Sɩngrẽ 18:10 - WẼNNAAM SEBRE 2014

¹⁰ La raop a tãabã ned a yembr yeela a Abrahaam yaa: «Ade, vẽer woto wẽnde, mam na n lebg n waa fo nengẽ, la rẽ tɩ fo pag a Saara roga bi-ribla.» Wakat-kãng t'a Saara rag n bee bãmb poorẽ, fu-roogã noor n yas n kelgdẽ.

SEBR SÕNGO

¹⁰ Sãan a ye yeelame: «M na n lɛɛg n waa vẽer zĩ-lik paalle la ade, f pag a Sara na n paama biiga.» Mik a Sara ra bee yẽ poorẽ bala, a roog noore.

Sɩngrẽ 18:10 Iomraidhean Croise

Sɩngrẽ 16:10

Malɛɛkã leb n yeel-a-lame: «Mam na n kɩtame tɩ fo yagensã yɩ wʋsgo, la b na yɩɩ wʋsg tɩ ned ka tõe n sõd-b n sɛ ye.»

Sɩngrẽ 17:16

Mam na n ninga a Saara barka, n kɩt t'a rog fo bi-ribla. Mam na n ning-a-la bark n kɩt tɩ buud wʋsg yi yẽnda pʋgẽ. Rĩm-dãmb ne buud wʋsg na n yii yẽnda pʋgẽ.»

Sɩngrẽ 17:19

La Wẽnnaam yeela a Abrahaam yaa: «Ka na n yɩ woto ye! Yaa fo pag a Saara n na n dog bi-ribl n kõ-fo, tɩ f pʋd a yʋʋr t'a Izake, sẽn dat n togs t'a ‹laado›, la mam na n vigla m kaoolã ne yẽnda, la yaa wakat sẽn kõn sa yĩnga. La yaa yẽnda ne a yagensã yĩnga.

Sɩngrẽ 17:21

La sẽn kẽed ne mam kaoolã wɛɛngẽ, yaa ne a Izak sẽn yaa bi-ribl ning fo pag a Saara sẽn na n dog vẽer woto wẽndã la m na n vigl-a.»

Sɩngrẽ 18:9

Dẽ, bãmb soka a Abrahaam yaa: «Fo pag a Saara bee yɛɛnẽ?» T'a leok t'a Saara bee fu-roogã pʋga.

Sɩngrẽ 21:1

Sẽn-Ka-Saab tẽega a Saara yell wa bãmb sẽn dag n yeelã, la Sẽn-Ka-Saab maana wa bãmb sẽn dag n goma.

Sɩngrẽ 21:2

A Saara rɩka pʋg n dog a Abrahaam bi-ribl a kʋʋlem wakate, wa sẽn zems wakat ning Wẽnnaam sẽn dag n togs yẽnda wã.

A Luk Sõng 1:13

Malɛɛkã yeela yẽnda yaa: Zakari, da zoe rabeem ye, bala, Wẽnnaam leoka fo pʋʋsgo. Fo pag a Elizabɛt na n doga bi-ribl n kõ-fo. La fo na n pʋda a yʋʋr t'a Zã.

Galat Rãmba 4:23

Yaa ne ninsaal datem la b rog yem-poakã biigã, la b roga burkĩn-poakã biig wa sẽn zems Wẽnnaam sẽn kãabã.

Galat Rãmba 4:28

La yãmba, m ba-biisi, yãmb yaa kãabg kamb wa a Izake.