Sɩngrẽ 15:5 - WẼNNAAM SEBRE 2014

⁵ Sẽn-Ka-Saab peega a Abram n yi yɩng n yeel-a yaa: «Ade, ges sa-gãongã, la f sõd ãdsã n ges fo tõe n bãnga b sõore.» La b paasame n yeele: «Fo yagensã sõor na n yɩ a woto.»

SEBR SÕNGO

⁵ Soaala-Wẽnd talla a Abram n yi yɩnga n yeel-a: «Ges yĩngri, la f sã n tõe bɩ f sõd ãdsã; ade, f buuda neb na n yɩɩ kõn bãng n sõde.»

Sɩngrẽ 15:5 Iomraidhean Croise

Sɩngrẽ 12:2

Mam na n kɩtame tɩ fo lebg buud wʋsg ba, la m na n ning-f-la barka. Mam na n kɩtame tɩ f yʋʋrã yi, la m kɩt tɩ fo yɩ bark sore.

Sɩngrẽ 13:16

Mam na n kɩtame tɩ fo yagensã yɩ wʋsg wa tẽng tom. Ned sã n tõog n sõd tẽngã tomã sõore, a na n tõog n sõda fo yagensã me sõore.

Sɩngrẽ 16:10

Malɛɛkã leb n yeel-a-lame: «Mam na n kɩtame tɩ fo yagensã yɩ wʋsgo, la b na yɩɩ wʋsg tɩ ned ka tõe n sõd-b n sɛ ye.»

Sɩngrẽ 17:2

Mam na n maana m kaoolã ne foom, la mam na n kɩtame tɩ f yagensã fɩɩg n hal wʋsgo.»

Sɩngrẽ 22:17

mam na n ninga foom bark hal wʋsgo, la m na n kɩtame tɩ fo yagensã fɩɩge, n lebg wa ãdsã sẽn be yĩngrã, la wa bĩisrã sẽn be ko-kãsengã noorã. Fo yagensã na n deega b bɛɛbã tẽms n sooge.

Sɩngrẽ 26:4

Mam na n kɩtame tɩ fo yagensã fɩɩge n lebg wʋsg wa yĩngr ãdse. Mam na n kõo fo yagensã tẽn-bãmbã fãa. La dũniyã nebã fãa na n paama bark fo yagensã zug maasem yĩnga.

Sɩngrẽ 28:14

Fo yagensã sõor na n yɩɩ wʋsg wa tẽng tom. Fo yagensã na n saag n pida poorẽ la taoore, ne goabg la rɩtgo. Dũniyã nebã fãa na n paama bark foom ne f yagensã zug maasem yĩnga.

Sɩngrẽ 32:13

Yãmb yaool n yeela maam tɩ: ‹Mam na n maan-f-la neere, n kɩt tɩ f yagensã lebg wʋsg wa ko-kãsengã noor bĩisrã, tɩ b ka tõe n sõd n sɛ ye.› »

1 Rĩm-dãmbã 3:8

Rẽ wã, yãmb tʋmtʋmdã bee yãmb nebã y sẽn yãkã sʋka. La b yaa wʋsgo, tɩ ned ka tõe n bãng b sõore, wall a sõd-b n sɛ ye.

1 Kibayã 27:23

A Davɩɩd ka kɩt tɩ b sõd neb nins sẽn dag n tar yʋʋm pisi la sẽn yɩɩd woto wã ye. Bala, Sẽn-Ka-Saab rag n yeelame tɩ b na n kɩtame tɩ Israyɛll buudã fɩɩg n lebg wʋsg wa yĩngr ãdsã.

A Neemi 9:23

Yãmb kɩtame tɩ b kambã fɩɩge, n lebg wʋsg wa ãdsã sẽn be yĩngrã, la yãmb kɩtame tɩ b kẽ tẽng ning yãmb sẽn dag n wẽen n yeel tɩ b yaab-rãmbã na n tɩ reeg n soogame wã pʋgẽ.

A. Zoobe 35:5

Nak yĩngr n ges sawatã: bãmb lugame n be fo zugẽ.

Yɩɩn‑sõamyã 147:4

Sẽn-Ka-Saab tara ãdsã sõore, la b mii ãdg fãa ne a yʋʋre.

Yikri 32:13

Tẽeg-y yãmb tʋmtʋmdb a Abrahaam ne a Izak la a Israyɛll yãmb sẽn dag n wẽen ne bãmb ne yãmb meng yʋʋr n yeel tɩ: Mam na n kɩtame tɩ yãmb yagensã fɩɩg n lebg wʋsg wa ãds sẽn be yĩngrã. Mam na n kõo yãmb yagensã tẽng ning mam sẽn dag n gom a yellã n yeel t'a na n yɩɩ bãmb pʋɩɩr wakat sẽn ka sɛtã.»

A Ezayi 51:2

Wẽnemd-y n ges-y yãmb ba a Abrahaam, la y wẽnemd n ges y ma a Saara. Bala, mam boola yẽnda wakat ninga yẽnda sẽn dag n yaa a yembrã, la mam ning-a-la bark n kɩt t'a fɩɩge.

Zeremi 33:22

Mam na n kɩtame tɩ m tʋmtʋmd a Davɩɩd yagensã ne Leevi buudã sẽn maand maan-kʋʋr tʋʋmdã lebg wʋsgo. Bãmb na n lebga wʋsg wa ãdsã sẽn be saasẽ tɩ ned ka tõe n bãng b sõorã, la wa bĩisrã sẽn be ko-kãsengã noorã.

Rom Dãmba 4:18

A Abrahaam maana tẽeb ne bũmb ned sẽn ka tõe n tẽ, b tẽeme n lebg soolem wʋsg ba wa Wẽnnaam sẽn dag n yeelã: Fo yagensã na n yɩɩ a woto.

Yaoolem 1:10

Bala, Sẽn-Ka-Saab sẽn yaa yãmb Wẽnnaamã kɩtame tɩ yãmb fɩɩg n lebg wʋsgo. Rũndã, yãmb yaa wʋsg wa ãdsã sẽn be saasẽ wã.

Yaoolem 10:22

Yãmb yaab-rãmbã sẽn wa n na n kẽng Ezɩptã tɩ b sõorã rag n yaa pis-yopoe. La moasã, Sẽn-Ka-Saab sẽn yaa yãmb Wẽnnaamã kɩtame tɩ y lebg wʋsg wa yĩngr ãdse.

Ebre rãmba 11:12

Dẽ n kɩt tɩ ned a yembr pʋgẽ, dao a yembr sẽn da zoe n yaa kũum, yagens wʋsg n yi be, tɩ b sõorã ta ãdsã sẽn be yĩngrã, la bĩisrã sẽn be ko-kãsengã noor tɩ ned ka tõe n sõd n sa wã.

Zozuwe 24:3

La mam yãka yãmb yaab a Abrahaam Efrat kʋɩlgã rʋʋnde, n kɩt t'a saag Kana tẽngã fãa. Mam kɩtame t'a yagensã yɩ wʋsgo, n kõ yẽnda a Izake.