Sɩngrẽ 21:3 - WẼNNAAM SEBRE 2014

³ La a Abrahaam pʋda yẽnda bi-ribl ning a Saara sẽn dogã yʋʋr t'a Izake, sẽn dat n togs t'a ‹Laado.›

SEBR SÕNGO

³ A Abraam pʋda biig ning a Sara sẽn dogã t'a Izaak, a Laadwɛɛnda.

Sɩngrẽ 21:3 Iomraidhean Croise

Sɩngrẽ 17:19

La Wẽnnaam yeela a Abrahaam yaa: «Ka na n yɩ woto ye! Yaa fo pag a Saara n na n dog bi-ribl n kõ-fo, tɩ f pʋd a yʋʋr t'a Izake, sẽn dat n togs t'a ‹laado›, la mam na n vigla m kaoolã ne yẽnda, la yaa wakat sẽn kõn sa yĩnga. La yaa yẽnda ne a yagensã yĩnga.

Sɩngrẽ 17:21

La sẽn kẽed ne mam kaoolã wɛɛngẽ, yaa ne a Izak sẽn yaa bi-ribl ning fo pag a Saara sẽn na n dog vẽer woto wẽndã la m na n vigl-a.»

Sɩngrẽ 21:12

La Wẽnnaam yeela a Abrahaam yaa: «Da maan sũ-sãang f bi-riblã ne f yem-poakã yĩng ye. Maan bũmb nins fãa a Saara sẽn kot foomã n kõ-a. Bala, na n yɩɩ ne a Izak la fo na n paam yagens sẽn na n tar fo yʋʋrã.

Sɩngrẽ 21:6

Dẽ, a Saara yeelame: «Wẽnnaam kõo maam laado. Ned ning fãa sẽn na n wʋm-a yel-kãngã, na n pusga laad mam wɛɛngẽ!»

Sɩngrẽ 22:2

Dẽ, Wẽnnaam yeela yẽnda yaa: «Ade, rɩk f biigã, fo bi-ribl-yendã, a Izak fo sẽn nongã, n kẽng Moriiza, la f sã n ta beenẽ, bɩ f rɩk-a n maan maoong sẽn yõogd bugum tãng ning mam sẽn na n wilg foomã zugu.»

Sɩngrẽ 25:19

Ad a Abrahaam biig a Izak yagense. A Abrahaam n dog a Izake.

A Matiye Sõng 1:2

A Abrahaam n dog a Izake, t'a Izak dog a Zakoobe, t'a Zakoob dog a Zʋʋda ne a ba-biisi,

Tʋʋma 7:8

Dẽ, Wẽnnaam maana zood lagem-n-taar ne a Abrahaam n kõ-a bãong kẽesg tɩ yɩ bãnde. La a Abrahaam doga a Izake. La rasem a nii sẽn ta, b kẽesa a Izak bãongo, la a Izak sẽn dog a Zakoobe, a kẽesa yẽnda me bãongo. La a Zakoob sẽn dog Zʋɩf-rãmbã yaab-rãmb piig la a yiibã, a kẽes-b-la bãongo.

Rom Dãmba 9:7

Ka b sẽn yaa a Abrahaam roogã neb yĩng la b yaa a yagens ye. La b yeelame yaa: Na n tũnuga a Izak tɩ fo paam yagens sẽn tar fo yʋʋre,

Ebre rãmba 11:18

la yaa yẽnda yell la Wẽnnaam da gom n yeele: Yaa ne a Izak la fo na n paam yagense, sẽn na n tall fo yʋʋrã.

Zozuwe 24:3

La mam yãka yãmb yaab a Abrahaam Efrat kʋɩlgã rʋʋnde, n kɩt t'a saag Kana tẽngã fãa. Mam kɩtame t'a yagensã yɩ wʋsgo, n kõ yẽnda a Izake.