Sɩngrẽ 1:4 - WẼNNAAM SEBRE 2014

⁴ Wẽnnaam yãame tɩ vẽenemã yaa sõama. La bãmb welga vẽenemã ne likã toore.

SEBR SÕNGO

⁴ Wẽnnaam yãeeme tɩ vẽenem yaa sõmbo, tɩ b na n welg vẽenem la lika.

Sɩngrẽ 1:4 Iomraidhean Croise

Sɩngrẽ 1:10

Dẽ, Wẽnnaam pʋda tẽn-gãongã yʋʋr tɩ ‹tẽnga›, la b pʋd koomã sẽn tigma yʋʋr tɩ ‹ko-kãsemse.› Wẽnnaam yãame tɩ bõn-kãng yaa sõama.

Sɩngrẽ 1:12

Bõn-vãad buud toor-toor yii tẽn-gãongã zugu, la mood buud toor-toor sẽn womd biis wa sẽn zems b buudã yiime, tɩ tɩɩs buud toor-toor sẽn womd biis yi wa sẽn zems b buudã sẽn yaa to-to wã. Dẽ, Wẽnnaam yãame tɩ bõn-kãng yaa sõama.

Sɩngrẽ 1:18

La bãmb n so wĩndg ne yʋngo. La b welga vẽenemã ne likã. Dẽ, Wẽnnaam yãame tɩ bõn-kãng yaa sõama.

Sɩngrẽ 1:25

Wẽnnaam naana we-rũms buud toor-toore, yir rũmsã buud toor-toore, la b naan bõn-bãooneg nins sẽn saagd tẽngã wa sẽn zems b buudu. Wẽnnaam yãame tɩ bõn-kãng yaa sõama.

Sɩngrẽ 1:31

Wẽnnaam yãndame tɩ bũmb nins fãa bãmb sẽn naanã sɩd yaa sõama hal wʋsgo. Zaabr la yibeoog zĩndame. Rẽndã yɩɩ rasem a yoob daarã.

Yɩɩn‑sõamyã 145:10

Sẽn-Ka-Saabo, yãmb tʋʋmã fãa na n pẽga yãmba, la sẽn tũud-b yãmbã na n pẽga yãmba.

Yɩɩn‑sõamyã 145:9

Sẽn-Ka-Saab yaa sõmblem soab nebã fãa yĩnga, la b nimbãan-zoeerã yãagda bãmb tʋʋmã fãa.

Kowelɛt 11:7

Vẽenem yaa noogo, la ned nin sã n yãt wĩndga, a sũur yaa noogo.

Kowelɛt 2:13

La mam yãndame tɩ yam yõod yɩɩda yalemdo, wa vẽenem yõod sẽn yɩɩd likã.

A Ezayi 45:7

Maam n naan vẽenem la m kɩt tɩ lik bida beẽ. Maam n wat ne vɩ-bãane, la maam n wat ne toogo. Maam a Sẽn-Ka-Saab n tõe n maan bõn-kãensã fãa.