Sɩngrẽ 23:16 - WẼNNAAM SEBRE 2014

¹⁶ Dẽ, a Abrahaam sẽn wʋm a Efrõ sẽn gom woto wã, yẽnda sõda ligdã tɩ zems sõor ning b sẽn dag n yeelã Hɛt nebã fãa nifẽ n kõ-a, yaa wanzuri wakɩ-koeems kobs-naase, wa sẽn zems lɛɛbdbã sẽn tar n leebdẽ wã.

SEBR SÕNGO

¹⁶ Ne rẽ fãa a Abraam baas n sõda ligdã wala a Efrõ sẽn wilgã n kõ-a, a Ɛt kamba taoore, la yɩɩ wakɩ koeems kobs-naase wala lɛɛbdba sẽn tar n leebdẽ.

Sɩngrẽ 23:16 Iomraidhean Croise

Sɩngrẽ 23:15

«M soaala, kelg-y maam! Zĩig ligd sẽn zems wakɩ-koeems kobs-naas yõod yaa bõe maam ne yãmb sʋka? Bɩ y tɩ mum y pagã kũum.»

Sɩngrẽ 43:21

La tõnd sẽn ta toandbã sik zĩigẽ wã, tõnd loka d yondã n mik tɩ ned kam fãa ligd saga a yolgẽ. La ligdã sõor kell n yaa wa tõnd sẽn dag n zã wã bala. Dẽ, tõnd talla ligdã n lebg n wa.

Sɩngrẽ 49:29

Dẽ, a Zakoob yeela a kambã yaa: «Mam na n kiime n bʋʋg m saam-dãmbã sẽn deng maam n ki wã. Bɩ y mum maam n naag m yaab-rãmbã yaad sẽn be tãn-bok ning sẽn be Hɛt ned a Efrõ pʋʋgẽ wã.

Sɩngrẽ 50:13

A Zakoob kambã talla yẽnda n kẽng Kana tẽng n tɩ mum Makpela pʋʋgã pʋg tãn-bokã pʋgẽ, sẽn yaa a Abrahaam pʋʋg a sẽn dag n deeg Hɛt ned a Efrõ nengẽ n da tɩ yaa a meng rẽnda, n lebg yaad zĩigã. Zĩ-kãng rag n pẽe Mamre.

2 Sãmwɛlle 14:26

Yʋʋm-vẽkr fãa, a Absalom dag n wõrsda a zugã, bala, a zoobdã rag n zɩsgd-a lame. La yẽnda sã n dag n mak a zoobdã zɩslem, a mikdame t'a tata kɩlo a yiib la pʋɩ-sʋka, wa sẽn zems na-yirã zɩslem makdgã.

2 Sãmwɛlle 24:24

La rĩmã leoka a Aravna yaa: «Ayo, mam na n daa bõn-kãens fo nengẽ wa sẽn zems b ligdã. Mam ka na n dɩk zaalem bũmb n maan maoong sẽn yõogd bugum n kõ Sẽn-Ka-Saab sẽn yaa mam Wẽnnaamã ye.» Dẽ, a Davɩɩd raa zɛɛgã ne niigã wakɩ-koeems pis-nu.

A. Zoobe 28:15

B ka tõe n dɩk sãnem n tek ne-a ye. La b ka tõe n mak wanzuri n da-a ye.

Yikri 30:13

Ad yaood ned kam fãa b sẽn sõd sẽn tog n yao. Yaa wanzuri ligd zɩslem sẽn zems garem a yopoe la bɛka, sẽn zems sɛk roogã sɩkɛll pʋɩ-sʋka. Sɩkɛll yaa geera pisi. Yaa yaood bãmb sẽn na n yao Sẽn-Ka-Saabo.

Zeremi 32:10

Mam gʋlsa raab kaset sebre, n pag-a n ning m nug-tikr bãnd a zugu. Mam baoo neb tɩ b wa yɩ kaset dãmba, la m mak ligdã ne zɩslem makdga.

Zeremi 32:9

Dẽ, mam daa pʋʋgã sẽn be Anatotã ne a Anameyɛlle, n yao wanzuri wakɩ-koeems piig la a yopoe.

Ezekiyɛl 45:12

Sã n yaa zɩslmã magbo, sɩkl yaa geera rãmb pisi. La min yaa sikl-dãmb pis-yoobe.

Zakari 11:12

Dẽ, mam yeela bãmb yaa: «A sã n taa yãmb yam, bɩ y yao maam m yaoodã, la sã n ka ta y yam bɩ y base.» Woto, bãmb maka wanzuri wakɩ-koeems pis-tã n yao maam.

A Matiye Sõng 7:12

Yãmb sẽn dat tɩ nebã maan yãmb bũmb ningã, bɩ yãmb me maan bõn-kãens me n kõ‑ba. Yõwã yaa Wẽnnaam tõogo la b no-rɛɛsdbã noore.

Tʋʋma 7:16

La b tʋka a Zakoob kũumã n kẽng Sɩkɛm n tɩ mum yaoog ninga a Abrahaam sẽn dag n da ne ligd a Hamoor kambã nengẽ sẽn be Sɩkɛmã pʋgẽ.

Rom Dãmba 13:8

Da tall-y ned samde, sã n ka tɩ nong taab ye. Bala, ned ning sẽn nong a taab pidsa Wẽnnaam tõogã zãnga.

Filip rãmba 4:8

Koɛɛg sẽn keta, m ba-biisi, bɩ y tags bũmb nins fãa sẽn yaa sɩda, la bũmb nins fãa sẽn tar waoogre, la bũmb nins fãa sẽn yaa tɩrse, la bũmb nins fãa sẽn be pʋ-peelem, la bũmb nins fãa sẽn zems nonglem, la bũmb nins fãa sẽn tar kaset sõngo, ne bũmb nins sẽn yaa neer zãng n zems pẽgrã yelle.

1Tesalonik Rãmba 4:6

Tɩ ned da maan a to zãmb wall a wẽg-a yel-kãng pʋgẽ ye. Tõnd zoe n yeela yãmb tɩ Zu-soabã kaooda bõn-kãens bʋʋdo.