Sɩngrẽ 26:12 - WẼNNAAM SEBRE 2014

¹² A Izak koo tẽngẽ be, la yʋʋm-kãnga, a paama koodã tɩ ta yẽnda sẽn mi n paamdẽ wã noor koabga, bala, Sẽn-Ka-Saab ning-a-la barka.

SEBR SÕNGO

¹² A Izaak bʋda a pʋʋgo la a sẽn paam kood yʋʋm kãng yɩɩga a sẽn paam yʋʋm a taaba naoor koabga. Wẽnnaam bark sɩd sig-a lame.

Sɩngrẽ 26:12 Iomraidhean Croise

Sɩngrẽ 24:1

A Abrahaam dag n kʋʋlame n tar yʋʋm wʋsgo. La Sẽn-Ka-Saab ning-a-la bark bũmbã fãa pʋgẽ.

Sɩngrẽ 24:35

Sẽn-Ka-Saab ninga mam soaal a Abrahaam bark wʋsgo. Bãmb lebga nin-kãsenga. Sẽn-Ka-Saab kõo mam soaal a Abrahaam rũm-bɛd ne rũm-bãoonego, la wanzuri ne sãnem, la b kõ-b yem-daad ne yem-pogse, la yʋgma ne bõense.

Sɩngrẽ 25:11

A Abrahaam kũumã zugẽ, Wẽnnaam ninga a Abrahaam biig a Izak zug barka. A Izak rag n tilga a yirã n pẽneg Lakayi-Royi bulgã.

Sɩngrẽ 26:29

Tɩ bõn-kãng wilgdẽ, tɩ fo ka na n maan tõnd wẽnga, wa tõnd me sẽn ka maan foom wẽngã. Tõnd maana foom neer bala, la tõnd basa foom tɩ f loog ne bãane. La moasã, Sẽn-Ka-Saab ninga foom barka.»

Sɩngrẽ 26:3

Zĩnd sãand tẽn-kãng pʋga, bala, mam bee ne foom, la m na n ning-f-la barka. Bala, mam na n dɩka tẽn-bãmb fãa n kõ foom ne f yagensã tɩ y sooge. Mam na n maana woto, n pids wẽeneg ning mam sẽn dag n wẽen ne fo ba a Abrahaamã.

Sɩngrẽ 30:30

Bala, yãmb sẽn dag n tar rũms bilf ning sẽn deng mam waoongã fɩɩgame n lebg wʋsgo. La sẽn sɩng ne daar ning mam sẽn kẽ yãmb zakẽ wã, Sẽn-Ka-Saab ninga yãmb barka. Woto wã, yaa wakat a wãn la mam na n tʋm m zakã rãmb me yĩnga?»

A. Zoobe 42:12

Sẽn-Ka-Saab ninga a Zoob bark a yaoolem yʋʋmã pʋgẽ n yɩɩd a sẽn dag n tar sɩngrẽ wã. A Zoob paama piis tus piig la a naase, ne yʋgmã tus a yoobe, la niig tus a yiibu, n paas bõn-yãans tusri.

Yɩɩn‑sõamyã 67:6

Wẽnnaam, bɩ buudã fãa pʋʋs yãmb barka, la bɩ nebã fãa pʋʋs yãmb a Wẽnnaam barka.

Yɩɩn‑sõamyã 72:16

Tẽngã na n pida ne bɩle wʋsgo, la koodã na n miimda tãmsã zut wa Libã tãngã zug tɩɩsã sẽn miimdã. Tẽngã nebã na n fɩɩga wa moogã sẽn be weoogẽ wã.

Yelbũna 10:22

Yaa Sẽn-Ka-Saab barkã n wat ne arzɛka, tɩ yɩɩr ka naag ye.

Kowelɛt 11:6

Bʋd f bõn-buud yibeoogo, la f ra bas f nus tɩ yɩ zaalem zaabr ye. Bala, fo ka mi bõn-buud ning sẽn na n sake, wall a yiibã fãa sã n na n yɩɩ sõama ye.

Zakari 8:12

Sɩd me, mam na n waa ne vɩ-bãan bõn-buudu. Reezẽ tɩɩsã na n woma biisi, tẽn-gãongã na n saka bõn-koaadla. Sa-gãongã na n sika a meenem, la mam na n kɩtame tɩ bõn-kãng fãa lebg mam nebã bu-kellã rẽnda.

A Matiye Sõng 13:23

Bõn-buudã sẽn lʋɩ zĩ-sõngẽ wã yaa ned ning sẽn wʋmd Wẽnnaam koɛɛgã n wʋmd a võore. Yẽnda womda biisi. Kẽer womame tɩ ta koabg-koabga, kẽer pis-yoob‑yoobe, kẽer pis-tã‑tã.»

A Matiye Sõng 13:8

La kẽer lʋɩɩ zĩ-sõngẽ, la b woma biisi. Kẽer womame tɩ ta koabg-koabga, kẽer pis-yoob‑yoobe, la kẽer pis-tã‑tã.

A Mark Sõng 4:8

La kẽer lʋɩɩ zĩ-sõngẽ n yik n wom biisi. Kẽer womame tɩ ta bɛɛl pis-tã‑tã, tɩ kẽer ta pis-yoob‑yoobe, tɩ kẽer ta koabg-koabga.

1 Korẽnt rãmba 3:6

Maam n sele, t'a Apoloos zãgs koom, la yaa Wẽnnaam n kɩtd tɩ koodã bɩtẽ.