Sɩngrẽ 12:8 - WẼNNAAM SEBRE 2014

⁸ La yẽnda yika beenẽ n viig a fu-roogã, n kẽng tãmsã sẽn be Betɛll tẽngã yaanga. Yẽnda tɩ tilga a fu-roogã Betɛll ne Ayi sʋka, tɩ Betɛll be nin-taoor tɩ Ayi be yaanga. A Abram mee tẽn-kugr beenẽ Sẽn-Ka-Saab yĩnga, n pʋʋs ne Sẽn-Ka-Saab yʋʋre.

SEBR SÕNGO

⁸ A sẽn yi be, a dʋʋ tãng zugu, Betɛl tẽng yaanga; a tilga a roog be n get Betɛl nin-taoore, n get Ayi yaanga; a le mee maan-kugr a to Soaala waoogr yĩnga, b sɛɛg yõkr yĩnga.

Sɩngrẽ 12:8 Iomraidhean Croise

Sɩngrẽ 13:18

Dẽ, a Abram tilga a fu-rotã Mamre tɩɩsã sẽnẽ, n yegl Ebrõ n kẽ. La a Abram mee tẽn-kugr beenẽ Sẽn-Ka-Saab yĩnga.

Sɩngrẽ 13:3

Yẽnda yii Negɛɛv n kẽnd la a yalsd zĩig-zĩiga, hal n tɩ ta Betɛlle. Beenẽ yaa zĩig ning yẽnda sẽn dag n tilg a fu-roogã sɩngrẽ wã. Yaa Betɛll ne Ayi tẽngã sʋka,

Sɩngrẽ 13:4

zĩig ning yẽnda sẽn dag me tẽn-kugr sɩngrẽ wã. La a Abram pʋʋsa ne Sẽn-Ka-Saab yʋʋr beenẽ.

Sɩngrẽ 21:33

A Abrahaam sela tɩɩg sẽn boond tɩ Tamariis beenẽ, la a pʋʋs ne Wẽnnaam Sẽn-Ka-Saab yʋʋre.

Sɩngrẽ 22:9

La bãmb sẽn ta zĩig ning Wẽnnaam sẽn dag n wilg a Abrahaamã, a Abrahaam maana tẽn-kugri, n dɩk raadã n dogle. La a sẽb a biig a Izak n dogl raadã sẽn be tẽn-kugrã zugã zugu.

Sɩngrẽ 26:25

La a Izak mee tẽn-kugr beenẽ n pʋʋs ne Sẽn-Ka-Saab yʋʋre. La a tilga a fu-roogã beenẽ, la yẽnda tʋmtʋmdbã tuka bulg be.

Sɩngrẽ 28:19

Yẽnda pʋda zĩigã yʋʋr tɩ Betɛlle, la tẽngã meng yʋʋr dag n yaa Luuzi.

Sɩngrẽ 31:25

A Labã paama a Zakoobe. A Zakoob rag n tilga a fu-roogã tãngã zugu. A Labã ne a saam-biisã me tilga b fu-roogã Galaad tãngã zugu.

Sɩngrẽ 33:20

A Zakoob maana tẽn-kugr beenẽ n pʋd a yʋʋr tɩ ‹Ɛll-Elohe-Israyɛll.›

Sɩngrẽ 35:3

Tõnd na n yikame n kẽng Betɛlle. D sã n ta be, mam na n lugla tẽn-kugr n pʋʋs Wẽnnaam ning sẽn leok maam m sũ-sãangã wakatã, la b yãag maam m so-toakã pʋgẽ wã.»

Sɩngrẽ 35:7

La a Zakoob mee tẽn-kugr beenẽ, n pʋd zĩ-kãng yʋʋr tɩ Ɛll-Betɛlle, sẽn dat n togs tɩ ‹Betɛll Wẽnnaam.› Bala, yaa zĩ-kãng la Wẽnnaam vẽneg b meng ne yẽnda wakat ning yẽnda sẽn wa n zoet n na n põs a kẽem a Ezayu wã.

Sɩngrẽ 4:26

A Sɛt me paama bi-ribla, n pʋd a yʋʋr t'a Enoose. Dẽ, sẽn sɩng ne wakat-kãnga, nebã sɩngame n pʋʋsd ne Sẽn-Ka-Saab yʋʋre.

Sɩngrẽ 8:20

A Nowe mee tẽn-kugr Sẽn-Ka-Saab yĩnga. A Nowe yãka rũm-sõama wã buud fãa, la bõn-yɩgdɩ nins fãa sẽn yaa sõama wã, n kʋ n maan maoong sẽn yõogd bugum tẽn-kugrã zug Sẽn-Ka-Saab yĩnga.

A Neemi 11:31

Benzame buudã neb kẽng n tɩ zĩnda Geba, Mikmaase, Aya, Betɛll ne a tẽn-kɩremsã pʋsẽ.

Yɩɩn‑sõamyã 116:4

La mam boola Sẽn-Ka-Saab n yeele: Sẽn-Ka-Saabo, m kotame tɩ y fãag-ma!

Yikri 17:15

Dẽ, a Moyiis maana tẽn-kugri, n pʋd a yʋʋr tɩ Adonayi-Nisi.

A Ezayi 10:28

Asiiri nebã taa Ayat n pɩʋʋg Migron n tɩ bas b teedã Mikmaase.

Tʋʋma 2:21

La ned ning fãa sẽn na n pʋʋs ne Zu-soabã yʋʋr na n paama fãagre.»

1 Korẽnt rãmba 1:2

n na n tʋm Wẽnnaam tẽedbã sẽn be Korẽntã. Bãmb yaa neb sẽn welg toor Kiris maasem yĩnga, tɩ b tõe n yɩ pʋ-peelem dãmba. Sebrã yaa neb nins fãa sẽn pʋʋsd ne tõnd Zu-soab a Zeezi Kiris yʋʋre, baa b sẽn be zĩig ninga yĩnga. A Zeezi Kiris yaa bãmb Zu-soaba, la tõnd me Zu-soaba.

Ebre rãmba 11:9

Yɩɩ ne tẽeb la a kẽng n tɩ zĩnd tẽng ning Wẽnnaam sẽn kãab-a wã, wa tẽn-sãanga, n zĩnd fu-rot pʋse, ne a Izak la a Zakoob sẽn na n soog bũmb ning sẽn kãabã.

Zozuwe 18:22

Bɛt-Araba, Semarayim, Betɛlle,

Zozuwe 22:10

Rubɛn nebã ne Gaad nebã la Manaase buudã pʋɩ-sʋkã sẽn wa n ta Zʋrdẽ soolmã sẽn yaa Kana-rãmbã soolmã, bãmb mee tẽn-kug-kẽeng beenẽ, Zʋrdẽ kʋɩlgã noore.

Zozuwe 7:2

A Zozoe zĩnda Zeeriko n tʋm neb tɩ b kẽng Ayi sẽn pẽ ne Bɛt Avɛn sẽn be Betɛll tẽngã yaangã. A yeel-b lame yaa: «Kẽng-y n tɩ soos-y n ges-y tẽngã.» La bãmb kẽng n tɩ gesa Ayi,

Zozuwe 8:12

A Zozoe yãka raop sẽn kolg tus a nu n kɩt tɩ b kẽng n tɩ soond Betɛll ne Ayi sʋka, Ayi tẽngã nin-taoore.

Zozuwe 8:17

Ned ka kell Ayi ne Betɛll tẽngã sẽn ka yi n na n dig Israyɛll nebã ye. La b basa b tẽngã noy vɩɩdo, n ka page, n na n zoe n babs Israyɛll nebã.

Zozuwe 8:3

A Zozoe yika ne a tãb-biisã fãa n na n tɩ zab ne Ayi. A Zozoe yãka tãb-biis sẽn yaa gãndaad tus a tãabo, n tʋm bãmb ne yʋngo.

Zozuwe 8:30

Dẽ, a Zozoe mee tẽn-kugr Eball tãngã zug n kõ Sẽn-Ka-Saab sẽn yaa Israyɛll Wẽnnaamã.

Zozuwe 8:9

A Zozoe yeela bãmb tɩ b kẽnge. La bãmb kẽng n tɩ soonda Betɛll ne Ayi sʋka, Ayi tẽngã nin-taoore. A Zozoe kell n paa nebã sʋk yʋn-kãnga.

Bʋ-kaoodba 6:24

Dẽ, a Zedyõ mee tẽn-kugr beenẽ Sẽn-Ka-Saab yĩnga, n pʋd a yʋʋr tɩ: «Sẽn-Ka-Saab n kõt vɩ-bãane.» Tẽn-kug-kãng ket n bee a Abiyezɛɛr doogã tẽngẽ Ofra hal tɩ ta rũndã.

1 Sãmwɛlle 30:27

Woto, yẽnda yãkame n tʋm tɩ b tɩ kɩs Betɛll kãsem-dãmbã, ne Ramot sẽn be nug goabgã kãsem-dãmbã, la Yatɩɩr kãsem-dãmbã,