Sɩngrẽ 13:2 - WẼNNAAM SEBRE 2014

² A Abram rag n yaa arzɛg-kẽeng soaba. A rag n tara rũms ne wanzuri la sãnem wʋsgo.

SEBR SÕNGO

² A ra yaa rakãagre n tar bãga la wuba la wanzurf la sãnem.

Sɩngrẽ 13:2 Iomraidhean Croise

Sɩngrẽ 12:16

La b gesa a Abram yell neere, a Sarayi zug maasem yĩnga. Dẽ, bãmb kõo a Abram rũm-bãooneg ne rũm-bɛda. Bõense, ne yem-daoodo, la yem-pogse, ne bõn-yãanse la yʋgma.

Sɩngrẽ 13:6

Tẽngã rag n yaa bilf n ka sekd bãmb b yiibã ye. Bala, bãmb b yiibã arzegsã rag n yaa wʋsg tɩ b ka leb n tõe n zĩnd ne taab ye.

Sɩngrẽ 24:1

A Abrahaam dag n kʋʋlame n tar yʋʋm wʋsgo. La Sẽn-Ka-Saab ning-a-la bark bũmbã fãa pʋgẽ.

Sɩngrẽ 24:35

Sẽn-Ka-Saab ninga mam soaal a Abrahaam bark wʋsgo. Bãmb lebga nin-kãsenga. Sẽn-Ka-Saab kõo mam soaal a Abrahaam rũm-bɛd ne rũm-bãoonego, la wanzuri ne sãnem, la b kõ-b yem-daad ne yem-pogse, la yʋgma ne bõense.

Sɩngrẽ 26:14

A Izak rag n tara rũm-bãoonego, la rũm-bɛd wʋsgo, la a tar tʋmtʋmdb wʋsgo. Woto kɩtame tɩ Filistẽ-dãmbã maan sũ-kiir ne a Izak paoongã.

Sɩngrẽ 30:43

Woto, rao a Zakoob rag n lebgda rakãag-kẽenga. Yẽnda paama rũms wʋsgo, ne yem-pogse, la yem-daado, ne yʋgma, la bõense.

A. Zoobe 1:10

Yãmb wẽe yãgr n gũbg-a, yẽnda ne a zakã, la ne a sẽn so wã fãa. Yãmb ninga a nus tʋʋmã barka, la a rũmsã fɩɩgdame n pit tẽngã.

A. Zoobe 1:3

A rag n tara piis tus a yopoe, ne yʋgma tus a tãabo, la niig tusri, ne bõn-yãans kobs-nu, la a tar tʋmtʋmdb hal wʋsgo. Yaang sẽnẽ nebã fãa sʋka, rao-kãng n dag n yaa nin-kãseng n yɩɩd a taabã.

Yelbũna 10:22

Yaa Sẽn-Ka-Saab barkã n wat ne arzɛka, tɩ yɩɩr ka naag ye.

A Matiye Sõng 6:33

Deng‑y n bao-y Wẽnnaam soolmã ne bãmb tɩrlmã, la b na n kõo yãmb bõn-kãens fãa n paase.

Yaoolem 8:18

Tẽeg-y Sẽn-Ka-Saab sẽn yaa yãmb Wẽnnaamã yelle. Bala, yaa bãmb n kõ yãmb pãng tɩ y paam arzɛka, n na n pids bãmb kaool ning b sẽn dag n wẽen ne y yaab-rãmbã wa b sẽn maand dũndã wã.

1 Tɩmote 4:8

Mao ne Wẽnnaam sakre. Bala, yĩngã modgr yõod yaa bilfu, la Wẽnnaam sakr bee yõod ne bũmb fãa. A tara vɩɩm ning sẽn be moasã wã kãabgo, la vɩɩm ning sẽn watã yĩnga.

1 Sãmwɛlle 2:7

Sẽn-Ka-Saab n tõe tɩ ned lebg naong soaba, la b tõe tɩ ned lebg arzɛk soaba. Bãmb n tõe n sik neda, bãmb n tõe n zẽk-a.