Sɩngrẽ 2:5 - WẼNNAAM SEBRE 2014

⁵ rẽ tɩ tɩɩg baa a yembr ka be tẽn-gãongã zugu, la mood me rag n nan ka yi wetã pʋs ye. Bala, Wẽnnaam Sẽn-Ka-Saab rag n nan ka kɩt tɩ saag ni dũniyã zug ye, la ninsaal me rag n ka be dũniyã zug n na n ko-a ye.

SEBR SÕNGO

⁵ dẽ tɩ tɩɩg la moog ra nan pa yi pʋʋgẽ ye; b ra nan ka bas tɩ saag ni tẽng zug ye, ninsaal me rag n nan ka be sẽn na n yɩ tẽnga koaad ye.

Sɩngrẽ 2:5 Iomraidhean Croise

Sɩngrẽ 2:6

La koom n dag n pusgd n yit n zãgsd tẽn-gãongã.

Sɩngrẽ 3:23

Wẽnnaam Sẽn-Ka-Saab riga yẽnda n yiis zẽedã zĩigẽ, n kɩt tɩ b ko tẽn-gãongã sẽn yaa zĩig ning b sẽn yãk tomã n maan bãmbã.

Sɩngrẽ 4:12

Fo sã n ko tẽn-gãongã, a ka na n leb n kõ foom a bi-sõama wã ye. Fo na n yeeba dũniyã, n ka yas zĩ-yɛng ye.»

Sɩngrẽ 4:2

Rẽ zugẽ, yẽnda roga a Kayẽ yao a Abɛlle. La a Abɛll lebga rũm-kɩɩmda rũm-bãoonego, t'a Kayẽ yaa ka-koaada.

A. Zoobe 5:10

Bãmb n sikd sa-koom dũniyã zugu, n kɩtdẽ tɩ pʋtã paamd koom.

Yɩɩn‑sõamyã 104:14

Bãmb kɩtdame tɩ moog yit tɩ rũmsã wãbdẽ, la b kɩtdẽ tɩ bõn-koaadl yit tẽn-gãongã zugu, tɩ ninsaalbã kood n paamd b rɩɩbo,

Yɩɩn‑sõamyã 135:7

Sẽn-Ka-Saab n kɩtd tɩ sawatã zẽkd n tat dũniyã zĩig fãa, la b kɩtdẽ tɩ sa-yãgb wat ne sa-koom, n kɩtdẽ tɩ sobg yit b sẽn dag n bĩng-a zĩig ningã.

Zeremi 10:12

Sẽn-Ka-Saab naana tẽngã ne b meng pãnga. Bãmb yamã kɩtame tɩ dũniyã beẽ, la b yɛdga sa-gãongã ne b bãngrã.

Zeremi 10:13

Bãmb sã n zẽk b koɛɛgã, koomã sẽn be yĩngrã tigimda taaba. Bãmb kɩtdame tɩ sawat zẽk n ta dũniyã kɩremsã fãa. Bãmb kɩtdame tɩ sa-yãgb sikd sa-koom, la b kɩtdẽ tɩ sebgã yit a sẽn beẽ wã n fugda.

Zeremi 14:22

Bu-zẽmsã zĩrẽ wẽnnaam-dãmbã sʋka, bʋg n tõe n kɩt tɩ saag ni? Yaa sa-gãongã n kɩtd tɩ saagã niid bɩ? Ka yãmb a Sẽn-Ka-Saab sɩda? Yãmb la d teeg yã! Bala, yãmb la bõn-kãens fãa naanda.

A Matiye Sõng 5:45

tɩ yãmb tõe n yɩ yãmb ba sẽn be arzãnã kamba. Bala, bãmb kɩtdame tɩ bãmb wĩntoogã zẽkd nin-wẽnse, la nin-sõamyã yĩnga, la b kɩtdẽ tɩ saagã niid nin-tɩrse, la sẽn ka-b tɩrsã yĩnga.

Ebre rãmba 6:7

Sɩd me, pʋʋg sã n paam sa-koom wakat fãa n womd biis neb nins sẽn koaad-a wã yĩnga, pʋʋgã me paamda pʋɩɩr ne Wẽnnaam barkã.