abrahaam ne a Izakã. La fo loogr zugẽ, mam na n kõo fo yagensã tẽn-kãngã.»

Sɩngrẽ 39:2

La Sẽn-Ka-Saab rag n bee ne a Zozɛfe. A Zozɛf rag n paamda tõogr ne bũmbã fãa. Yẽnda rag n bee Ezɩpt nedã sẽn yaa yẽnda soaalã zakẽ.

Sɩngrẽ 39:21

La Sẽn-Ka-Saab rag n bee ne a Zozɛfe, la b wilga a Zozɛf b nonglem. Bãmb kɩtame tɩ bi-bees roog gũudbã naab nong a Zozɛfe.

Sɩngrẽ 48:21

A Israyɛll yeela a Zozɛf yaa: «Ade, mam yẽ na n kiime! La Wẽnnaam na n zĩnda ne yãmba, la b na n kɩtame tɩ y lebg n leb y yaab-rãmbã tẽngẽ.

Sɩngrẽ 50:24

A Zozɛf yeela a kẽem-dãmbã yaa: «Mam na n wa n kiime! La Wẽnnaam na n wa yiisa yãmb tẽn-kãngã, la yaa bũmb sẽn na n pidsi, la b na n tall-y lame n kẽng tẽng ning bãmb sẽn dag n wẽen n yeel tɩ b na n kõ a Abrahaam ne a Izak la a Zakoobã.»

1 Kibayã 16:16

Tẽeg-y kaool ning b sẽn maan ne a Abrahaamã yelle, la wẽeneg ning bãmb sẽn wẽen ne a Izakã yelle.

Yɩɩn‑sõamyã 105:8

Bãmb tẽra b kaoolã yell wakat fãa, la b tẽr b gomdã b sẽn yeel zamaan tusr yĩngã yelle.

Yɩɩn‑sõamyã 105:9

Bãmb tẽra kaool ning b sẽn maan ne a Abrahaamã yelle, la wẽeneg ning bãmb sẽn wẽen ne a Izakã yelle.

Yɩɩn‑sõamyã 32:8

Sẽn-Ka-Saab yeelame: «Mam na n zãmsa foom, la m wilg foom sor ning f sẽn tog n tũ. Mam na n sagla foom, la mam nin na n bee fo zugu.

Yɩɩn‑sõamyã 39:12

Yãmb lengda ninsaal n demsd-a, a beegrã yĩnga. Yãmb sãamda yẽnda sẽn nong bũmb ningã, wa yõgdr sẽn dɩt bũmbu. Ninsaal buudã fãa yaa wa walem bala!

Yikri 2:24

Dẽ, Wẽnnaam wʋma bãmb yãbrã, n tẽeg kaool ning bãmb sẽn dag n maan ne a Abrahaam la a Izak ne a Zakoobã yelle.

Yikri 3:12

Wẽnnaam yeelame: «Mam na n zĩnda ne foom. La ad bãnd ning sẽn na n kɩt tɩ fo bãng tɩ yaa maam n tʋm foom. Fo sã n tõog n tall nebã n yi Ezɩpt soolmẽ wã, bɩ y waoog Wẽnnaam tãn-kãngã zugu.»

Yikri 6:4

La mam maana kãabg ne bãmb n yeel-b tɩ mam na n kõ-b-la Kana tẽngã, tẽng ning bãmb sẽn dag n yaa sãamb a pʋgẽ wã.

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

Yikri 6:8

Mam na n talla yãmb n tɩ kẽes tẽng ning mam sẽn dag n zẽk m nug n wẽen n yeel tɩ m na n kõo a Abrahaam ne a Izak la a Zakoobã. Maam a Sẽn-Ka-Saab na n kõo yãmb tẽngã tɩ y sooge.»

A Ezayi 43:2

Fo sã n pɩʋʋgd koom, mam na n zĩnda ne foom. Fo sã n dʋʋgd kʋɩlse, koomã ka na n loog ne foom ye. Fo na n kẽna bugum pʋga, la bugmã kõn dɩ foom ye, bug-witmã kõn sãam foom ye.

A Ezayi 43:5

Da yɛɛs ye. Bala, mam bee ne foom. Mam na n talla fo yagensã sẽn be yaangã n wa, la m kɩt tɩ fo nebã yi nin-taoor n wa tigim taaba.

A Miise 7:20

Yãmb na n wilga a Zakoob yagensã y nonglem, la y wilg a Abrahaam yagensã y sõmblem, wa y sẽn dag n wẽen ne d yaab-rãmbã kʋdem-wẽndẽ wã.

Sõadga 23:19

Wẽnnaam ka ninsaal n yagd zĩrẽ ye, La bãmb leb n ka ninsaal n tekd yam ye! Bãmb sã n yeel bũmbu, b pidsd-a lame.

Yaoolem 1:8

Gese, mam kõo yãmb tẽngã. Kẽng-y n tɩ soog-y tẽng ning Sẽn-Ka-Saab sẽn dag n wẽen ne y yaab-rãmb a Abrahaam ne a Izaak la a Zakoob tɩ m na n kõo bãmb ne b yagensã.»

Yaoolem 34:4

Sẽn-Ka-Saab yeela a Moyiis yaa: «Woto yaa tẽng ning mam sẽn dag n wẽen ne a Abrahaam la a Izaak ne a Zakoob tɩ m na n kõo b yagensã. Mam kɩtame tɩ fo nin yãnd-a, la f ka na n pɩʋʋg n kẽ beenẽ ye.»

Filip rãmba 4:9

Maan-y bũmb nins yãmb sẽn zãms la y reege, la y wʋm la y yã mam nengẽ wã. La Wẽnnaam sẽn yaa laafɩ soabã na zĩnd ne yãmba.

Ebre rãmba 11:9

Yɩɩ ne tẽeb la a kẽng n tɩ zĩnd tẽng ning Wẽnnaam sẽn kãab-a wã, wa tẽn-sãanga, n zĩnd fu-rot pʋse, ne a Izak la a Zakoob sẽn na n soog bũmb ning sẽn kãabã.

Ebre rãmba 6:17

Woto me, Wẽnnaam sẽn dat n wilg neb nins sẽn na n deeg-b bãmb paoongã tɩ yam ning bãmb sẽn yãkã ka na n viigã, b wẽename.