Sɩngrẽ 12:5 - WẼNNAAM SEBRE 2014

⁵ A Abram sẽn wa n yit Haran wã t'a rag n tara yʋʋm pis-yopoe la a nu. A Abram peega a pag a Sarayi ne a yao a Haran biig a Lote, la b wʋka b paoongã fãa, la b peeg neb nins fãa yẽnda sẽn dag n paam Haran tẽngã. Bãmb yiime n na n kẽng Kana tẽngã. La bãmb tõog n taa Kana soolmẽ wã.

SEBR SÕNGO

⁵ A Abram peega a pag a Sarayi ne a yao biiga, a Lot; b wʋka b sẽn da tar laog ning fãa Arã tẽnga la b rɩka Kanaã sor ne b yemse la b rakõapa. B waa n taa Kanaã tẽnga.

Sɩngrẽ 12:5 Iomraidhean Croise

Sɩngrẽ 10:19

Kana buudã neb soolem tɛk sɩngda ne Sɩdõ n dabd Geraar n tall n tɩ tãag Gaaza, n leb n yi Sodom sẽnẽ, n dabd Gomoor ne Adma la Seboyim, n tall n tɩ tãag Lesa.

Sɩngrẽ 11:27

Ad a Teera yagensã: A Teera roga a Abram, a Nahoor ne a Haran. La a Haran roga a Lote.

Sɩngrẽ 11:31

A Teera peega a biig a Abram ne a yageng a Lot sẽn yaa a Haran bi-riblã, ne a bi-pag a Sarayi sẽn yaa yẽnda bi-ribl a Abram pagã, la bãmb tũu taab n yi Ʋʋr sẽn be Kalde rãmba soolmẽ wã, n kẽng Kana tẽnga. Bãmb sẽn ta Haran tẽngã, bãmb zĩnda beenẽ.

Sɩngrẽ 13:5

A Lot sẽn dag n tũud a Abramã me rag n tara rũm-bãoonego, la rũm-bɛd ne fu-rot me.

Sɩngrẽ 13:6

Tẽngã rag n yaa bilf n ka sekd bãmb b yiibã ye. Bala, bãmb b yiibã arzegsã rag n yaa wʋsg tɩ b ka leb n tõe n zĩnd ne taab ye.

Sɩngrẽ 14:14

A Abram sẽn wa n wʋm tɩ b yõka yẽnda biigã, a baoo zab-teed n kõ yẽnda tʋmtʋmdb nins sẽn dog yẽnda zakẽ wã, la sẽn yaa gãndaadã, b sõorã yaa neb kobs-tã la piig la a nii. A Abram peega bãmb n babs rĩm-dãmbã hal n tɩ tãag Dan.

Sɩngrẽ 14:21

La Sodom rĩma yeela a Abram yaa: «Kõ maam nebã, la fo soog teedã.»

Sɩngrẽ 28:10

A Zakoob yii Bɛɛr-Seba n kẽng Haarã.

Sɩngrẽ 36:6

A Ezayu peega a pagbã ne a kom-dibli, la a kom-pugli wã ne neb nins fãa sẽn yaa yẽnda zakã nebã, ne a niigã la a rũmsã fãa, la a wʋk a paoongã a sẽn dag n paam Kana soolmẽ wã zãnga, n yi n loog n kẽng tẽng a to n zãag ne yẽnda yao a Zakoobe.

Maan‑kʋʋre 22:11

La maan-kʋʋdã sã n da yamb ne ligdi, yambã tõe n dɩɩ kũun sẽn welg toorã. Sẽn paase, yamb sẽn dog zakã pʋg me tõe n dɩɩ kũun sẽn welg toorã. Bãmb tõe n dɩɩme tɩ bala, yaa b soaal rɩɩbo.

Tʋʋma 7:4

Dẽ, a Abrahaam yi n basa Kalde-rãmbã tẽng n kẽng n tɩ zĩnd Kaarã. La bãmb ba wã kũum poore, Wẽnnaam kɩtame tɩ b yi be n wa tẽn-kãngã yãmb sẽn be moasã wã pʋgẽ.