Sɩngrẽ 10:10 - WẼNNAAM SEBRE 2014

¹⁰ Yẽnda reng n yɩɩ naab Babɛlle, Erɛke, Akaade, ne Kalne sẽn be Sineyaar soolmẽ wã.

SEBR SÕNGO

¹⁰ A soolma na-tẽns yɩ-la a Babɛl, a Erɛk la Akad la Kalne; fãa yaa Sinear tẽn-peelmẽ.

Sɩngrẽ 10:10 Iomraidhean Croise

Sɩngrẽ 10:9

Yẽnda rag n yaa tãoos gãndaoog sẽn tar pãng Zu-soabã taoore. Yaa woto n kɩt tɩ b mi n yetẽ tɩ: «Gãndaoog wa tãoos a Nimrood sẽn yɩ pãng soab Zu-soabã taoorã.»

Sɩngrẽ 11:2

Bãmb sẽn yik yaangã, b tɩ yãnda zĩ-long sẽn be Sineyaar soolmẽ wã, la bãmb tii beenẽ n kẽ.

Sɩngrẽ 11:9

Yaa woto n kɩte, tɩ b pʋd zĩ-kãng yʋʋrã tɩ ‹Babɛlle›, bala, yaa beenẽ la Sẽn-Ka-Saab kɩt tɩ dũniyã nebã fãa goam gẽdg taaba. La yaa beenẽ la Sẽn-Ka-Saab kɩt tɩ b sãeeg n be dũniyã zĩigã fãa.

Sɩngrẽ 14:1

Sineyaar dĩm a Amrafɛll ne Elazaar dĩm a Arzok wakatã, ne Elam dĩm a Kedorlaomeer la Goyim dĩm a Tideyall wakate,

A Ezayi 10:9

Bũmb ning sẽn paam Kalno tẽngã ka paam Karkemiis tẽngã la? Bɩ sẽn paam Hamat tẽngã ka paam Arpaad tẽngã? Bɩ sẽn paam Samaari tẽngã ka paam Damaas tẽngã?

A Ezayi 11:11

Badaare, Sẽn-Ka-Saab na n leb n tẽega b nug n fãag b buud ning sẽn kellã, yaa neb nins sẽn pa Asiiri ne Ezɩptã, la sẽn pa-b Patroos ne Kuusã, la Elam ne Sineyaar la Hamatã, ne tẽms nins koom sẽn gũbg tɩ b be ko-kãsengã sʋkã.

A Ezayi 39:1

Wakat-kãnga, a Baladan biig a Merodak-Baladan sẽn yaa Babilond dĩmã tʋma neb a Ezekɩyaas nengẽ ne sebre, la kũuni. Bala, yẽnda wʋmame t'a Ezekɩyaas lʋɩɩ bãaga, la a leb n paama laafɩ.

Zeremi 21:2

D kotame tɩ y sok Sẽn-Ka-Saab n kõ-do. Bala, Babilond dĩm a Nebukatnedzaar zabda ne tõndo. Daarninga, Sẽn-Ka-Saab na n maana bõn-bãnd tõnd yĩng n kɩt t'a lebg n looge.

Zeremi 50:1

Woto yaa koɛɛg Sẽn-Ka-Saab sẽn tũnug no-rɛɛs a Zeremi n togse, Babilond sẽn yaa Kalde rãmbã tẽngã wɛɛngẽ.

Zeremi 50:21

Kẽng-y n tɩ zab-y ne Meratayim ne Pekood tẽmsã nebã! Kʋ-y bãmb n sãam-b zãnga! Maan-y-b wa mam sẽn yeel yãmbã! Sẽn-Ka-Saab n yeele.

Ezekiyɛl 27:23

Aarã ne Kane, la Edɛn, ne Seba, la Asiiri ne Kilmaad lɛɛbdbã rag n leebda ne foom.

A Dãniyɛlle 1:2

La Zu-soabã basame t'a Nebukatnedzaar tõog Zʋʋda rĩm a Yoyakim n yõk-a, la a wʋk Wẽnnaam doogã teed kẽere. La a talla teedã n kẽng Sineyaar tẽnga, n tɩ bĩng-b a wẽnnaam-dãmbã roogẽ, b laogã bĩngr zĩigẽ.

A Amoose 6:2

Kẽng-y Kalne n tɩ gese, la y yi be n kẽng Hamat sẽn yaa tẽn-kãsengã, la y lebg n kẽ Gat sẽn yaa Filistẽ-dãmbã tẽngã n tɩ gese: Tẽn-bãmb sãoo soolem-kãensã bɩ? Bɩ b soolmã yɩɩda yãmb soolmã?

A Miise 4:10

Zeruzalɛm tẽn-neere, yãbe, la f kũs wa pag sẽn kũmd dogem! Bala, moasã, fo na n yi n basa tẽngã, n tɩ zĩnd weoogẽ, la fo na n kẽnga hal Babilonde. Yaa beenẽ la b na fãag foom, yaa beenẽ la Sẽn-Ka-Saab na n deeg foom f bɛɛbã nugẽ.

A Miise 5:6

A Zakoob buudã neb nins sẽn kellã na yɩɩ wa meenem sẽn yit Sẽn-Ka-Saab nengẽ buud wʋsg sʋka, la wa saag sẽn madgd moodo. Bãmb ka teeg ninsaal pãnga, la b ka baood baa fɩ ninsaalb nengẽ ye.

Zakari 5:11

Malɛɛkã leoka maam yaa: «B rabd n na n tɩ mee roog Sineyaar tẽng n kõ-a. B sã n me roogã n sɛ, b na n ning-a-la beenẽ, t'a pa be.»