Sɩngrẽ 15:2 - WẼNNAAM SEBRE 2014

² La a Abram leokame: «Mam Zu-soab a Sẽn-Ka-Saabo, yãmb na n kõo maam bõe? Mam na n loogame n ka paam biig ye. La ned ning sẽn na n yõd n soog-a mam zakã, yaa Damaas rao a Eliyezɛɛr sẽn yaa mam tʋmtʋmdã.»

SEBR SÕNGO

² T'a Abram soke: «Bõe la y na n kõ-ma, Soaala-Wẽnnaam, tɩ m kʋʋndẽ n dabda n ket n nan ka rog biiga?

Sɩngrẽ 15:2 Iomraidhean Croise

Sɩngrẽ 14:15

A Abram welga a nebã n na n zab ne-b ne yʋngo. La yaa yẽnda ne a tʋmtʋmdbã. La a Abram dãmb tõog-b lame n dig-b hal n tãag Hoba sẽn be Damaas tẽngã nug-goabgã.

Sɩngrẽ 15:1

Bõn-kãensã loogr zugẽ, Sẽn-Ka-Saab goma ne a Abram vẽnegr pʋgẽ n yeele: «Abram, da zoe rabeem ye! Mam meng n yaa fo gãongo, la fo keoor na n yɩɩ kãseng wʋsgo.»

Sɩngrẽ 15:3

A Abram leb n yeelame: «Yãmb ka kõ maam biig ye, rẽ kɩtame tɩ mam zakẽ rakõor n na n yõd n soog mam paoongã.»

Sɩngrẽ 24:10

Tʋmtʋmdã yãka a soaal a Abrahaam yʋgma piiga, ne a soaalã bõn-sõama fãa, la a loogame. Tʋmtʋmdã yikame n kẽng n ta Mezopotami tẽngã n ta a Nakoor tẽngã.

Sɩngrẽ 24:2

A Abrahaam yeela a zakã tʋmtʋmd ning sẽn yaa kãsem n kaoos yẽnda zakẽ wã, n dag n get yẽnda laogã fãa yellã yaa: «Tik mam gerã,

Sɩngrẽ 25:21

A Izak pʋʋs n kosa Sẽn-Ka-Saabo, a pag a Rebeka yĩnga. Bala, a rag n ka tar dogem ye. La Sẽn-Ka-Saab wʋma a kosgã. La a Izak pag a Rebeka rɩka pʋga.

Sɩngrẽ 39:9

Ned ka be zakẽ ka, n yaa nin-kãseng n yɩɩd maam ye. La m soaalã ka gɩdg maam ne bũmb baa a yembre, sã n ka foom bala. Bala fo yaa bãmb paga. Rẽ wã, mam na n yɩɩ a wãn n maan yel-be-kẽen-kãngã n beeg Wẽnnaam?»

Sɩngrẽ 43:19

Dẽ, bãmb kolg a Zozɛf zakã naab sẽn yas zakã noorã n gom ne-a.

Sɩngrẽ 44:1

A Zozɛf kõ a zakã naab noor n yeel yaa: «Bao kood n pids nin-bãmbã yondã, n zems b sẽn tõe n zɩ n looge, la f rɩk ned kam fãa ligd n ning a yolgẽ.

Yɩɩn‑sõamyã 127:3

Kamb yaa Sẽn-Ka-Saab kũuni, b yaa keoor Sẽn-Ka-Saab sẽn kõte.

Yelbũna 13:12

Tẽeb sã n viig daare, a wata ne sũ-sãanga, la ratem sẽn paam pidsg yaa wa vɩɩm tɩɩga.

Yelbũna 17:2

Tʋmtʋmd sẽn tar yam, na n sooga biig sẽn ningd a ba yãnde, la yẽnda na n lagma kambã n paam dogem pʋɩɩre.

A Ezayi 17:1

Sɩbgr koɛɛg Damaas yĩnga. Damaas ka na n leb n yɩ tẽng ye, a na n lebga tom-dʋre.

A Ezayi 56:5

mam na n kõo bãmb kug-vigindg ne yʋʋr sẽn yaa sõama n yɩɩd kom-dibli la kom-pugli mam doogẽ wã, la mam zakẽ wã. Mam na n kõo bãmb yʋʋr wakat sẽn ka sɛt yĩnga, la a kõn tol n menem ye.

Zeremi 49:23

Koɛɛg Damaas wɛɛngẽ. Yãnd tara Hamat ne Arpaad nebã, bala b wʋma koe-beedo, tɩ b gĩin maage. B yaa wa ko-kãsengã koom sẽn lengde, n ka leb n tõe n yals sɩɩ ye.

Tʋʋma 7:5

La Wẽnnaam ka kõ a Abrahaam zĩig ba sẽn sekd naoor rɩglg tɩ yɩ a pʋɩɩr tẽn‑kãngã pʋgẽ ye. La Wẽnnaam kãabame tɩ b na n kõo bãmb ne b yagensã tẽngã tɩ b soog-a, a Abrahaam loogr poore. La rẽ t'a Abrahaam nan ka tar biig ye. Wẽnnaam da gomame n yeel a Abrahaam a woto:

A Ruti 2:6

Dẽ, tigsdbã taoor soab leokame: «Yaa Moaab bi-pugla. Yẽnda tũ a Naoomi n yi Moaab tẽng n wa.

1 Sãmwɛlle 1:11

Yẽnda pʋlma Sẽn-Ka-Saab n yeele: «Saasẽ-Pãng-Soaba, yãmb sã n zoe mam sẽn yaa y tʋmtʋmd-poakã nimbãanega, n tẽeg m yelle, n ka yĩm m yelle, la y sã n kõ-m bi-ribla, mam na n dɩk-a lame n kõ yãmb a Sẽn-Ka-Saab a yõor tɛka, la barg kõn tol n tik a zug ye.»