Sɩngrẽ 12:2 - WẼNNAAM SEBRE 2014

² Mam na n kɩtame tɩ fo lebg buud wʋsg ba, la m na n ning-f-la barka. Mam na n kɩtame tɩ f yʋʋrã yi, la m kɩt tɩ fo yɩ bark sore.

SEBR SÕNGO

² M na n kɩtame tɩ f buud lebg kãsenga, m na n ning-f-la barka, m na n zẽka f yʋʋre, m na n kɩtame t'a lebg bark yʋʋre.

Sɩngrẽ 12:2 Iomraidhean Croise

Sɩngrẽ 13:16

Mam na n kɩtame tɩ fo yagensã yɩ wʋsg wa tẽng tom. Ned sã n tõog n sõd tẽngã tomã sõore, a na n tõog n sõda fo yagensã me sõore.

Sɩngrẽ 15:5

Sẽn-Ka-Saab peega a Abram n yi yɩng n yeel-a yaa: «Ade, ges sa-gãongã, la f sõd ãdsã n ges fo tõe n bãnga b sõore.» La b paasame n yeele: «Fo yagensã sõor na n yɩ a woto.»

Sɩngrẽ 17:20

La sẽn paas me, mam wʋma fo sẽn kos bũmb ning a Ismayɛll wɛɛngẽ wã. Mam na n ning-a-la barka, n kɩt t'a rog kamba, n fɩɩg n yɩ wʋsgo. Nanams piig la a yiib n na n yi yẽnda pʋgẽ, la mam na n kɩtame t'a Ismayɛll yɩ bu-kãseng ba.

Sɩngrẽ 18:18

A Abrahaam na n lebga bu-kãseng sẽn tar pãnga. Yẽnda zug maasem yĩnga, mam na n ninga dũniyã nebã fãa barka.

Sɩngrẽ 18:19

Bala, mam yãka yẽnda t'a wilg a kambã ne a yagensã sẽn na n pʋgl yẽnda n wa wã, tɩ b tũ Sẽn-Ka-Saab sore, la b maan sẽn yaa tɩrga la sẽn zemse. Woto, Sẽn-Ka-Saab na n pidsa bũmb ning bãmb sẽn dag n gom a Abrahaam wɛɛngẽ wã n kõ-a.»

Sɩngrẽ 19:29

Wakat ning Wẽnnaam sẽn wa n na n sãam tẽms nins sẽn be kunkubã zutã, bãmb tẽega a Abrahaam yelle, la b yiisa a Lot t'a põs sãoongã, wakat ning bãmb sẽn wa n na n sãam tẽms nins a Lot sẽn dag n beẽ wã.

Sɩngrẽ 24:1

A Abrahaam dag n kʋʋlame n tar yʋʋm wʋsgo. La Sẽn-Ka-Saab ning-a-la bark bũmbã fãa pʋgẽ.

Sɩngrẽ 24:35

Sẽn-Ka-Saab ninga mam soaal a Abrahaam bark wʋsgo. Bãmb lebga nin-kãsenga. Sẽn-Ka-Saab kõo mam soaal a Abrahaam rũm-bɛd ne rũm-bãoonego, la wanzuri ne sãnem, la b kõ-b yem-daad ne yem-pogse, la yʋgma ne bõense.

Sɩngrẽ 25:11

A Abrahaam kũumã zugẽ, Wẽnnaam ninga a Abrahaam biig a Izak zug barka. A Izak rag n tilga a yirã n pẽneg Lakayi-Royi bulgã.

Sɩngrẽ 26:3

Zĩnd sãand tẽn-kãng pʋga, bala, mam bee ne foom, la m na n ning-f-la barka. Bala, mam na n dɩka tẽn-bãmb fãa n kõ foom ne f yagensã tɩ y sooge. Mam na n maana woto, n pids wẽeneg ning mam sẽn dag n wẽen ne fo ba a Abrahaamã.

Sɩngrẽ 26:4

Mam na n kɩtame tɩ fo yagensã fɩɩge n lebg wʋsg wa yĩngr ãdse. Mam na n kõo fo yagensã tẽn-bãmbã fãa. La dũniyã nebã fãa na n paama bark fo yagensã zug maasem yĩnga.

Sɩngrẽ 27:29

Bɩ soolem toay-toayã neb sak foom, tɩ buud toay-toayã wõgemd fo taoore! Fo na n yɩɩ f saam-biisã soaala. La bɩ fo ma-biisã wõgemd fo taoore! Ned ning sẽn na n kãab-a foom wẽnga, a soab na n paama kãab-wẽnga, La ned ning sẽn na n ning-a fo zug barka, A soab na n paama barka!»

Sɩngrẽ 28:14

Fo yagensã sõor na n yɩɩ wʋsg wa tẽng tom. Fo yagensã na n saag n pida poorẽ la taoore, ne goabg la rɩtgo. Dũniyã nebã fãa na n paama bark foom ne f yagensã zug maasem yĩnga.

Sɩngrẽ 35:11

Wẽnnaam yeela a Zakoob yaa: «Mam yaa Pãng-Soab a Wẽnnaam. Bɩ f paam dogem n fɩɩg n lebg wʋsgo, fo na n yɩɩ bu-kãsenga, la buud wʋsg na n yii fo pʋgẽ. La rĩm-dãmb na n yii fo pʋgẽ.

Sɩngrẽ 46:3

La Wẽnnaam yeel-a lame: «Mam yaa Wẽnnaam sẽn yaa fo ba wã Wẽnnaam. Ra zoe rabeem tɩ kẽng Ezɩpt ye. Bala, yaa beenẽ la mam na n kɩt tɩ fo lebg bu-kãseng ba.

2 Sãmwɛlle 7:9

Mam zĩnda ne foom zĩis nins fãa fo sẽn kẽngã, la mam kʋʋ fo bɛɛbã f taoore, la m kɩt tɩ f yʋʋrã yi wa nin-kãsems nins sẽn be dũni wã zugã yʋy sẽn yi wã.

1 Rĩm-dãmbã 1:47

La rĩmã tʋmtʋmdb kẽng n tɩ pʋʋsa rĩm a Davɩɩd n yeele: Bɩ yãmb Wẽnnaamã kɩt t'a Salmo yʋʋr yi n yɩɩg yãmba, t'a naamã pãng yɩɩg yãmb naamã. La rĩmã pa a gãagã zug n wõgemde,

A. Zoobe 35:8

Yaa ninsaal wa foom bal n paamd toog fo wẽngã yĩnga. Fo tɩrlmã nafda ninsaalbã bala.

Yɩɩn‑sõamyã 107:38

Sẽn-Ka-Saab na n ning-b-la barka, n kɩt tɩ b sõorã lebg wʋsgo, la b ka na n sak tɩ b rũmsã sõor boog ye.

Yikri 1:7

La Israyɛll yagensã rogame n fɩɩg n pid tẽngã, la b pãngã rag n tara paasgo.

Yikri 32:10

La moasã, bas tɩ mam sũ-kãbrã wɩng n dɩ-ba. Mam na n kɩtame tɩ buud sẽn yaa kãseng yi fo pʋgẽ.»

A Ezayi 51:2

Wẽnemd-y n ges-y yãmb ba a Abrahaam, la y wẽnemd n ges y ma a Saara. Bala, mam boola yẽnda wakat ninga yẽnda sẽn dag n yaa a yembrã, la mam ning-a-la bark n kɩt t'a fɩɩge.

Ezekiyɛl 34:26

Mam na n kɩtame tɩ bãmb ne sẽn gũbg mam tãn-sõngã fãa zĩnd barka. Mam na n kɩtame tɩ saag ni a wakate, la na n yɩɩ bark saaga.

A Miise 7:20

Yãmb na n wilga a Zakoob yagensã y nonglem, la y wilg a Abrahaam yagensã y sõmblem, wa y sẽn dag n wẽen ne d yaab-rãmbã kʋdem-wẽndẽ wã.

Zakari 8:13

Dẽ, Zʋʋda buudu, Israyɛll buudu, yãmb sẽn dag n lebg kãab-wẽng bãnd bu-zẽmsã sʋk to-to wã, woto me, mam na n fãaga yãmba, la yãmb na n lebga buud sẽn tar barka. Da zoe-y rabeem ye, paam-y raoodo!»

Sõadga 14:12

Mam na n sɩbg-b-la ne bã-longdem n kɩt tɩ b sãam zãnga. Dẽ poore, mam na n kɩtame tɩ f rog buud sẽn yaa wʋsgo, n tar pãng n yɩɩd Israyɛll nebã.»

Sõadga 22:12

La Wẽnnaam yeela a Balaam yaa: «Ra tũ a Balak sẽn tʋm b rãmbã n kẽng ye. La ra kãab neb nins yell bãmb sẽn gomdã wẽng ye. Bala mam ning-b-la barka.»

Sõadga 23:20

Ade, yaa Wẽnnaam meng n kõ maam noore, N yeel tɩ m ning nin-bãmbã barka. Dẽ wã, mam ka tõe n tek bũmb ye.

Rom Dãmba 4:11

La b reega bãongã kõom sẽn yaa bãnd sẽn wilg t'a paama tɩrlem tẽeb yĩnga, la rẽ tɩ b ket n yaa moaaga. Woto, b yaa nebã fãa sẽn tẽedã ba, tɩ baa ne b sẽn ka kẽ bãongã, bɩ Wẽnnaam geelg-b tɩrlmã.

Galat Rãmba 3:14

Woto, a Abrahaam barkã na n zĩnda a Zeezi Kiris pʋgẽ bu-zẽmsã yĩnga, la ne tẽebo, bɩ tõnd deeg Sɩɩgã Wẽnnaam sẽn kãabã.

Galat Rãmba 3:7

Dẽ wã, bɩ y reeg tɩ yaa neb nins sẽn tẽedã n yaa a Abrahaam kamba.

Yaoolem 26:5

Bɩ f yeel Sẽn-Ka-Saab sẽn yaa yãmb Wẽnnaamã taoor yaa: «Mam yaabã rag n yaa Siiri neda, n saad tẽng-tẽnga. La bãmb ne b nebã sẽn ka waoogã wa n siga Ezɩpt tẽnga, n pa sãand weoog beenẽ. Dẽ, bãmb paa beenẽ n lebg bu-kãseng sẽn tar pãnga, n yaa wʋsgo.