Sɩngrẽ 24:7 - WẼNNAAM SEBRE 2014

⁷ Sẽn-Ka-Saab sẽn yaa saasẽ Wẽnnaamã sẽn kɩt tɩ mam yi n bas m buudã ne m ba-yirã, bãmb sẽn gom ne maam n wẽen n yeel tɩ bãmb na n kɩtame tɩ mam yagensã soog tẽn-kãngã wã, bãmb mengã na n tʋma b malɛɛk t'a lʋɩ fo taoore, la yaa beenẽ la fo na n bao pag n wa kõ mam biigã.

SEBR SÕNGO

⁷ Wẽnd la dũni fãa Soaala yiisa maam m ba zakẽ la m yaab rãmb tẽngẽ, la b kãab-m lame tɩ b na kõ-m kamb la yagens kaanẽ. Dẽ yĩnga b na lʋɩɩs b ned f taoore tɩ f tɩ bao pag beenẽ n wa kõ m biigã.

Sɩngrẽ 24:7 Iomraidhean Croise

Sɩngrẽ 13:15

Bala, mam na n dɩka soolem ning fo sẽn ne wã, n kõ foom ne f yagensã tɩ y soog wakat fãa yĩnga.

Sɩngrẽ 15:18

Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã.

Sɩngrẽ 16:7

Sẽn-Ka-Saab malɛɛkã yãnda a Agaar ko-bundum zĩig sɛɛg we-raoogã pʋga. Yaa ko-bundum zĩig ning sẽn be Suur sorã noorã.

Sɩngrẽ 17:8

Mam na n kõo foom ne f yagensã sẽn na n pʋgl foom f loogr zugẽ wã Kana soolmã. Yaa soolem ning fo sẽn yaa sãan a pʋgẽ wã, la mam na n kõ-f tɩ f soog wakat sẽn kõn sɛ yĩnga, la mam na n kell n yɩɩ bãmb Wẽnnaam.»

Sɩngrẽ 21:17

Wẽnnaam wʋma bi-riblã koɛɛga. La Wẽnnaam malɛɛk zĩnda yĩngr n bool a Agaar n yeel-a yaa: «Agaare, yaa bõe n tar foom? Da zoe rabeem ye, tɩ bala, Wẽnnaam wʋma bi-riblã koɛɛgã a sẽn beẽ wã.

Sɩngrẽ 22:11

Dẽ, Wẽnnaam malɛɛkã zĩnda yĩngr n bool a Abrahaam n yeele: «Abrahaam! Abrahaam!» La yẽnda sakame tɩ naaba.

Sɩngrẽ 24:3

tɩ m na n kɩtame tɩ f wẽen ne Sẽn-Ka-Saab sẽn yaa saasẽ la dũniyã Wẽnnaamã yʋʋre, tɩ f ka na n bao Kana soolmã mam sẽn be a pʋgẽ wã bi-pugl n kõ mam bi-riblã ye.

Sɩngrẽ 24:40

Mam soaalã yeelame: «Mam sẽn tũud Sẽn-Ka-Saab sẽn yaa soab ning mam sẽn tũudã na n tʋma b malɛɛk t'a yãag foom n kɩt tɩ f kẽndã yɩ neere. Bao pag mam ba-yirã, mam buudã sʋka, n wa kõ mam biigã.

Sɩngrẽ 26:24

Badaar yʋngo, Sẽn-Ka-Saab puka b meng ne yẽnda n yeele: «Mam yaa fo ba a Abrahaam Wẽnnaam, da zoe rabeem ye. Bala, mam bee ne foom. Mam na n ninga fo zug barka, n kɩt tɩ fo yagensã fɩɩg n lebg wʋsgo, mam tʋmtʋmd a Abrahaam zug maasem yĩnga.»

Esdras 1:2

Ade, Pɛrs-rãmbã rĩm a Siruus yetame: «Sẽn-Ka-Saab sẽn yaa saasẽ Wẽnnaamã kõo maam pãng tɩ m soog dũniyã soolmã fãa. La b kõo maam tʋʋmd tɩ m me roog Zeruzalɛm, Zʋʋda soolmã pʋg n kõ-ba.

Yɩɩn‑sõamyã 103:20

Yãmb fãa sẽn yaa Sẽn-Ka-Saab malegse, n yaa gãndaad n tar pãnga, n kelgd bãmb goamã la y sakd-bã, pẽg-y Sẽn-Ka-Saabo!

Yɩɩn‑sõamyã 136:26

Pʋʋs-y saasẽ Wẽnnaamã barka, bala, bãmb nonglmã paada wakat fãa!

Yɩɩn‑sõamyã 32:8

Sẽn-Ka-Saab yeelame: «Mam na n zãmsa foom, la m wilg foom sor ning f sẽn tog n tũ. Mam na n sagla foom, la mam nin na n bee fo zugu.

Yɩɩn‑sõamyã 34:7

Naong soab sã n kelme, Sẽn-Ka-Saab wʋmdame, la b fãagd-a-la yel-pakr buudã fãa pʋga.

Yɩɩn‑sõamyã 73:24

Yãmb saglgã tɛta maam, yãmb na n deega maam ne waoogre.

Yikri 13:5

Sẽn-Ka-Saab sã n wa kɩt tɩ yãmb kẽ tẽng ning Kana nebã, ne Hɛt nebã, la Amoor nebã, ne Hevi nebã, la Zebuus nebã sẽn beẽ wã pʋga, tẽng ning Sẽn-Ka-Saab sẽn dag n kãab n yeel tɩ b na n kõo y yaab-rãmbã, sẽn yaa tẽng sẽn pid ne bĩisim la sɩɩdã, bɩ y maan minin-kãng ki-kãng pʋgẽ.

Yikri 32:13

Tẽeg-y yãmb tʋmtʋmdb a Abrahaam ne a Izak la a Israyɛll yãmb sẽn dag n wẽen ne bãmb ne yãmb meng yʋʋr n yeel tɩ: Mam na n kɩtame tɩ yãmb yagensã fɩɩg n lebg wʋsg wa ãds sẽn be yĩngrã. Mam na n kõo yãmb yagensã tẽng ning mam sẽn dag n gom a yellã n yeel t'a na n yɩɩ bãmb pʋɩɩr wakat sẽn ka sɛtã.»

Yikri 33:2

Mam na n tʋma mam malɛɛk t'a reng foom taoore. La mam na n diga Kana-rãmbã ne Amoor-dãmbã la Hɛt-dãmbã ne Perɛɛz-rãmbã la Hevi-rãmbã ne Zebuuz-rãmbã.

A Ezayi 63:9

Bãmb yel-pakrã fãa pʋga, rag n yaa yel-pakr yẽnda me yĩnga. Dẽ, bãmb ka tʋm koe-toagsd wall malɛɛk ye. Sẽn-Ka-Saab mengã n wa n fãag bãmba. Sẽn-Ka-Saab nonglmã ne b nimbãan-zoeerã pʋga, b meng n leb n fãag bãmba, bãmb tebla bãmba, la b zã bãmb daar fãa hal kʋdem-wẽndẽ.

A Dãniyɛlle 2:44

Rĩm-bãmbã wakatã, saasẽ Wẽnnaamã na n kɩtame tɩ rĩung sẽn ka sãamd zĩndi. La buud a to neb kõn tol n tõog n deeg rĩun-kãng ye. Yẽnda na n wãa soolem-bãmb fãa n menes-ba, la a na n zĩnda wakat sẽn kõn sa.

A Zonaase 1:9

La a Zonaas leoka bãmb n yeel yaa: «Mam yaa Ebre buudã neda, la m pʋʋsda Sẽn-Ka-Saab sẽn yaa saasẽ Wẽnnaamã. Yaa bãmb n naan ko-kãsengã, la tẽn-gãongã.»

Sõadga 11:12

Yaa maam n dog nin-bãmbã la? Bɩ yaa maam n wa ne-b dũni zugu, tɩ yãmb dat tɩ mam zã bãmb wa bi-yaoond sẽn zãad bi-pɛɛlga, n tall-b n ta tẽng ning yãmb sẽn kãab tɩ y na n kõ b yaab-rãmbã.

Sõadga 14:16

Sẽn-Ka-Saab ka tõog n na n tall b nebã n tɩ kẽes tẽng ning bãmb sẽn dag n kãab n yeel tɩ b na n kõo bãmbã pʋgẽ ye. Yaa rẽ n kɩt tɩ b kʋ-b zãng weoogã pʋgẽ.»

Sõadga 14:30

Mam wẽendame tɩ yãmb ned ba a yembr ka na n kẽ tẽng ninga mam sẽn da kãab tɩ y na n zĩnda a pʋgẽ wã ye. Yaa a Yefune biig a Kalɛɛb ne a Nun biig a Zozoe bal n na kẽ tẽn-kãng pʋgẽ.

Sõadga 32:11

«Neb nins fãa sẽn yi-b Ezɩpt tẽngã, sẽn da tar-b yʋʋm pisi, la sẽn yɩɩd dẽ wã, ka na n yãnd tẽng ning mam sẽn dag n wẽen n yeel tɩ m na n kõ a Abrahaam, ne a Izake, la a Zakoobã ye. Bala, b ka sak mam noorã ye.

Tʋʋma 7:5

La Wẽnnaam ka kõ a Abrahaam zĩig ba sẽn sekd naoor rɩglg tɩ yɩ a pʋɩɩr tẽn‑kãngã pʋgẽ ye. La Wẽnnaam kãabame tɩ b na n kõo bãmb ne b yagensã tẽngã tɩ b soog-a, a Abrahaam loogr poore. La rẽ t'a Abrahaam nan ka tar biig ye. Wẽnnaam da gomame n yeel a Abrahaam a woto:

Yaoolem 1:8

Gese, mam kõo yãmb tẽngã. Kẽng-y n tɩ soog-y tẽng ning Sẽn-Ka-Saab sẽn dag n wẽen ne y yaab-rãmb a Abrahaam ne a Izaak la a Zakoob tɩ m na n kõo bãmb ne b yagensã.»

Yaoolem 34:4

Sẽn-Ka-Saab yeela a Moyiis yaa: «Woto yaa tẽng ning mam sẽn dag n wẽen ne a Abrahaam la a Izaak ne a Zakoob tɩ m na n kõo b yagensã. Mam kɩtame tɩ fo nin yãnd-a, la f ka na n pɩʋʋg n kẽ beenẽ ye.»

Ebre rãmba 1:14

Dẽ yĩnga, malegsã fãa ka sɩɩs sẽn tʋmd Wẽnnaam yĩnga, tɩ Wẽnnaam mi n tʋm-b tɩ b tɩ maan tʋʋmd n sõng neb nins sẽn tog n deeg fãagrã tɩ yɩ b pʋɩɩrã la?

Ebre rãmba 11:9

Yɩɩ ne tẽeb la a kẽng n tɩ zĩnd tẽng ning Wẽnnaam sẽn kãab-a wã, wa tẽn-sãanga, n zĩnd fu-rot pʋse, ne a Izak la a Zakoob sẽn na n soog bũmb ning sẽn kãabã.

Zozuwe 1:6

Keng f meng n paam daoodo. Bala, yaa foom n na n kɩt tɩ m nebã soog tẽng ning mam sẽn wẽen n yeel b yaab-rãmbã tɩ m na n kõ-b lame wã.

Zozuwe 24:3

La mam yãka yãmb yaab a Abrahaam Efrat kʋɩlgã rʋʋnde, n kɩt t'a saag Kana tẽngã fãa. Mam kɩtame t'a yagensã yɩ wʋsgo, n kõ yẽnda a Izake.

Vẽnegre 11:13

Wakat-kãng bala, tẽn-digimdg sẽn yaa kãseng zĩndame, la tẽngã pʋɩɩr a yembr piig sʋk sirgame. Tẽn-digimdg‑kãng kʋʋ neb tus a yopoe, la rabeem yõka neb a taabã, la b kõo saasẽ Wẽnnaamã waoogre.

Bʋ-kaoodba 2:1

Sẽn-Ka-Saab malɛɛk yii Gilgall n kẽng Bokim n tɩ yeel Israyɛll nebã yaa: «Mam yiisa yãmb Ezɩpt tẽnga, n tall yãmb n kẽng tẽng ning mam sẽn dag n wẽen n yeel tɩ m na n kõ y yaab-rãmbã. La mam yeelame: Mam ka na n tol n leb n sãam kaool ning mam sẽn maan ne yãmbã ye.