Sɩngrẽ 17:1 - WẼNNAAM SEBRE 2014

¹ A Abram sẽn wa n tar yʋʋm pis-wɛ la a wɛ, Sẽn-Ka-Saab puka b meng ne yẽnda, n yeel-a yaa: «Mam yaa Wẽnnaam Sẽn-Tõe-Fãa! Bɩ f tũ maam ne burkĩndi.

SEBR SÕNGO

¹ A Abram yʋʋm sẽn waa n dabd pis-wɛ la a wɛ, Soaala lik-a lame n yeel-a: «Yaa maam la Pãng-Soaba, Wẽnde, kẽn m taoore, yɩ sõng zãnga.

Sɩngrẽ 17:1 Iomraidhean Croise

Sɩngrẽ 12:1

Sẽn-Ka-Saab yeela a Abram yaa: «Yi n loog n bas f tẽngã, ne f ba-yirã, la f buudã n kẽng tẽng ning mam sẽn na n wilg foomã.

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 16:16

A Agaar sẽn wa n dog a Abram biig a Ismayɛllã, t'a Abram dag n tara yʋʋm pis-nii la a yoobe.

Sɩngrẽ 18:1

Sẽn-Ka-Saab puka b meng ne a Abrahaam Mamre tɩɩsã zĩigẽ, wakat ning yẽnda sẽn wa n zĩ a fu-roogã noor tʋʋlg wakatã.

Sɩngrẽ 18:14

Rẽ yĩnga, bũmb bee Sẽn-Ka-Saab sẽn ka tõe n maan sɩda? Vẽer woto wẽnde, mam na n lebg n waa fo nengẽ, la rẽ t'a Saara paama bi-ribla.»

Sɩngrẽ 24:40

Mam soaalã yeelame: «Mam sẽn tũud Sẽn-Ka-Saab sẽn yaa soab ning mam sẽn tũudã na n tʋma b malɛɛk t'a yãag foom n kɩt tɩ f kẽndã yɩ neere. Bao pag mam ba-yirã, mam buudã sʋka, n wa kõ mam biigã.

Sɩngrẽ 26:2

La Sẽn-Ka-Saab puka a meng ne a Izak n yeel-a yaa: «Ra kẽng Ezɩpt ye, pa tẽng ning mam sẽn na n wilg foomã pʋga.

Sɩngrẽ 28:3

Bɩ Pãng-Soab a Wẽnnaam ning f zug barka, la b kõ-f rogem, n kɩt tɩ f fɩɩge, n lebg buud wʋsgo!

Sɩngrẽ 35:11

Wẽnnaam yeela a Zakoob yaa: «Mam yaa Pãng-Soab a Wẽnnaam. Bɩ f paam dogem n fɩɩg n lebg wʋsgo, fo na n yɩɩ bu-kãsenga, la buud wʋsg na n yii fo pʋgẽ. La rĩm-dãmb na n yii fo pʋgẽ.

Sɩngrẽ 43:14

Bɩ Pãng-Soab a Wẽnnaam kɩt tɩ raoã zoe yãmb nimbãaneg n bas tɩ yãmb ba-biig a yembrã ne a Benzame tũ yãmb n wa. La sã n mikame tɩ mam na n konga m kambã, bɩ kong-ba!»

Sɩngrẽ 46:3

La Wẽnnaam yeel-a lame: «Mam yaa Wẽnnaam sẽn yaa fo ba wã Wẽnnaam. Ra zoe rabeem tɩ kẽng Ezɩpt ye. Bala, yaa beenẽ la mam na n kɩt tɩ fo lebg bu-kãseng ba.

Sɩngrẽ 48:15

A Zakoob ninga a Zozɛf zug bark n yeele: «Bɩ Wẽnnaam ning mam yaab a Abrahaam ne m ba a Izak sẽn dag n tũudã, soab ning sẽn yɩ-a mam pe-kɩɩm hal m dogmã daar n tãag rũndã wã,

Sɩngrẽ 48:3

A Zakoob yeela a Zozɛf yaa: «Pãng-Soab a Wẽnnaam vẽnega b meng ne maam Luuzi, Kana tẽnga pʋga, la b ninga maam barka.

Sɩngrẽ 5:22

A Matusela rogmã zugẽ, a Enok tũu Wẽnnaam yʋʋm kobs-tã, la a roga kom-dibli la kom-pugli.

Sɩngrẽ 5:24

A Enok tũu Wẽnnaam, la a wa n ka beẽ ye. Bala, Wẽnnaam zẽk-a lame n looge.

Sɩngrẽ 6:9

A Nowe yagensã la woto. A Nowe zamaanã neb fãa sʋka, yẽnda rag n yaa nin-tɩrga, n yaa burkĩna. A Nowe rag n tũuda Wẽnnaam.

1 Rĩm-dãmbã 2:4

La Sẽn-Ka-Saab na n pidsa kãabg ning b sẽn dag n kãab maamã. Bãmb kãaba maam n yeele: ‹Fo yagensã sã n gũus ne b yel-manesmã, la b sak maam ne b sũyã fãa, fo roogã kõn tol n kong ned sẽn na n deeg naamã n soog Israyɛll nebã ye.›

1 Rĩm-dãmbã 3:6

La rĩm a Salmo leokame yaa: «Yãmb maana m ba a Davɩɩd sẽn yaa y tʋmtʋmdã neer wʋsgo, bala bãmb dag n tũuda yãmb ne sɩda la tɩrlem, la ne pʋ-peelem. Yãmb maana bãmb neer wʋsg n kɩt tɩ b biig led bãmb zĩigẽ, n zaoond b geerã n dɩt naam dũndã.

1 Rĩm-dãmbã 8:25

Moasã, Sẽn-Ka-Saab sẽn yaa Israyɛll Wẽnnaam, bɩ y maan wa yãmb sẽn dag n yeel m ba a Davɩɩd sẽn dag n yaa yãmb tʋmtʋmdã. Yãmb dag n yeelame: ‹Fo yagensã sã n gũus ne b yel-manesmã, la b tũ maam wa fo sẽn tũ maamã, ned ka na n kong bãmb sʋkã sẽn na n led fo zĩigẽ n dɩ naamã Israyɛll ye.›

2 Rĩm-dãmba 20:3

«Sẽn-Ka-Saabo, m kotame tɩ y tẽeg m yelle, m kotame tɩ y tẽeg tɩ mam dag n tũuda yãmb ne sɩda la ne m sũur fãa, la mam maana sẽn noom yãmba!» La a Ezekɩyaas yãba nintãm wʋsgo.

A. Zoobe 1:1

Rao a yembr n dag n be Uts tẽngã pʋga, t'a yʋʋr boondẽ t'a Zoobe. Rao-kãng yaa burkĩna, n yaa nin-tɩrga. Yẽnda rag n zoeta Wẽnnaam, la a zãagd a meng ne wẽng maanego.

A. Zoobe 11:7

Fo tõe n bãnga Wẽnnaam sẽn tagsde, f tõe n bãnga Pãng-Soabã zems-zãngã sẽn taẽ?

Yɩɩn‑sõamyã 115:3

Tõnd Wẽnnaamã bee saasẽ, n maand b yam sẽn date.

Yɩɩn‑sõamyã 116:9

Mam na n kẽna Sẽn-Ka-Saab taoor dũniyã zugu, nin-vɩɩsã sʋka.

Yɩɩn‑sõamyã 25:14

Sẽn-Ka-Saab vẽnegda b yel-solgdsã ne neb nins sẽn zoet bãmbã. Sẽn-Ka-Saab kɩtdame tɩ nin-bãmb bãng bãmb kaoolã.

Yikri 6:3

Mam vẽnega m meng ne a Abrahaam la a Izak ne a Zakoob n wilg bãmb tɩ mam yaa Pãng-Soab a Wẽnnaam. La mam ka kɩt tɩ bãmb bãng tɩ mam yʋʋr la Sẽn-Ka-Saab ye.

Yelbũna 10:9

Sẽn kẽnd-a ne burkĩnd vɩɩ ne bãane, la ned sã n dɩkd so-wẽnga, yẽnda soab yɛlã na n wa pukame.

A Ezayi 38:3

Yẽnda pʋʋsame n yeele: «Sẽn-Ka-Saabo, m kotame tɩ y tẽeg m yelle, m kotame tɩ y tẽeg tɩ mam dag n tũuda yãmb ne sɩda la ne m sũur fãa, la mam maana sẽn noom yãmba!» La a Ezekɩyaas yãba nintãm wʋsgo.

Zeremi 32:17

«Wẽnnaam Sẽn-Ka-Saabo, yãmb n tẽeg y nug n naan yĩngr la tẽng ne y pãn-kãsengã. Bũmb ka be yãmb sẽn ka tõe ye.

A Miise 6:8

Ninsaala, b kɩtame tɩ fo bãng sẽn yaa sõamã, Sẽn-Ka-Saab sẽn dat tɩ f maan bũmb ning bala, yaa tɩ f maan sẽn yaa tɩrga, la f nong maan-neere, la f kẽn ne f Wẽnnaamã ne sik-m-menga.

Sõadga 11:23

Sẽn-Ka-Saab leoka a Moyiis yaa: «Dẽ yĩngã, mam ka tar pãng tɩ sek sɩda? Ade, moasã la fo na n yãnd gomd ning mam sẽn yeel foomã sã n na n paama pidsgu, wall a sã n ka na n paam pidsgu.»

Sõadga 24:16

Ad ned ning sẽn wʋmd-a Wẽnnaam goamã sẽn yeta. Yaa ned ning sẽn tar-a Saasẽ-Pãng-Soab bãngrã koɛɛga. Soab ning sẽn wõgemded n waoogd Pãng-Soabã, la nin sẽn puk-a wã goamã.

A Matiye Sõng 19:26

A Zeezi ges-b lame n yeel-ba: «Ne ninsaala bõn-kãng ka tõe ye, la Wẽnnaam tõe bũmb fãa.»

A Matiye Sõng 5:48

Dẽ yĩnga, bɩ yãmb yɩ neb sẽn zems zãnga, a wa yãmb ba sẽn be arzãnã sẽn zems zãngã.

A Luk Sõng 1:6

Bãmb b yiibã fãa dag n yaa nin-tɩrs Wẽnnaam nifẽ, la b da sakda Zu-soabã tõodã la b noyã fãa sõama.

Tʋʋma 23:1

A Poll gesa kaoreng yɛl-bʋ-bʋʋdbã n yeel yaa: M saam-biisi, mam kẽna Wẽnnaam taoor ne sũur kaset sẽn yaa sõama hal tɩ ta rũndã.

Tʋʋma 24:16

Yaa woto yĩnga, tɩ mam me maood n dat n paam sũur kaset sẽn yaa sõama Wẽnnaam la ninsaalb taoor daar fãa.

Efɛɛz Rãmba 3:20

Bɩ soab ning sẽn tõe n tall-a pãng ning sẽn be tõnd pʋgẽ n tʋmdẽ wã n maan hal wʋsg n yɩɩg tõnd sẽn kot fãa, wall d sẽn tagsd fãa wã

Yaoolem 10:17

Bala, Sẽn-Ka-Saab sẽn yaa yãmb Wẽnnaamã yaa wẽnnaam-dãmbã Wẽnnaam, la zu-sob-n-dãmbã Zu-soaba. Bãmb yaa kãsenga, n tar pãnga. Bãmb zemsa zoeese. Bãmb ka tũusd ned ye, la b ka reegd kũun n maan wẽng ye.

Yaoolem 18:13

Bɩ y yɩ neb sẽn zems zãng Sẽn-Ka-Saab sẽn yaa yãmb Wẽnnaamã nifẽ.»

Yaoolem 30:20

la y nong Sẽn-Ka-Saab sẽn yaa yãmb Wẽnnaamã, n sak bãmb koɛɛgã n loe y sũurã ne bãmba. Yaa bãmb n kõt yãmb vɩɩm la yõ-woko, sẽn na yɩl tɩ yãmb tõe n zĩnd tẽng ning Sẽn-Ka-Saab sẽn yaa yãmb Wẽnnaamã sẽn dag n wẽen n yeel y yaab-rãmb a Abrahaam ne a Izaak la a Zakoob tɩ b na n kõo bãmbã.

Filip rãmba 4:13

Kiris sẽn kõt maam b pãngã yĩnga, mam tõe n maana fãa.

Ebre rãmba 12:28

Rẽndã n kɩt tɩ tõnd sẽn na n paam soolem sẽn ka tõe n vigsã, bɩ d yɩ neb sẽn mi d zaamẽ, n maan kaoreng sẽn noom Wẽnnaam sũuri, ne Wẽnnaam sakre la ne rabeem.

Ebre rãmba 7:25

Dẽ me n kɩt tɩ bãmb tõe n fãag neb nins sẽn tũnugd bãmb n kolgd Wẽnnaamã hal sõama, bala bãmb vɩɩ wakat fãa n yõkd sɛɛg b yĩnga.