Sɩngrẽ 22:9 - WẼNNAAM SEBRE 2014

⁹ La bãmb sẽn ta zĩig ning Wẽnnaam sẽn dag n wilg a Abrahaamã, a Abrahaam maana tẽn-kugri, n dɩk raadã n dogle. La a sẽb a biig a Izak n dogl raadã sẽn be tẽn-kugrã zugã zugu.

SEBR SÕNGO

⁹ B sẽn ta Wẽnd sẽn wilg zĩig ningã, a Abraam sama kuga, a mee maan-kugri, a sigla raadã a zugu la a sẽba a biig a Izaak n gãnege.

Sɩngrẽ 22:9 Iomraidhean Croise

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 12:8

La yẽnda yika beenẽ n viig a fu-roogã, n kẽng tãmsã sẽn be Betɛll tẽngã yaanga. Yẽnda tɩ tilga a fu-roogã Betɛll ne Ayi sʋka, tɩ Betɛll be nin-taoor tɩ Ayi be yaanga. A Abram mee tẽn-kugr beenẽ Sẽn-Ka-Saab yĩnga, n pʋʋs ne Sẽn-Ka-Saab yʋʋre.

Sɩngrẽ 13:18

Dẽ, a Abram tilga a fu-rotã Mamre tɩɩsã sẽnẽ, n yegl Ebrõ n kẽ. La a Abram mee tẽn-kugr beenẽ Sẽn-Ka-Saab yĩnga.

Sɩngrẽ 22:10

La a Abrahaam rɩka sʋʋgã n na n kodg a biigã.

Sɩngrẽ 22:8

A Abrahaam leoka a Izak n yeele: «M biiga, Wẽnnaam meng n na n ges tɩ peosg sẽn na n maan maoong sẽn yõogd bugmã wa.» La bãmb b yiibã rag n kell n tũuda taab n kẽnda.

Sɩngrẽ 8:20

A Nowe mee tẽn-kugr Sẽn-Ka-Saab yĩnga. A Nowe yãka rũm-sõama wã buud fãa, la bõn-yɩgdɩ nins fãa sẽn yaa sõama wã, n kʋ n maan maoong sẽn yõogd bugum tẽn-kugrã zug Sẽn-Ka-Saab yĩnga.

1 Rĩm-dãmbã 18:33

A Eli manega raad n palg tẽn-kugrã zugu, la a kʋ loalgã n bees-a n dogl raadã zugu.

Yɩɩn‑sõamyã 118:27

Sẽn-Ka-Saab yaa Wẽnnaam, bãmb n vẽnegd tõndo. Bɩ y zã vãad n gũbg bãmb n yãag-ba, d yãag-b n tãag tẽn-kugrẽ wã!

A Matiye Sõng 27:2

La b sẽba bãmb n tall n tɩ kɩs Gʋvɛrneer a Pilate.

A Mark Sõng 15:1

Yibeoog pĩnda, maan-kʋʋdbã kãsem-dãmb tigma ne kãsem-dãmbã la tõog karen-saam-dãmbã, la kaoreng yɛl bʋ-bʋʋdbã fãa. Bãmb sẽba a Zeezi n tall-b n tɩ kɩs a Pilate.

Tʋʋma 8:32

Raoã sẽn da karemd zĩig ning gʋls-sõngã pʋgẽ wã ra yeta a woto: B waa ne bãmb wala b sẽn wat ne pesg kʋʋb zĩigẽ, wala pe-bil sẽn ka yaagd a noor a wõrsdã taoorã, bãmb me ka yaag b noor ye.

Galat Rãmba 3:13

Kiris yolsa tõnd ne kãab-wẽngã, bãmb sẽn lebg kãab-wẽng tõnd yĩngã yĩnga. Bala, b gʋlsame tɩ kãab-wẽng n be ned ning sẽn lulg raoog zugã zugu.

Efɛɛz Rãmba 5:2

la y kẽn nonglem pʋga, wa Kiris me sẽn nong tõndo, n kõ b meng tõnd yĩng tɩ yɩ kũun la maoong sẽn yaa wa kaam sẽn tar yũ-noog n tat Wẽnnaam yam.

Ebre rãmba 9:28

woto me, Kiris sẽn kõ b meng vugr bal n na n tʋk neb wʋsg yel-wẽnã, b na n puka naoor a yiib soaba, la ka yel-wẽnã yĩng ye, la yaa neb nins sẽn gũud bãmb n na n paam fãagrã yĩnga.

Zake 2:21

Ka ne tʋʋm la tõnd ba a Abrahaam paam tɩrlem, a sẽn ning a bi‑ribl a Izak tẽn-kugr zug n kõ Wẽnnaamã la?

1 Pɩyɛɛr 2:24

Kiris meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn yaa wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre.