Sɩngrẽ 19:5 - WẼNNAAM SEBRE 2014

⁵ Bãmb tool n boola a Lot n yeel yaa: «Raop nins sẽn wa n sig fo zakẽ wã yʋngẽ wã bee yɛɛnẽ? Yiis-b n kõ tõnd tɩ d gãand-ba.»

SEBR SÕNGO

⁵ B boola a Lot n yeel-a: «Rapa sẽn kẽ ka yʋngã bɛɛ? Tall-ba n wa tɩ d sõs ne-ba.»

Sɩngrẽ 19:5 Iomraidhean Croise

Sɩngrẽ 19:6

A Lot yii n bʋʋga bãmb roogã noore, la a lebs kʋɩlengã n page.

1 Rĩm-dãmbã 14:24

Bãmb dag n tara pagb ne raop sẽn be pʋʋsg rotã zĩisẽ n maand yoob n waoogd wẽn-naandse. Bãmb maana tʋʋm-beed buud toor-toore, wa buud nins Sẽn-Ka-Saab sẽn kɩt tɩ Israyɛll nebã rigã sẽn dag n maandã.

1 Rĩm-dãmbã 22:46

A Zozafat tʋʋm a taabã ne a gãndaalmã tʋʋmã, la zabã a sẽn zabã fãa gʋlsa Zʋʋda rĩm-dãmbã kibay sebr pʋga.

A Ezayi 1:9

Saasẽ-Pãng-Soabã sã n dag n ka basẽ tɩ neb bilf põse, tõnd dag n na n lebgẽ-la wa Sodom tẽngã, tõnd dag n na n wẽnegẽ-la Gomoore.

A Ezayi 3:9

Bãmb nensã gãneng kɩta kaseto, tɩ bãmb ka zems ye. Bãmb sẽn maand b yel-wẽnã wa Sodom nebã sẽn dag n maandã, n ka solgdẽ wã yĩnga. Ad yaa toog n na n paam-ba! Bala, bãmb n segl to-kãng b mens yĩnga.

Zeremi 3:3

Yaa woto n kɩt tɩ saag ka ni sigri, la sẽoog me ye. La baoosgo, yãmb nensã yaa wa pʋg-yoodr nenga. Yãnd ka tar yãmb ye.

Zeremi 6:15

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Ezekiyɛl 16:49

Ad kongr ning fo yao-bi-pugl a Sodom sẽn kongã: yẽnda maana tɩtaam, yẽnda rag n dɩt n tɩgdame, yẽnda ne a tẽn-bãoonegã rag n vɩɩ bãan n ka yɛɛsd yelle, la b rag n ka maand baa fɩ n na n paas naong-rãmbã ne nimbãan-dãmbã raood ye.

Ezekiyɛl 16:50

Bãmb zẽka b mens n maan yel-beed mam taoore. Dẽ, mam sẽn yãnd bõn-kãngã mam menes-b lame.

Ezekiyɛl 16:51

La sã n yaa ne Samaari, yẽnda ka maan fo yel-wẽnã pʋɩ-sʋk meng ye. Fo yel-beedã sõor yɩɩ wʋsg n yɩɩd yẽnda rẽndã. La yel-beed nins fãa fo sẽn maanã kɩtame tɩ fo kẽem-bi-puglã ne f yao-bi-puglã sẽn maanã ka baa fɩ ye.

Maan‑kʋʋre 18:22

Bɩ f ra kẽ ne rao wa fo sẽn kẽed ne pag to-to wã ye. Yõwã yaa yel-beedo.

Maan‑kʋʋre 20:13

Raop a yiib sã n gãand taab wa rao sẽn kẽed ne pag to-to wã, bãmb b yiibã fãa maana yel-beedo. Bãmb b yiibã fãa tog n kiime, la bãmb zɩɩmã taal be b meng zugu.

1 Korẽnt rãmba 6:9

Yãmb zɩ tɩ neb nins sẽn maand sẽn ka zemsã ka na n paam Wẽnnaam soolem wa b rogem-pʋɩɩr la? Da belg-y y mens ye. Tʋʋm-dẽgd maandbã, wẽn-naands pʋʋsdbã, nin-yoaadbã,

Yaoolem 23:17

A na n paa ne foom, Israyɛll tẽng ning pʋg a sẽn yãk n na n zĩndã pʋga. Da kɩt t'a tʋm n kõ foom zaalem ye.

1 Tɩmote 1:10

la yĩng ratem yembse, la raop bɩ pagb sẽn gãe taaba, la yemb-koaasdba, la zĩrẽ yagdba, la zĩrẽ kaset rãmba, la bũmb nins a taab sẽn kɩɩsd koe-sõngã maandbã yĩnga.

2 Tɩmote 3:13

La nin-wẽnsã ne bɛlgdbã na n kell n kẽeda wẽngã pʋgẽ n paasdẽ. Bãmb mensã yaa neb sẽn meneme, la b menesda neb a taab me.

2 Pɩyɛɛr 2:2

Neb wʋsg na n pʋga bãmb b tʋʋm-beedã pʋgẽ, la sɩd sorã na n paama tʋʋsgo, bãmb tʋʋm-beedã yĩnga.

2 Pɩyɛɛr 2:7

La Wẽnnaam fãaga nin-tɩrg a Lote. Yẽnda sũur da sãama hal wʋsgo, nin-wẽns kãensã tʋʋm-dẽgdã sẽn ya wʋsgã yĩnga.

A Zʋʋde 1:7

Woto me, Sodom la Gomoor la tẽms nins sẽn pẽ bãmbã sẽn maan yoob a woto n bao gãag buud sẽn ka segdã, b sɩbga bãmb ne bugum sẽn ka kiida tɩ b yɩ mamsg neb a taab yĩnga.

Bʋ-kaoodba 19:22

Dẽ, wakat ning bãmb sẽn maand sũ-noogã, ade, nin-yood n yi tẽnga pʋgẽ n wa gũbg nin-kẽemã yirã. Nin-bãmb dag n pãbda kʋɩlengã, la b yet nin-kẽemã sẽn yaa yirã soabã yaa: «Yiis rao ning sẽn kẽ fo roogẽ wã n kõ tõnd tɩ d gãand-a.»