Sɩngrẽ 16:11 - WẼNNAAM SEBRE 2014

¹¹ Sẽn-Ka-Saab malɛɛkã yeel-a lame: «Ade, fo tʋtame! Fo na n doga bi-ribla. La fo na n pʋda a yʋʋr t'a Ismayɛlle. Bala, Sẽn-Ka-Saab wʋma fo koɛɛgã, f paoogrã pʋga.

SEBR SÕNGO

¹¹ Gese, fo tʋtame, f na n doga bi-ribla; f na n pʋda a yʋʋr a Ismayɛl, tɩ f pɛta pʋgẽ, Soaala wʋma f kɛlenga.

Sɩngrẽ 16:11 Iomraidhean Croise

Sɩngrẽ 17:19

La Wẽnnaam yeela a Abrahaam yaa: «Ka na n yɩ woto ye! Yaa fo pag a Saara n na n dog bi-ribl n kõ-fo, tɩ f pʋd a yʋʋr t'a Izake, sẽn dat n togs t'a ‹laado›, la mam na n vigla m kaoolã ne yẽnda, la yaa wakat sẽn kõn sa yĩnga. La yaa yẽnda ne a yagensã yĩnga.

Sɩngrẽ 21:17

Wẽnnaam wʋma bi-riblã koɛɛga. La Wẽnnaam malɛɛk zĩnda yĩngr n bool a Agaar n yeel-a yaa: «Agaare, yaa bõe n tar foom? Da zoe rabeem ye, tɩ bala, Wẽnnaam wʋma bi-riblã koɛɛgã a sẽn beẽ wã.

Sɩngrẽ 37:25

Dẽ poore, bãmb zĩndame n na n dɩ b rɩɩbo. Bãmb sẽn zẽk n gese, b yãnda Ismayɛll buudã neb sẽn yi Galaad n tũud taab wʋsg n watẽ. Bãmb yʋgma wã rag n zɩlga tɩdare, ne kaam sẽn tar yũ-noogo, la wisdu, n tar n dabd Ezɩpt tẽnga.

A. Zoobe 38:41

Gãabdã sẽn mi n sãeeg tɩ kom tar-b tɩ b yãbd n boond Wẽnnaamã, yaa ãndã n kõt-b rɩɩbo?»

Yɩɩn‑sõamyã 22:24

Yãmb dãmb sẽn zoet Sẽn-Ka-Saabo, pẽg-y bãmba! Yãmb fãa sẽn yaa a Zakoob yagense, waoog-y bãmba! Yãmb fãa sẽn yaa a Israyɛll yagense, rig-y bãmb taoore.

Yikri 3:7

Sẽn-Ka-Saab yeelame yaa: «Sɩdã, mam yãnda m nebã sẽn be Ezɩptã namsgã. Mam wʋma bãmb kelemsã, tʋʋm-soaadbã sẽn namsd bãmb tɩ b kelemdẽ wã. N-yẽe! Mam mii toog ning sẽn tar bãmbã.

Yikri 3:9

Moasã, Israyɛll nebã kelems taa maam. La sẽn paas me, mam yãnda namsg ning Ezɩpt nebã sẽn namsd bãmbã.

A Ezayi 7:14

Rẽ kɩtame tɩ Zu-soabã meng na n kõ yãmb bãnde. Ade, pa-kuil na n dɩka pʋga, n dog bi-ribla, n pʋd a yʋʋr t'a Emanuwɛlle, sẽn dat n togs tɩ ‹Wẽnd-be-ne-do.›

A Luk Sõng 1:13

Malɛɛkã yeela yẽnda yaa: Zakari, da zoe rabeem ye, bala, Wẽnnaam leoka fo pʋʋsgo. Fo pag a Elizabɛt na n doga bi-ribl n kõ-fo. La fo na n pʋda a yʋʋr t'a Zã.

A Luk Sõng 1:31

Gese, fo na n dɩka pʋga, n dog bi-ribla, la f na n pʋda a yʋʋr t'a Zeezi.

A Luk Sõng 1:63

A Zakari kosa walga, n gʋls tɩ biigã yʋʋr la a Zã. La nebã fãa yɛɛsame.

1 Sãmwɛlle 1:20

Dẽ, yʋʋmdã sẽn wa n na n sɛ, tɩ yẽnda tara pʋga, la a roga bi-ribla. Yẽnda pʋda biigã yʋʋr t'a Sãmwɛlle, bala, yẽnda kos-a-la Sẽn-Ka-Saabo.