Sɩngrẽ 20:7 - WẼNNAAM SEBRE 2014

⁷ Moasã, lebs raoã a pagã, bala, a yaa no-rɛɛsa, la a na n pʋʋsa fo yĩnga tɩ f ra ki ye. La fo sã n ka lebs pagã, bɩ f bãng tɩ foom ne f sẽn so-b rãmbã fãa na n kiime.»

SEBR SÕNGO

⁷ Marsã, lebs pagã a sɩda; ad yaa mam neda, a na n pʋʋs n kõ-f lame la f na n vɩɩndame. F sã n zãgs a lebsgo, mars-marsã bala f na n kiime la f sẽn so fãa na n wãame.»

Sɩngrẽ 20:7 Iomraidhean Croise

Sɩngrẽ 12:15

La rĩm a Faarõ kug-zĩidbã sẽn yãnd pagã, b kẽng n tɩ pẽga pagã rĩm a Faarõ taoore. La b peega a Sarayi n wa rĩmã yiri.

Sɩngrẽ 12:17

La a Abram pag a Sarayi poorẽ, Sẽn-Ka-Saab sɩbga a Faarõ ne a yirã rãmb fãa ne to-kãsemse.

Sɩngrẽ 2:17

Bãmb leb n yeela ninsaala: «Yaa tɩɩg ning sẽn kɩtd tɩ ned bãng wẽnga, ne sõmb n bakã biis bal la fo ka tog n dɩ. Bala, daar ninga fo sẽn na n dɩ tɩ-kãngã bilã, fo na n kiime.»

Sɩngrẽ 20:18

Bala, Wẽnnaam dag n kɩtame t'a Abimelɛk zakã pagb fãa lebg kiyã, a Abrahaam pag a Saara yĩnga.

Sɩngrẽ 20:3

La Wẽnnaam waa a Abimelɛk nengẽ yʋng zãmsd pʋg n yeel-a yaa: «Fo na n kii pag ning fo sẽn peegã poorẽ. Bala, yẽnda tara sɩda.»

Sɩngrẽ 20:8

A Abimelɛk yika yibeoog pĩnda n bool a tʋmtʋmdbã fãa n togs-b bõn-kãens fãa. La rabeem kãseng yõka bãmba.

Sɩngrẽ 23:6

«M zu-soaba, kelg-y tõndo, yãmb yaa Wẽnnaam na-biiga, n be tõnd sʋka, bao-y yaoog ning sẽn ta yãmb yam tõnd yaadã sʋka, n mum y pagã. Tõnd ned baa a yembr kõn zãgs t'a ka na n kõ yãmb a yaoog tɩ y mum y pagã kũum ye.»

2 Sãmwɛlle 24:17

A Davɩɩd sẽn yã Malɛɛkã sẽn kʋʋd nebã, a yeelame yaa: «Sẽn-Ka-Saabo, yaa maam n beeg yãmba. La nin-bãmbã maana bõe? M kotame tɩ y sɩbgrã yɩ maam ne m yirã rãmba.»

1 Rĩm-dãmbã 13:6

Rĩmã zẽka a koɛɛg n yeel Wẽnnaam daoã yaa: «M kot-y lame tɩ y kos Sẽn-Ka-Saab sẽn yaa fo Wẽnnaamã, la f pʋʋs m yĩng tɩ m nugã tõe n leb n wa a zĩigẽ.» Dẽ, Wẽnnaam daoã pʋʋs n kosa Sẽn-Ka-Saabo, la rĩmã nugã leb n wa a zĩigẽ.

2 Rĩm-dãmba 5:11

La a Naama sũurã puugame t'a lebg n loogdẽ la a yetẽ: «Ade, mam dag n tẽedame tɩ yẽnda mengã n dag n na n yi n seg maam n tik bãagã zĩigẽ, n pʋʋs ne Sẽn-Ka-Saab sẽn yaa yẽnda Wẽnnaamã yʋʋre, tɩ mam yĩn-gãong bãagã sɛ.

1 Kibayã 16:22

«Da saag-y n sɩɩs-y mam nin-tũusdsã ye, la y ra maan mam no-rɛɛsdbã wẽng ye!

2 Kibayã 30:18

Bala, neb wʋsg sẽn dag n yi Efrayiim, ne Manaase, la Izakaare, ne Zabulõ n dag n ka paam n yɩlg b mens ye, la bãmb dɩɩ Pakã tigrã n ka tũ wa sẽn gʋlsã ye, la a Ezekɩyaas yõka sɛɛg bãmb yĩng n yeele: «Bɩ Sẽn-Ka-Saab sẽn yaa sõng soabã kõ neb nins fãa sẽn bao Wẽnnaam Sẽn-Ka-Saab sẽn yaa bãmb yaab-rãmbã Wẽnnaam ne b sũur fãa wã sugri, baa ne bãmb sẽn ka tõog n yɩlg b mens wa sẽn gʋlsã.»

A. Zoobe 34:19

Wẽnnaam ka geelgd nanambs ye, la b ka get arzegs rãmb n yɩɩd naong rãmb ye. Bala, bãmb fãa yaa bãmb nus n naane.

A. Zoobe 42:8

Moasã, bao-y lols a yopoe ne pe-raad a yopoe, n kẽng mam tʋmtʋmd a Zoob nengẽ n tɩ maan maoong sẽn yõogd bugum y mensã yĩnga. La mam tʋmtʋmd a Zoob sã n pʋʋs maam yãmb yĩnga, mam sẽn nand-a wã yĩnga, mam na n deega a pʋʋsgã n ka maan yãmb wa sẽn zems y yalemdã ye. Bala, yãmb ka gom mam yell neer wa m tʋmtʋmd a Zoob ye.»

Yɩɩn‑sõamyã 25:14

Sẽn-Ka-Saab vẽnegda b yel-solgdsã ne neb nins sẽn zoet bãmbã. Sẽn-Ka-Saab kɩtdame tɩ nin-bãmb bãng bãmb kaoolã.

Yikri 18:17

A Moyiis rɛɛmbã yeela yẽnda yaa: «Fo sẽn maand bũmb ningã ka neer ye.

Yikri 4:16

Yẽnda na n goma ne nebã fo yĩnga. La yẽnda na n lebga wa fo noore, la fo na n yɩɩ wa wẽnnaam yẽnda yĩnga.

Yikri 7:1

Sẽn-Ka-Saab yeela a Moyiis yaa: «Ade, mam na n kɩtame tɩ fo yɩ wa wẽnnaam Faarõ nifẽ. La fo saam-biig a Aarõ na n yɩɩ fo no-rɛɛsa.

Zeremi 14:11

Sẽn-Ka-Saab yeela maam yaa: «Da pʋʋs n kos sõngr nin-bãmbã yĩng ye.

Zeremi 15:1

Sẽn-Ka-Saab yeela maam yaa: «Ba a Moyiis ne a Sãmwɛll sã n wa yals mam taoore, mam ka na n zoe nin-bãmbã nimbãaneg ye. Rig-b tɩ b menem mam taoor n bao zĩiga.

Zeremi 27:18

A Zeremi leb n yeelame yaa: «Nin-kãensã sã n yaa no-rɛɛsdb hakɩɩka, la sã n sɩd yaa Sẽn-Ka-Saab n gom ne bãmba, bɩ b yõk Saasẽ-Pãng-Soabã sɛɛga, tɩ b ra sak tɩ b tall teed nins sẽn pa Sẽn-Ka-Saab roogẽ wã, ne Zʋʋda rĩmã na-yirã, la Zeruzalɛm pʋgẽ wã, n kẽng Babilond ye.

Ezekiyɛl 3:18

Mam sã n yeel nin-wẽng t'a na n kiime, tɩ fo ka keoog-a, fo sã n ka gome, n keoog nin-wẽngã t'a bas a manesem-wẽngã n fãag a vɩɩmã, a na n ki a kongrã pʋga, la mam na n ning foom taal a zɩɩmã raagr yĩnga.

Ezekiyɛl 33:8

Mam sã n yeel nin-wẽng t'a na n kiime, tɩ f ka keoog-a, n yeel-a t'a bas a manesem-wẽngã n paam n vɩɩmde, a na n ki a kongrã pʋga, la mam na n ning foom taal a kũumã yĩnga.

Maan‑kʋʋre 6:4

Rẽ poore, bɩ a yees a futã, la a ning fut a taaba, n dɩk tompeglmã n yi sik zĩigã pʋg n kẽng zĩig sẽn welg toor pʋga.

Maan‑kʋʋre 6:7

Ad tõog ning sẽn kẽed ne bõn-koaadl kũunã wɛɛngẽ wã la woto. A Aarõ kamb n tog n maan maoon-kãng Sẽn-Ka-Saab taoore, n tees tẽn-kugrã nen-taoore.

Tʋʋma 8:24

A Sɩmo yeel-b lame yaa: Yãmb mens pʋʋs Zu-soabã mam yĩnga, tɩ bũmb nins yãmb sẽn yeelã ba a yembr da paam maam ye.

1 Korẽnt rãmba 14:4

Sẽn gomd-a gom-zẽn bɩɩsda a menga. Sẽn togsd-a pĩnd-n-bãngr goamã bɩɩsda wẽnd doogã.

Ebre rãmba 1:1

Wẽnnaam sẽn da tall bãmb no-rɛɛsdbã n pĩnd n gom naoor wʋsg ne tõnd yaab-rãmbã ne manesem buud wʋsgã,

Ebre rãmba 13:4

Bɩ nebã fãa waoog kãadem, la bɩ ned ne a pag pĩir da zĩnd dẽgd ye. Bala, Wẽnnaam na n sɩbga raglem-dãmba la nin-yoaadbã.

1 Zã 5:16

Ned sã n yãnd a ba-biig sẽn maan yel-wẽnd sẽn ka wat ne kũum, bɩ a pʋʋse, la Wẽnnaam na kõ-a vɩɩm. Yaa neb nins sẽn maand-b yel-wẽn sẽn ka wat ne kũumã yĩnga la y tog n pʋʋse. Yel-wẽnd n be n wat ne kũum, ka yel-wẽn‑kãng yĩng la mam sẽn yet tɩ y pʋʋsã ye.

1 Sãmwɛlle 12:19

Nebã fãa yeela a Sãmwɛll yaa: «Pʋʋs-y Sẽn-Ka-Saab sẽn yaa y Wẽnnaamã, tõnd sẽn yaa y tʋmtʋmdbã yĩnga, tɩ d ra ki ye. Bala, tõnd paasa d yel-wẽnã sõore, tõnd sẽn kos tɩ d rata rĩmã yĩnga.»

1 Sãmwɛlle 12:23

Mam kõn tol n bas n ka pʋʋs Sẽn-Ka-Saab yãmb yĩnga, n wa beeg bãmb ye. Mam na n zãmsa yãmb sor sẽn yaa sõama, la tɩrga.

1 Sãmwɛlle 7:5

A Sãmwɛll yeelame: «Tigm-y Israyɛll nebã fãa Mispa, tɩ m pʋʋs Sẽn-Ka-Saab y yĩnga.»

1 Sãmwɛlle 7:8

Israyɛll nebã yeela a Sãmwɛll yaa: «Ra sĩnd f noor ye! Kelem n bool Sẽn-Ka-Saab sẽn yaa tõnd Wẽnnaamã n kõ-do, tɩ b fãag-d Filistẽ-dãmbã nugẽ.»