Sɩngrẽ 12:7 - WẼNNAAM SEBRE 2014

⁷ Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

SEBR SÕNGO

⁷ Soaala-Wẽnd lika a Abram n yeel-a: «M na n dɩka tẽn-kãngã n kõ foo ne f buudu.» Dẽ la a Abram me maan-kugr zĩ-kãnga, tɩ Soaala lik-a-la be.

Sɩngrẽ 12:7 Iomraidhean Croise

Sɩngrẽ 12:8

La yẽnda yika beenẽ n viig a fu-roogã, n kẽng tãmsã sẽn be Betɛll tẽngã yaanga. Yẽnda tɩ tilga a fu-roogã Betɛll ne Ayi sʋka, tɩ Betɛll be nin-taoor tɩ Ayi be yaanga. A Abram mee tẽn-kugr beenẽ Sẽn-Ka-Saab yĩnga, n pʋʋs ne Sẽn-Ka-Saab yʋʋre.

Sɩngrẽ 13:15

Bala, mam na n dɩka soolem ning fo sẽn ne wã, n kõ foom ne f yagensã tɩ y soog wakat fãa yĩnga.

Sɩngrẽ 13:17

Yik n gilg tẽngã n ges a woglmã ne a yalmã, bala, mam na n kõ-a-la foom tɩ f sooge.»

Sɩngrẽ 13:18

Dẽ, a Abram tilga a fu-rotã Mamre tɩɩsã sẽnẽ, n yegl Ebrõ n kẽ. La a Abram mee tẽn-kugr beenẽ Sẽn-Ka-Saab yĩnga.

Sɩngrẽ 13:4

zĩig ning yẽnda sẽn dag me tẽn-kugr sɩngrẽ wã. La a Abram pʋʋsa ne Sẽn-Ka-Saab yʋʋr beenẽ.

Sɩngrẽ 15:18

Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã.

Sɩngrẽ 17:1

A Abram sẽn wa n tar yʋʋm pis-wɛ la a wɛ, Sẽn-Ka-Saab puka b meng ne yẽnda, n yeel-a yaa: «Mam yaa Wẽnnaam Sẽn-Tõe-Fãa! Bɩ f tũ maam ne burkĩndi.

Sɩngrẽ 17:3

La a Abram lʋɩɩme n fõgen a neng tẽnga. La Wẽnnaam yeela yẽnda yaa:

Sɩngrẽ 17:8

Mam na n kõo foom ne f yagensã sẽn na n pʋgl foom f loogr zugẽ wã Kana soolmã. Yaa soolem ning fo sẽn yaa sãan a pʋgẽ wã, la mam na n kõ-f tɩ f soog wakat sẽn kõn sɛ yĩnga, la mam na n kell n yɩɩ bãmb Wẽnnaam.»

Sɩngrẽ 18:1

Sẽn-Ka-Saab puka b meng ne a Abrahaam Mamre tɩɩsã zĩigẽ, wakat ning yẽnda sẽn wa n zĩ a fu-roogã noor tʋʋlg wakatã.

Sɩngrẽ 22:9

La bãmb sẽn ta zĩig ning Wẽnnaam sẽn dag n wilg a Abrahaamã, a Abrahaam maana tẽn-kugri, n dɩk raadã n dogle. La a sẽb a biig a Izak n dogl raadã sẽn be tẽn-kugrã zugã zugu.

Sɩngrẽ 24:7

Sẽn-Ka-Saab sẽn yaa saasẽ Wẽnnaamã sẽn kɩt tɩ mam yi n bas m buudã ne m ba-yirã, bãmb sẽn gom ne maam n wẽen n yeel tɩ bãmb na n kɩtame tɩ mam yagensã soog tẽn-kãngã wã, bãmb mengã na n tʋma b malɛɛk t'a lʋɩ fo taoore, la yaa beenẽ la fo na n bao pag n wa kõ mam biigã.

Sɩngrẽ 26:25

La a Izak mee tẽn-kugr beenẽ n pʋʋs ne Sẽn-Ka-Saab yʋʋre. La a tilga a fu-roogã beenẽ, la yẽnda tʋmtʋmdbã tuka bulg be.

Sɩngrẽ 26:3

Zĩnd sãand tẽn-kãng pʋga, bala, mam bee ne foom, la m na n ning-f-la barka. Bala, mam na n dɩka tẽn-bãmb fãa n kõ foom ne f yagensã tɩ y sooge. Mam na n maana woto, n pids wẽeneg ning mam sẽn dag n wẽen ne fo ba a Abrahaamã.

Sɩngrẽ 28:13

La mikame tɩ Sẽn-Ka-Saab rag n yasa raodgã zugẽ n yetẽ yaa: «Mam yaa Sẽn-Ka-Saabo, n yaa fo yaab a Abrahaam Wẽnnaam, la a Izak Wẽnnaam. Fo sẽn gãe tẽng ning zugã, mam na n kõ-a-la foom ne f yagensã tɩ y sooge.

Sɩngrẽ 28:4

Bɩ Wẽnnaam kõ foom ne f yagensã fãa a Abrahaam barkã, n kɩt tɩ f soog tẽng ning fo sẽn yaa sãan a pʋgẽ wã. Wẽnnaam dag n dɩk-a lame n kõ a Abrahaam!»

Sɩngrẽ 32:30

Woto, a Zakoob yeela raoã yaa: «Mam kota yãmb tɩ y togs maam yãmb yʋʋre.» La raoã yeelame: «Bõe yĩng tɩ fo sokd n dat n bãng mam yʋʋre?» La yẽnda ninga a Zakoob zug bark zĩ-kãngã.

Sɩngrẽ 33:20

A Zakoob maana tẽn-kugr beenẽ n pʋd a yʋʋr tɩ ‹Ɛll-Elohe-Israyɛll.›

Sɩngrẽ 35:12

Mam na n kõo foom tẽng ninga, mam sẽn dag n kõ a Abrahaam ne a Izakã. La fo loogr zugẽ, mam na n kõo fo yagensã tẽn-kãngã.»

Sɩngrẽ 35:7

La a Zakoob mee tẽn-kugr beenẽ, n pʋd zĩ-kãng yʋʋr tɩ Ɛll-Betɛlle, sẽn dat n togs tɩ ‹Betɛll Wẽnnaam.› Bala, yaa zĩ-kãng la Wẽnnaam vẽneg b meng ne yẽnda wakat ning yẽnda sẽn wa n zoet n na n põs a kẽem a Ezayu wã.

Sɩngrẽ 50:24

A Zozɛf yeela a kẽem-dãmbã yaa: «Mam na n wa n kiime! La Wẽnnaam na n wa yiisa yãmb tẽn-kãngã, la yaa bũmb sẽn na n pidsi, la b na n tall-y lame n kẽng tẽng ning bãmb sẽn dag n wẽen n yeel tɩ b na n kõ a Abrahaam ne a Izak la a Zakoobã.»

Sɩngrẽ 8:20

A Nowe mee tẽn-kugr Sẽn-Ka-Saab yĩnga. A Nowe yãka rũm-sõama wã buud fãa, la bõn-yɩgdɩ nins fãa sẽn yaa sõama wã, n kʋ n maan maoong sẽn yõogd bugum tẽn-kugrã zug Sẽn-Ka-Saab yĩnga.

2 Sãmwɛlle 24:25

A Davɩɩd mee tẽn-kugr beenẽ, n kõ Sẽn-Ka-Saabo, la yẽnda maana maand sẽn yõogd bugum ne zems-n-taar maando. Woto, Sẽn-Ka-Saab sũurã sigame tɩ b kɩt tɩ bã-loangdgã sẽn da sãamd Israyɛll soolmã looge.

1 Rĩm-dãmbã 18:32

Dẽ, a Eli talla kug-bãmb n me tẽn-kugr Sẽn-Ka-Saab yʋʋrã yĩnga. Yẽnda tuu bok n gilg tẽn-kugrã. La bokã zulum tõe n deega rʋg-bɛd a yiib koom.

1 Kibayã 16:16

Tẽeg-y kaool ning b sẽn maan ne a Abrahaamã yelle, la wẽeneg ning bãmb sẽn wẽen ne a Izakã yelle.

1 Kibayã 16:18

N yeele: «Mam na n kõo foom Kana tẽngã tɩ yɩ yãmb pʋɩɩre.»

2 Kibayã 20:11

La ade, nin-bãmbã sẽn dond tõnd bũmb ninga, yaa tɩ b wa n na n diga tõnd n yiis yãmb soolem ning y sẽn kõ tõndã pʋgẽ.

2 Kibayã 20:7

Tõnd Wẽnnaam, ka yãmb n dig tẽn-kãngã nebã Israyɛll sẽn yaa yãmb nebã taoore, n dɩk b tẽngã n kõ a Abrahaam sẽn yaa y zoa wã yagens sɩda?

Esdras 3:2

La maan-kʋʋd a Yosadak biig a Zozoe ne a saam-biisã sẽn yaa maan-kʋʋdbã, ne a Seyaltiyɛll biig a Zorobabɛll ne a saam-biisã yikame n lebs n me Israyɛll Wẽnnaamã tẽn-kugrã, n na n maan maoong sẽn yõogd bugum beenẽ, wa sẽn gʋls Wẽnnaam dao a Moyiis tõogã pʋgẽ wã.

Yikri 17:15

Dẽ, a Moyiis maana tẽn-kugri, n pʋd a yʋʋr tɩ Adonayi-Nisi.

Yikri 24:4

La a Moyiis gʋlsa Sẽn-Ka-Saab goamã fãa. La yẽnda yika tõdbeoog n maan tẽn-kugr tãngã pende, ne kug piig la a yiibu Israyɛll buud piig la a yiibã yĩnga.

Yikri 32:13

Tẽeg-y yãmb tʋmtʋmdb a Abrahaam ne a Izak la a Israyɛll yãmb sẽn dag n wẽen ne bãmb ne yãmb meng yʋʋr n yeel tɩ: Mam na n kɩtame tɩ yãmb yagensã fɩɩg n lebg wʋsg wa ãds sẽn be yĩngrã. Mam na n kõo yãmb yagensã tẽng ning mam sẽn dag n gom a yellã n yeel t'a na n yɩɩ bãmb pʋɩɩr wakat sẽn ka sɛtã.»

Yikri 33:1

Sẽn-Ka-Saab yeela a Moyiis yaa: «Bɩ foom ne neb nins fo sẽn yiis Ezɩpt soolem pʋgẽ wã yi ka n kẽng tẽng ning mam sẽn dag n kãab a Abrahaam ne a Izak la a Zakoob n yeel tɩ m na n kõo bãmb yagensã.

Yikri 6:3

Mam vẽnega m meng ne a Abrahaam la a Izak ne a Zakoob n wilg bãmb tɩ mam yaa Pãng-Soab a Wẽnnaam. La mam ka kɩt tɩ bãmb bãng tɩ mam yʋʋr la Sẽn-Ka-Saab ye.

Yikri 6:4

La mam maana kãabg ne bãmb n yeel-b tɩ mam na n kõ-b-la Kana tẽngã, tẽng ning bãmb sẽn dag n yaa sãamb a pʋgẽ wã.

Zeremi 3:18

Wakat-kãense, Zʋʋda buudã na n naaga Israyɛll buudã, tɩ b tũ taab n yi tẽng ning sẽn be rɩtgã, n kẽng tẽng ning mam sẽn dag n kõ b yaab-rãmbã.»

Sõadga 26:53

«Bɩ f pʋɩ tẽngã n kõ tɩ Israyɛll buud fãa paam a pʋɩɩr wa sẽn zems a buudã neb sõore.

Sõadga 32:11

«Neb nins fãa sẽn yi-b Ezɩpt tẽngã, sẽn da tar-b yʋʋm pisi, la sẽn yɩɩd dẽ wã, ka na n yãnd tẽng ning mam sẽn dag n wẽen n yeel tɩ m na n kõ a Abrahaam, ne a Izake, la a Zakoobã ye. Bala, b ka sak mam noorã ye.

Tʋʋma 7:5

La Wẽnnaam ka kõ a Abrahaam zĩig ba sẽn sekd naoor rɩglg tɩ yɩ a pʋɩɩr tẽn‑kãngã pʋgẽ ye. La Wẽnnaam kãabame tɩ b na n kõo bãmb ne b yagensã tẽngã tɩ b soog-a, a Abrahaam loogr poore. La rẽ t'a Abrahaam nan ka tar biig ye. Wẽnnaam da gomame n yeel a Abrahaam a woto:

Rom Dãmba 9:8

sẽn dat n togs tɩ ka kamb nins sẽn yaa b yĩng neongã n yaa Wẽnnaam kamb ye, la yaa neb nins b sẽn kãab-bã la b geend wa b yagense.

Galat Rãmba 3:16

Kãabdã sẽn kãabã yaa a Abrahaam ne a yagengã. B ka yeel tɩ yagense, wa b yaa wʋsg ye. Yaa a yembr tãa. B sẽn yeel tɩ ‹fo yagengã› dat n togsame tɩ Kirisi.

Galat Rãmba 4:28

La yãmba, m ba-biisi, yãmb yaa kãabg kamb wa a Izake.

Yaoolem 1:8

Gese, mam kõo yãmb tẽngã. Kẽng-y n tɩ soog-y tẽng ning Sẽn-Ka-Saab sẽn dag n wẽen ne y yaab-rãmb a Abrahaam ne a Izaak la a Zakoob tɩ m na n kõo bãmb ne b yagensã.»

Yaoolem 30:20

la y nong Sẽn-Ka-Saab sẽn yaa yãmb Wẽnnaamã, n sak bãmb koɛɛgã n loe y sũurã ne bãmba. Yaa bãmb n kõt yãmb vɩɩm la yõ-woko, sẽn na yɩl tɩ yãmb tõe n zĩnd tẽng ning Sẽn-Ka-Saab sẽn yaa yãmb Wẽnnaamã sẽn dag n wẽen n yeel y yaab-rãmb a Abrahaam ne a Izaak la a Zakoob tɩ b na n kõo bãmbã.

Yaoolem 34:4

Sẽn-Ka-Saab yeela a Moyiis yaa: «Woto yaa tẽng ning mam sẽn dag n wẽen ne a Abrahaam la a Izaak ne a Zakoob tɩ m na n kõo b yagensã. Mam kɩtame tɩ fo nin yãnd-a, la f ka na n pɩʋʋg n kẽ beenẽ ye.»

Yaoolem 6:10

Sẽn-Ka-Saab sẽn yaa yãmb Wẽnnaamã sã n wa kɩt tɩ yãmb kẽ tẽng ning bãmb sẽn dag n wẽen n yeel y yaab-rãmbã, a Abrahaam ne a Izaak la a Zakoob tɩ b na n kõo yãmbã, tẽng ning sẽn tar tẽn-bɛd sẽn yaa tẽn-neeb yãmb sẽn ka me wã pʋgẽ,

Yaoolem 9:5

Ka yãmb tɩrlmã ne y pʋ-peelmã yĩng n kɩt tɩ y na n deeg b tẽngã n soog ye. Yaa bu-kãens sẽn yaa wẽnsã yĩng la Sẽn-Ka-Saab sẽn yaa yãmb Wẽnnaamã rig bãmb n yiis yãmb taoore, sẽn na n yɩlẽ n pids wẽeneg ning bãmb sẽn dag n wẽen ne y yaab-rãmb a Abrahaam ne a Izaak la a Zakoobã.

Ebre rãmba 11:13

Bãmb fãa kii ne b tẽebã, n ka paam bũmb nins b sẽn da kãab bãmbã ye. La b tool n gesa bõn-kãens yɩɩg n beel-ba, n wilg tɩ bãmb mensã yaa sãamb la kaoos-wet tẽng zug ka.

Ebre rãmba 11:8

Yaa ne tẽeb la a Abrahaam sak Wẽnd boolle, n yi n tees tẽng ning Wẽnnaam sẽn na n kõ-a t'a soogã. La a yiime n da ka mi a sẽn dabdẽ ye.

Zozuwe 1:6

Keng f meng n paam daoodo. Bala, yaa foom n na n kɩt tɩ m nebã soog tẽng ning mam sẽn wẽen n yeel b yaab-rãmbã tɩ m na n kõ-b lame wã.

Zozuwe 22:10

Rubɛn nebã ne Gaad nebã la Manaase buudã pʋɩ-sʋkã sẽn wa n ta Zʋrdẽ soolmã sẽn yaa Kana-rãmbã soolmã, bãmb mee tẽn-kug-kẽeng beenẽ, Zʋrdẽ kʋɩlgã noore.

Zozuwe 8:30

Dẽ, a Zozoe mee tẽn-kugr Eball tãngã zug n kõ Sẽn-Ka-Saab sẽn yaa Israyɛll Wẽnnaamã.

Bʋ-kaoodba 6:24

Dẽ, a Zedyõ mee tẽn-kugr beenẽ Sẽn-Ka-Saab yĩnga, n pʋd a yʋʋr tɩ: «Sẽn-Ka-Saab n kõt vɩ-bãane.» Tẽn-kug-kãng ket n bee a Abiyezɛɛr doogã tẽngẽ Ofra hal tɩ ta rũndã.

1 Sãmwɛlle 7:17

La rẽ poore, yẽnda lebgd n kuila a yir Rama. Yẽnda mi n kaooda Israyɛll nebã bʋʋd beenẽ me. Yẽnda mee tẽn-kugr beenẽ Sẽn-Ka-Saab yĩnga.