Sɩngrẽ 2:7 - WẼNNAAM SEBRE 2014

⁷ Wẽnnaam Sẽn-Ka-Saab yãka tẽngã tom n maan ninsaala. La Wẽnnaam fʋʋsa ninsaal yõ-bogdã pʋga, n ning vɩɩm ninsaal pʋgẽ. La ninsaal lebga nin-vɩɩga.

SEBR SÕNGO

⁷ Soaala-Wẽnd wa n yaga ninsaala ne tẽng yagdo. Vɩɩm pemsem la b fʋʋs a yõe bogdẽ t'a tũ rẽ n paam vɩɩm.

Sɩngrẽ 2:7 Iomraidhean Croise

Sɩngrẽ 1:27

Dẽ, Wẽnnaam naana ninsaalbã n wẽneg b menga. Wẽnnaam naan-b lame n wẽneg bãmb a Wẽnnaam mengã. Wẽnnaam naana bãmb pag ne raoa.

Sɩngrẽ 2:6

La koom n dag n pusgd n yit n zãgsd tẽn-gãongã.

Sɩngrẽ 3:19

La fo na n kaaga f rĩir tʋʋlg n yaool n paam dɩɩb n dɩ. Hal tɩ ta daar ning fo sẽn na n lebg n leb tẽng tomẽ wã. B sẽn yãk tẽng tom n maan foomã yĩnga. Bala, fo yaa tẽng tom, la fo na n leb n leba tẽng tomẽ.»

Sɩngrẽ 3:23

Wẽnnaam Sẽn-Ka-Saab riga yẽnda n yiis zẽedã zĩigẽ, n kɩt tɩ b ko tẽn-gãongã sẽn yaa zĩig ning b sẽn yãk tomã n maan bãmbã.

Sɩngrẽ 7:22

Bũmb nins fãa sẽn vʋʋsd ne yõor n dag n be tẽn-koɛɛngã zugã kiime.

A. Zoobe 27:3

tɩ mam sã n be tẽng zug n vʋʋsd ne yõore, tɩ vʋʋsem ning Wẽnnaam sẽn kõ maamã sã n ket n yit mam yõ-bogdẽ wã,

A. Zoobe 33:4

Yaa Wẽnnaam sɩɩgã n naan maam. Yaa Pãng-Soab vʋʋsmã n kõ maam vɩɩm.

A. Zoobe 33:6

Gese, Wẽnnaam taoore, mam yaa wa foom bala. Bãmb naana maam me ne tẽng tom.

A. Zoobe 4:19

ninsaal sẽn maan ne tãndã na n yeelame tɩ bõe, bala, b talla tẽng tom n naan bãmba! B neemda bãmb tao-tao wa mogdo!

Yɩɩn‑sõamyã 100:3

Bãng-y tɩ Sẽn-Ka-Saab n yaa Wẽnnaam! Bãmb n naan tõndo, la b soo tõndo. Tõnd yaa bãmb neb b sẽn dɩlgde.

Yɩɩn‑sõamyã 103:14

Bãmb mengã mi b sẽn tall bũmb ning n naan tõndo. Bãmb tẽrame tɩ tõnd yaa tẽng tom.

Yelbũna 20:27

Ninsaal vʋʋsmã yaa Sẽn-Ka-Saab fɩtla, a feesda ninsaal sũ-zulungã pʋgẽ.

Kowelɛt 12:7

la tomã sẽn nan ka lebg n leb tẽng tomẽ wã, wa a sẽn dag n yaa bũmb ning pĩndã, tɩ sɩɩgã leb n leb Wẽnnaam ning sẽn dag n kõ yẽnda wã nengẽ.

Kowelɛt 3:7

Fuug kẽegr wakat beeme, la a sẽeb wakat me beeme. Sĩndim wakat beeme, la goam wakat me beeme.

A Ezayi 2:22

Dẽ wã, bɩ f ra leb n teeg ninsaal sẽn vʋʋsd ne yõ-bogdã ye. Ninsaal yõod zema bõe?

A Ezayi 64:8

Ra-y yik-y y sũur tɩ loog ye. Sẽn-Ka-Saabo, ra-y tẽeg-y tõnd kongrã yell wakat fãa ye. Tõnd kotame tɩ y gese, tõnd fãa yaa yãmb nebã.

Kʋʋr yɩɩla 4:20

Sẽn-Ka-Saab sẽn yãk a soab t'a yaa tõnd vɩɩmã gũudã lʋɩɩ bãmb bogdã pʋsẽ. Yẽnda yaa soab ning tõnd sẽn dag n gomd a yell n yetẽ tɩ tõnd na n zĩnda yẽnda maasmẽ n vɩɩmd buud a taabã sʋkã.

Ezekiyɛl 37:5

Ade, Zu-soab a Sẽn-Ka-Saab yeta yãmb a kõabã yaa: «Mam na n kɩtame tɩ vʋʋsem wa kẽ yãmba, tɩ y leb n vɩɩmde.

Ezekiyɛl 37:6

Mam na n kõo yãmb gĩina, n kɩt tɩ yĩn-nemd zĩnd y zugu, la m lud-y ne yĩn-gãongo, la mam na n kõo yãmb vʋʋsem n kɩt tɩ y paam vɩɩm. Woto, yãmb na n bãngame tɩ mam yaa Sẽn-Ka-Saabo.»

Zakari 12:1

Sɩbgr koɛɛga. Sẽn-Ka-Saab koɛɛg Israyɛll wɛɛngẽ. Ade, Sẽn-Ka-Saab sẽn yaa soab ning sẽn yɛdg sa-gãongã la b vigl tẽngã, n kɩt tɩ sɩɩg be ninsaalb pʋgẽ wã yetame:

Sõadga 16:22

La a Moyiis ne a Aarõ wõgemdame n fõgen b nens tẽng n yeel yaa: «Wẽnnaam! Yaa yãmb n kõt bũmb nins fãa yãmb sẽn naanã vɩɩm! Rẽ yĩnga, yãmb na n yika y sũur ne nin-kãensã fãa, tɩ yaool n yaa nin-yɛng bal n beegã?»

Sõadga 27:16

«Wẽnnaam Sẽn-Ka-Saabo, yãmb n kõt bõn-naandsã fãa vɩɩm, bɩ y yãk ned n lʋɩɩs y nebã taoore.

A Zã Sõng 20:22

Gom-kãens zugẽ, a Zeezi fʋʋsa bãmb zug n yeel-ba: «Reeg-y Sɩɩg-sõngo.

Tʋʋma 17:25

la b ka baood me tɩ ninsaalb tʋm ne b nus n sõng-b wa bũmb n paoog-b ye. Bala, yaa bãmb n kõt ninsaalbã vɩɩm, la vʋʋsem, la bũmbã fãa.

Rom Dãmba 9:20

La fo yẽ, foom la ãnda n tõe n wẽ no-koeemd ne Wẽnnaam? Bũmb ning yagbã sẽn yagdã na n yeela yagbã tɩ yaa bõe yĩng t'a yagd yẽnda a woto?

1 Korẽnt rãmba 15:45

Rẽnda n kɩt tɩ b gʋls n yeel tɩ: Pipi rao a Ãdem lebga nin-vɩɩga. La yaoolem Ãdmã lebga sɩɩg sẽn kõt vɩɩm.

1 Korẽnt rãmba 15:47

Pipi raoã b sẽn yãk tẽng tom n naanã yaa tẽng bũmbu. La yiib soabã yita arzãna.

2 Korẽnt rãmba 4:7

Tõnd zãada paoon-kãngã d yĩnsã sẽn yaa wa yagd laasã pʋse. Tɩ pãn-kãsen‑kãngã na yɩ Wẽnnaam dẽnda, la kõn yɩ tõnd dẽnd ye.

2 Korẽnt rãmba 5:1

Sɩd me, tõnd miime tɩ tõnd tẽng zug ka roogã sẽn yaa fu-roogã sã n wa n sãame, tõnd tara roog arzãn pʋga, sẽn yaa Wẽnnaam n me. Yaa roog sẽn paad wakat sẽn kõn sa, sẽn ka ninsaalb nus n me ye.

1 Tɩmote 2:13

Bala, Wẽnnaam deng n naana a Ãdem pipi, n yaool n naan a Ɛɛve.

Ebre rãmba 12:9

Tõnd sẽn paam yĩng ba-rãmb tɩ b ra sɩbgd tõnd tɩ tõnd waoog-bã, tõnd ka tog n sak d sɩɩs ba wã n yɩɩda, tɩ d tõe n paam vɩɩm?