Sɩngrẽ 2:2 - WẼNNAAM SEBRE 2014

² La sẽn wa n na n ta rasem a yopoe daarã, rẽ tɩ Wẽnnaam naana bũmbã fãa n sɛ. La rasem a yopoe daarã, Wẽnnaam vʋʋsa ne b tʋʋmã fãa.

SEBR SÕNGO

² Daar a yopoe soaba, Wẽnd tʋʋmna yãenda a tɛka tɩ B na n vʋʋse tɩ b sɛ-la b tʋʋmde.

Sɩngrẽ 2:2 Iomraidhean Croise

Sɩngrẽ 1:31

Wẽnnaam yãndame tɩ bũmb nins fãa bãmb sẽn naanã sɩd yaa sõama hal wʋsgo. Zaabr la yibeoog zĩndame. Rẽndã yɩɩ rasem a yoob daarã.

Sɩngrẽ 2:3

Woto, Wẽnnaam ninga rasem a yopoe wã daar barka, n welg-a toor b mengã yĩnga. Bala, bãmb vʋʋsa badaar ne tʋʋm nins fãa bãmb sẽn maanã.

Yikri 23:12

Maan f tʋʋmdã rasem a yoobe, la rasem a yopoe wã daare, tog n yɩɩ vʋʋsg daar fo yĩnga, tɩ fo loalga, ne f bõang me vʋʋse, tɩ f yem-poak biig ne f sãan me paam n vʋʋse.»

Yikri 31:15

Yãmb na n tʋma rasem a yoobe, la rasem a yopoe raarã na n yɩɩ vʋʋsgo. A na n yɩɩ vʋʋsg daar sẽn welg toor Sẽn-Ka-Saab waoogr yĩnga. Ned sã n tʋm vʋʋsg raare, bɩ b kʋ-a.

Yikri 31:17

Vʋʋsg raarã na n yɩɩ bãnd maam ne Israyɛll nebã sʋk wakat sẽn ka sɛt yĩnga. Bala, Sẽn-Ka-Saab naana yĩngr la tẽngã rasem a yoob pʋgẽ, la rasem a yopoe wã daare, bãmb basa b tʋʋmã n vʋʋse.»

A Ezayi 58:13

Yãmb sã n yõk y naoor vʋʋsg daarã, la y sã n ka tʋm y tʋʋmã mam daarã sẽn welg toorã daare, yãmb sã n maan sũ-noog ne vʋʋsg daarã, yãmb sã n dɩk Sẽn-Ka-Saab daarã tɩ yɩ daar sẽn segd ne waoogre, yãmb sã n waoog vʋʋsg daarã n ka maan y sẽn date, n ka tʋm y meng tʋʋmã, la y ka yals n bao gom-wogdo,

A Zã Sõng 5:17

La a Zeezi leoka bãmb n yeele: M ba tʋmda hal tɩ ta moasã. Mam me tʋmdame.

Yaoolem 5:14

La rasem a yopoe wã daare, yaa vʋʋsg daar Sẽn-Ka-Saab sẽn yaa yãmb Wẽnnaamã waoogr yĩnga. Bɩ yãmb ne y kom-dibli wã, la y kom-pugli wã, ne y yem-daadã la y yem-pogsã, ne y loalga, la y bõanga, la sẽn yaa yãmb rũng fãa, la sãamb nins sẽn be yãmb tẽmsã pʋgẽ wã bas b tʋʋmã fãa, tɩ yãmb yem-daadã ne y yem-pogsã paam n vʋʋs wa yãmba.

Ebre rãmba 4:10

Bala, ned ning sẽn deegd vʋʋsg ning Wẽnnaam sẽn kõtã me basda a tʋʋmã n vʋʋsd wa Wẽnnaam sẽn bas b rẽnd n vʋʋsã.

Ebre rãmba 4:4

Bala, zĩig a yembre, Wẽnnaam goma yopoe daarã yell n yeele: La Wẽnnaam basa b tʋʋmã fãa yopoe daarã n vʋʋse.