Sɩngrẽ 11:4 - WẼNNAAM SEBRE 2014

⁴ Bãmb leb n yeelame: «Wa-y tɩ d me tẽnga, la d me gãosgo, t'a zugã woglem tẽkd saagã, la d bao yʋʋr n kõ d menga, n da wa sãeeg n pid dũniyã zãng ye.»

SEBR SÕNGO

⁴ B yeelame: «D me tẽng a ye la d yals gaosg a pʋgẽ. Yaa gaosg sẽn na n lug n tãag saaga. D tʋm n bao yʋʋre la d kell n pa zĩ yɛng la d da sẽeg moog ye.»

Sɩngrẽ 11:4 Iomraidhean Croise

Sɩngrẽ 6:4

Wakat-kãng tɩ nin-wobd bee dũniyã zugu, la b kell n zĩnda rẽ zugẽ me. Wẽnnaam kom-dibli wã sẽn wa n dɩgs ninsaalbã kom-pugli wã n maan b pagbã, b kẽe ne-ba, la b roga kamb n kõ-ba. Yaa kom-bãmb n dag n yaa kʋdem-wẽndẽ gãndaado, la b yɩɩ neb yʋʋr sẽn yi.

2 Sãmwɛlle 8:13

A Davɩɩd tɩ kʋʋ Siiri neb tus piig la a nii yamsem longã pʋgẽ. La yẽnda sẽn lebg rẽ zugẽ n wa, a yʋʋrã yii wʋsg n paase.

Yɩɩn‑sõamyã 107:26

Ko-pɛmã rag n zẽkda bãmb n kuiis yĩngri, n lebgd n sigd ne bãmb zĩ-zulumsẽ wã. La bãmb pelens yɩkame tɩ b yamã bondge.

Yɩɩn‑sõamyã 92:9

La yãmba, yãmb bee yĩngri, n yaa Sẽn-Ka-Saab wakat sẽn kõn sa yĩnga.

Yelbũna 10:7

Nin-tɩrg yell tẽegr wata ne barka, la nin-wẽng yʋʋr ka zɛɛd meneng ye.

Zeremi 51:53

Baa Babilond sã n dʋ yĩngr n me lalg sẽn tar pãng beenẽ, la ba a sã n kogl a pãng zĩisã tɩ ned ka tõe n ta beenẽ, mam na n tʋma neb tɩ b tɩ sãam-a. Maam a Sẽn-Ka-Saab n yeele.»

A Dãniyɛlle 4:11

Malɛɛkã tãsa ne pãng n yeele: Kɛ-y tɩɩgã n lubi, la y kɛ a wilã. Yolm-y-yã a vãadã, la y yor a biisã n fẽrge. Bɩ we-rũmsã zoe n yi a tẽngrã, tɩ liuuli wã me yɩk n bas a wilã.

A Dãniyɛlle 4:22

‹B na n diga yãmb n yiis ninsaalbã sʋka, tɩ yãmb tɩ vɩɩmd ne we-rũmsi. La b na n kɩtame tɩ yãmb wãbd yamd wa niigã. Meenem na n dʋʋga yãmba, la yãmb na n vɩɩmda a woto tɩ ta yʋʋm a yopoe, hal tɩ yãmb wa n bãng tɩ yaa Sẽn-Ka-To n so ninsaalbã naamã fãa, la bãmb kõt-a-la b sẽn dat-a soaba.

A Dãniyɛlle 4:27

Rĩmã yeelame: «Ges Babilond tẽn-kãsengã, yaa ne m pãngã, la mam tõog n me-a t'a lebg na-tẽnga, mam mengã waoogr ne m ziir yĩnga.»

A Dãniyɛlle 4:30

La zĩig pʋgẽ bala, gomdã paama pidsg rĩm a Nebukatnedzaar zugu. B rig a Nebukatnedzaar n yiis ninsaalbã sʋka, t'a tɩ wãbd yamd wa niigã. La meenem dʋʋga a Nebukatnedzaare. La a zoobdã yiime hal n lebg wa sɩlg kõbdo, t'a nug-yẽesã ne a nao-yẽesã lebg wa liuul nao-yẽese.

A Luk Sõng 1:51

Bãmb wilga b nug pãnga. Bãmb sãeega neb nins sẽn dag n tar wuk-m-meng tagsd b sũyã pʋsẽ wã.

A Zã Sõng 5:44

Yãmb sẽn paamd pẽgr taab nengẽ, la y ka baood pẽgr sẽn yit Wẽnnaam b yembr tãa nengẽ wã, yãmb tõe n yɩɩ wãn n tẽ?

Yaoolem 1:28

Tõnd na n kẽnga yɛɛnẽ? Tõnd saam-biisã kɩtame tɩ d raood sɛ, bãmb sẽn yeel tɩ tẽngã nebã yaa nin-bɛd la wogd n yɩɩd tõndã yĩnga, la b sẽn yeel tɩ tẽmsã yaa kãsemse, tɩ b lalsã tat saasã, la b sẽn yeel tɩ b yãnda a Anak yagensã be wã yĩnga.»

Yaoolem 4:27

Sẽn-Ka-Saab na n kɩtame tɩ yãmb sãeeg n kẽ buud a taabã fãa tẽms pʋsẽ. La yãmb na n yɩɩ bilf bal buud a taab nins pʋs Sẽn-Ka-Saab sẽn na n tall yãmb n kẽngã sʋka.

Yaoolem 9:1

Israyɛll nebã, kelg-y-yã! Dũndã, yãmb na n dʋʋga Zʋrdẽ kʋɩlgã n tɩ deeg soolem sẽn yɩɩd yãmb tɩ b pãng yɩɩd yãmb n deeg b tẽngã n sooge. Yaa tẽn-kãsems sẽn tar lal-bɛd sẽn zẽk n tat saasẽ.