Sɩngrẽ 2:8 - WẼNNAAM SEBRE 2014

⁸ Wẽnnaam Sẽn-Ka-Saab rag n maana zẽed zĩig n ning Edɛn tẽngã yaanga, la b rɩka ninsaal bãmb sẽn naanã n ning beenẽ.

SEBR SÕNGO

⁸ Soaala-Wẽnd sela zẽedo Eden, yaang sẽnẽ, be la b kẽes ninsaala, b sẽn naan-a n sɛ.

Sɩngrẽ 2:8 Iomraidhean Croise

Sɩngrẽ 13:10

Dẽ, a Lot zẽk n gesa Zʋrdẽ kunkubã fãa sẽnẽ zĩisã sẽn paam zãgsg sõama wã. La yaa sẽn deng Sẽn-Ka-Saab sẽn dag n nan ka sãam Sodom ne Gomoorã, la a rag wẽnda wa Sẽn-Ka-Saab zẽed zĩiga, wa Ezɩpt tẽngã sẽn yaa to-to wã, n tall n tɩ tãag Sowaar tẽngã.

Sɩngrẽ 3:23

Wẽnnaam Sẽn-Ka-Saab riga yẽnda n yiis zẽedã zĩigẽ, n kɩt tɩ b ko tẽn-gãongã sẽn yaa zĩig ning b sẽn yãk tomã n maan bãmbã.

Sɩngrẽ 3:24

Wẽnnaam sẽn dig ninsaal n yiis zẽedã zĩig pʋgẽ wã loogr zugẽ, b ninga Serubẽ-rãmb Edɛn zẽedã zĩig yaanga, ne sʋʋg sẽn wit bugum t'a wẽnemded zĩigã fãa, n gũud zẽedã zĩigã sor ning sẽn dabd tɩɩg ning biis sẽn kõt vɩɩmã sẽnẽ wã.

Sɩngrẽ 4:16

La a Kayẽ yii Sẽn-Ka-Saab taoor n loog n kẽng n tɩ zĩnd Nood tẽngã sẽn be Edɛn zẽedã zĩig yaangã.

2 Rĩm-dãmba 19:12

Dẽ yĩnga, Goozã ne Haarã la Retsɛf ne Edɛn nebã sẽn be Telasaarã, sẽn yaa buud toay-toay nins mam ba-rãmbã sẽn sãamã wẽnnaam-dãmb tõog n fãag-b lame sɩda?

A Ezayi 51:3

Woto, Sẽn-Ka-Saab zoee Sɩyõ nimbãanega, bãmb zoe a raboodã nimbãanega. Bãmb na n kɩtame t'a we-raoogã lebg wa Edɛn, la b kɩt t'a tẽn-nabd-koɛɛngẽ lebg wa Sẽn-Ka-Saab zẽed zĩiga. Kɩdeng ne sũ-noog na n leb n zĩnda a pʋgẽ, la bark pʋʋsg ne yɩɩl na n leb n zĩnda beenẽ.

Ezekiyɛl 27:23

Aarã ne Kane, la Edɛn, ne Seba, la Asiiri ne Kilmaad lɛɛbdbã rag n leebda ne foom.

Ezekiyɛl 28:13

Fo rag n bee Wẽnnaam zẽedã zĩigẽ Edɛn. Fo rag n zera f futã ne kug-sõama buud toor-toore: Yaa sardoande, topaaze, diyama, kirzoliti, onigsi, zaspe, lapiis-lazuli, ɛskarbukli, emeroode, n paas sãnem. F sɩlsãgsã ne f wɩɩsã rag n be f yĩng f naanegã daare.

Ezekiyɛl 31:16

Mam sẽn kɩt tɩ yẽnda sig kɩɩm-kulg n naag b rãmb nins sẽn sigd bok pʋgẽ wã, mam kɩtame tɩ yẽnda lʋɩɩsã bʋrg kɩt tɩ buud toay-toayã fãa rigi. Edɛn tɩɩsã fãa, ne Libã tɩɩsã sẽn yaa tɩ-neeb la sõama n yɩɩdã, la tɩɩs nins fãa sẽn paamd koomã, bãmb fãa sẽn be tẽngã zĩ-zulumsẽ wã paama belsgo.

Ezekiyɛl 31:18

Edɛn tɩɩsã sʋka, ãndã n wẽnd foom, f ziirã ne f kãosengã pʋga? B yaool n na n kɩtame tɩ fo naag Edɛn tɩɩsã fãa n sig tẽngã zĩ-zulumsẽ. Fo na n gãanda sẽn ka kẽ-b bãongã sʋka. Ad Faarõ ne a nebã baoosgo. Maam a Zu-soab a Sẽn-Ka-Saab n yeele.»

A Zowɛlle 2:3

Bu-kãng na n waa wa bugum sẽn dɩta, a taoor yaa bug-witim n dɩtẽ, t'a poorẽ yaa bugum n dɩtẽ. Sẽn deng a waoongã, tẽngã rag n yaa wa Edɛn zẽedã zĩiga, la a loogrã poore, tẽngã sãama zãnga, n lebg we-raoogo. Bũmb ka tõe n zoe n põs-a ye.