Sɩngrẽ 13:16 - WẼNNAAM SEBRE 2014

¹⁶ Mam na n kɩtame tɩ fo yagensã yɩ wʋsg wa tẽng tom. Ned sã n tõog n sõd tẽngã tomã sõore, a na n tõog n sõda fo yagensã me sõore.

SEBR SÕNGO

¹⁶ F buuda sõor na n paasa wʋsgo wala tẽng bĩisri. Ned ninga sẽn tõe n sõd tẽnga bĩisri, yẽ bal n wat n tõog n sõd f yagense.

Sɩngrẽ 13:16 Iomraidhean Croise

Sɩngrẽ 15:5

Sẽn-Ka-Saab peega a Abram n yi yɩng n yeel-a yaa: «Ade, ges sa-gãongã, la f sõd ãdsã n ges fo tõe n bãnga b sõore.» La b paasame n yeele: «Fo yagensã sõor na n yɩ a woto.»

Sɩngrẽ 16:10

Malɛɛkã leb n yeel-a-lame: «Mam na n kɩtame tɩ fo yagensã yɩ wʋsgo, la b na yɩɩ wʋsg tɩ ned ka tõe n sõd-b n sɛ ye.»

Sɩngrẽ 17:16

Mam na n ninga a Saara barka, n kɩt t'a rog fo bi-ribla. Mam na n ning-a-la bark n kɩt tɩ buud wʋsg yi yẽnda pʋgẽ. Rĩm-dãmb ne buud wʋsg na n yii yẽnda pʋgẽ.»

Sɩngrẽ 17:2

Mam na n maana m kaoolã ne foom, la mam na n kɩtame tɩ f yagensã fɩɩg n hal wʋsgo.»

Sɩngrẽ 17:20

La sẽn paas me, mam wʋma fo sẽn kos bũmb ning a Ismayɛll wɛɛngẽ wã. Mam na n ning-a-la barka, n kɩt t'a rog kamba, n fɩɩg n yɩ wʋsgo. Nanams piig la a yiib n na n yi yẽnda pʋgẽ, la mam na n kɩtame t'a Ismayɛll yɩ bu-kãseng ba.

Sɩngrẽ 17:6

Mam na n kɩtame tɩ fo rog hal wʋsgo, la m na n kɩtame tɩ buud wʋsg yi fo pʋgẽ. La rĩm-dãmb na n yii fo pʋgẽ.

Sɩngrẽ 18:18

A Abrahaam na n lebga bu-kãseng sẽn tar pãnga. Yẽnda zug maasem yĩnga, mam na n ninga dũniyã nebã fãa barka.

Sɩngrẽ 21:13

Mam na n kɩtame me, tɩ fo yem-poakã biig yɩ bu-kãsenga, bala, yẽnda me yaa fo biiga.»

Sɩngrẽ 22:17

mam na n ninga foom bark hal wʋsgo, la m na n kɩtame tɩ fo yagensã fɩɩge, n lebg wa ãdsã sẽn be yĩngrã, la wa bĩisrã sẽn be ko-kãsengã noorã. Fo yagensã na n deega b bɛɛbã tẽms n sooge.

Sɩngrẽ 26:4

Mam na n kɩtame tɩ fo yagensã fɩɩge n lebg wʋsg wa yĩngr ãdse. Mam na n kõo fo yagensã tẽn-bãmbã fãa. La dũniyã nebã fãa na n paama bark fo yagensã zug maasem yĩnga.

Sɩngrẽ 28:14

Fo yagensã sõor na n yɩɩ wʋsg wa tẽng tom. Fo yagensã na n saag n pida poorẽ la taoore, ne goabg la rɩtgo. Dũniyã nebã fãa na n paama bark foom ne f yagensã zug maasem yĩnga.

Sɩngrẽ 28:3

Bɩ Pãng-Soab a Wẽnnaam ning f zug barka, la b kõ-f rogem, n kɩt tɩ f fɩɩge, n lebg buud wʋsgo!

Sɩngrẽ 32:12

Woto yĩngã, mam kot-y lame, tɩ y fãag maam m kẽem a Ezayu nugẽ! Bala, mam zoeta rabeem t'a na n wa kʋ maam ne m pagbã ne b kambã!

Sɩngrẽ 32:13

Yãmb yaool n yeela maam tɩ: ‹Mam na n maan-f-la neere, n kɩt tɩ f yagensã lebg wʋsg wa ko-kãsengã noor bĩisrã, tɩ b ka tõe n sõd n sɛ ye.› »

Sɩngrẽ 35:11

Wẽnnaam yeela a Zakoob yaa: «Mam yaa Pãng-Soab a Wẽnnaam. Bɩ f paam dogem n fɩɩg n lebg wʋsgo, fo na n yɩɩ bu-kãsenga, la buud wʋsg na n yii fo pʋgẽ. La rĩm-dãmb na n yii fo pʋgẽ.

Sɩngrẽ 46:3

La Wẽnnaam yeel-a lame: «Mam yaa Wẽnnaam sẽn yaa fo ba wã Wẽnnaam. Ra zoe rabeem tɩ kẽng Ezɩpt ye. Bala, yaa beenẽ la mam na n kɩt tɩ fo lebg bu-kãseng ba.

1 Rĩm-dãmbã 3:8

Rẽ wã, yãmb tʋmtʋmdã bee yãmb nebã y sẽn yãkã sʋka. La b yaa wʋsgo, tɩ ned ka tõe n bãng b sõore, wall a sõd-b n sɛ ye.

1 Rĩm-dãmbã 4:20

Zʋʋda ne Israyɛll nebã sõor dag n yaa wʋsg wa bĩisrã sẽn be ko-kãsengã noorã. Bãmb dag n dɩtame la b yũuda, la b maand sũ-noogo.

2 Rĩm-dãmba 13:23

La Sẽn-Ka-Saab zoee Israyɛll nebã nimbãanega, n maan-b neere. Kaool ning Sẽn-Ka-Saab sẽn dag n maan ne a Abrahaam la Izak ne a Zakoobã yĩnga, b ka tʋlg n na n sãam Israyɛll nebã ye. La hal tɩ ta rũndã, Sẽn-Ka-Saab ka rig-b tɩ b zãag ne bãmb me ye.

1 Kibayã 21:5

Dẽ, a Zoaab wilga a Davɩɩd nebã b sẽn sõdã sõore. Israyɛll soolmã fãa raop sẽn tõe n kẽng zabr yaa raop tus-kẽemd la tus koabga. La Zʋʋda raop sẽn tõe n kẽng zabr yaa raop tus kobs-naas la pis-yopoe.

1 Kibayã 27:23

A Davɩɩd ka kɩt tɩ b sõd neb nins sẽn dag n tar yʋʋm pisi la sẽn yɩɩd woto wã ye. Bala, Sẽn-Ka-Saab rag n yeelame tɩ b na n kɩtame tɩ Israyɛll buudã fɩɩg n lebg wʋsg wa yĩngr ãdsã.

2 Kibayã 1:9

La moasã, Wẽnnaam Sẽn-Ka-Saabo, bɩ gomd ning yãmb sẽn da gom ne m ba a Davɩɩdã paam pidsgu, bala, yãmb yãka maam tɩ m na n dɩ naam buud sẽn yaa wʋsg wa tẽng tom zugu.

A. Zoobe 5:25

Fo na n paama yagens wʋsgo, la fo pendã neb na n lebga wʋsg wa tẽn-gãongã zug moodo.

Yikri 1:7

La Israyɛll yagensã rogame n fɩɩg n pid tẽngã, la b pãngã rag n tara paasgo.

Yikri 32:13

Tẽeg-y yãmb tʋmtʋmdb a Abrahaam ne a Izak la a Israyɛll yãmb sẽn dag n wẽen ne bãmb ne yãmb meng yʋʋr n yeel tɩ: Mam na n kɩtame tɩ yãmb yagensã fɩɩg n lebg wʋsg wa ãds sẽn be yĩngrã. Mam na n kõo yãmb yagensã tẽng ning mam sẽn dag n gom a yellã n yeel t'a na n yɩɩ bãmb pʋɩɩr wakat sẽn ka sɛtã.»

Zeremi 33:22

Mam na n kɩtame tɩ m tʋmtʋmd a Davɩɩd yagensã ne Leevi buudã sẽn maand maan-kʋʋr tʋʋmdã lebg wʋsgo. Bãmb na n lebga wʋsg wa ãdsã sẽn be saasẽ tɩ ned ka tõe n bãng b sõorã, la wa bĩisrã sẽn be ko-kãsengã noorã.

Sõadga 23:10

Ãnda n tõe n sõd Israyɛll nebã n sɛ? Ãnda n tõe n bãng a Zakoob yagensã sõore? Bãmb yaa wʋsg n yɩɩd tẽng tom. Bɩ m kũumã yɩ wa nin-bãmbã sẽn yaa nin-tɩrsã kũum, La bɩ m baoosgã yɩ wa Israyɛll nebã baoosgo!»

Yaoolem 1:10

Bala, Sẽn-Ka-Saab sẽn yaa yãmb Wẽnnaamã kɩtame tɩ yãmb fɩɩg n lebg wʋsgo. Rũndã, yãmb yaa wʋsg wa ãdsã sẽn be saasẽ wã.

Ebre rãmba 11:12

Dẽ n kɩt tɩ ned a yembr pʋgẽ, dao a yembr sẽn da zoe n yaa kũum, yagens wʋsg n yi be, tɩ b sõorã ta ãdsã sẽn be yĩngrã, la bĩisrã sẽn be ko-kãsengã noor tɩ ned ka tõe n sõd n sa wã.

Vẽnegre 7:9

Dẽ poore, mam gesame, la mam yãnda neb kʋʋng ned sẽn ka tõe n sõd n sɛ ye. Bãmb yii soolem dãmbã fãa pʋse, buud toay-toayã fãa pʋse, tẽms toay-toayã fãa pʋse, la sẽn gomd goam buud toay-toayã. Bãmb dag n yera fu-peelse, la b zãad koms vãad b nusẽ n yas geerã taoore, la pe-bilã taoore.

Bʋ-kaoodba 6:3

Israyɛll nebã sã n dag n bʋd n sɛ, Madiyã-rãmbã ne Amalɛk-rãmbã ne neb nins sẽn yit-b yaangã wat n zabda ne-ba.

Bʋ-kaoodba 6:5

Sɩd me, nin-bãmb rag n kẽnda ne b rũmsã fãa, ne b fu-rotã, la b sã n kẽnd n watẽ, wẽnda wa sʋy sẽn yɛdg n pid tẽn-gãongã, la ned dag n ka tõe n bãng bãmb ne b yʋgma wã sõor ye. Bãmb sã n wa tẽngã pʋgẽ, b sãamd-a-la zãnga.