Sɩngrẽ 2:3 - WẼNNAAM SEBRE 2014

³ Woto, Wẽnnaam ninga rasem a yopoe wã daar barka, n welg-a toor b mengã yĩnga. Bala, bãmb vʋʋsa badaar ne tʋʋm nins fãa bãmb sẽn maanã.

SEBR SÕNGO

³ B ninga daar a yopoe soaba barka n welg-a toore, tɩ yɩɩ baraare la b vʋʋs ne b naanega tʋʋmde.

Sɩngrẽ 2:3 Iomraidhean Croise

Sɩngrẽ 1:31

Wẽnnaam yãndame tɩ bũmb nins fãa bãmb sẽn naanã sɩd yaa sõama hal wʋsgo. Zaabr la yibeoog zĩndame. Rẽndã yɩɩ rasem a yoob daarã.

Sɩngrẽ 2:2

La sẽn wa n na n ta rasem a yopoe daarã, rẽ tɩ Wẽnnaam naana bũmbã fãa n sɛ. La rasem a yopoe daarã, Wẽnnaam vʋʋsa ne b tʋʋmã fãa.

Sɩngrẽ 2:4

Yaa woto la b naan yĩngrã ne tẽngã b naanegã wakate. Wẽnnaam Sẽn-Ka-Saab sẽn wa n naan yĩngr la tẽngã wakate,

A Neemi 9:14

Yãmb kɩtame tɩ y tʋmtʋmd a Moyiis wilg bãmb y vʋʋsg daarã sẽn welg toorã. La yãmb kɩtame t'a zãms bãmb tõodã koees a taabã.

Yikri 23:12

Maan f tʋʋmdã rasem a yoobe, la rasem a yopoe wã daare, tog n yɩɩ vʋʋsg daar fo yĩnga, tɩ fo loalga, ne f bõang me vʋʋse, tɩ f yem-poak biig ne f sãan me paam n vʋʋse.»

Yikri 34:21

Tʋm dasem a yoobe, la f vʋʋs rasem a yopoe wã daare. Vʋʋse, baa sã n yaa peseng wakat bɩ tigsg wakate.

Yelbũna 10:22

Yaa Sẽn-Ka-Saab barkã n wat ne arzɛka, tɩ yɩɩr ka naag ye.

Ezekiyɛl 20:12

Sẽn paas me, mam kõo bãmb m vʋʋsg rayã tɩ yɩ bãnd maam ne bãmb sʋka, tɩ b tõe n bãng tɩ yaa maam a Zu-soab a Sẽn-Ka-Saab n welg bãmb toore.

Maan‑kʋʋre 23:3

Yãmb tõe n tʋma rasem a yoobe, la rasem a yopoe wã daar na n welga toor n yɩ vʋʋsg daare, la yãmb ka tog n tʋm ye. Dẽ, yãmb sẽn na n zĩnd zĩig ninga fãa, a na n yɩɩ vʋʋsg daar Sẽn-Ka-Saab yĩnga.

A Mark Sõng 2:27

B rag n yet‑b lame: «Vʋʋsg raarã maana ninsaal yĩnga, la b ka maan ninsaal vʋʋsg daarã yĩng ye.

A Luk Sõng 23:56

La b lebgame n tɩ to tɩdar zom la b maan tɩdar kaam. La bãmb vʋʋsa vʋʋsg daarã wa sẽn zems a Moyiis tõogã. Yaoog sẽn tuk pĩigẽ.