Sɩngrẽ 1:1 - WẼNNAAM SEBRE 2014

¹ Sɩngr wẽndẽ, Wẽnnaam naana yĩngr la tẽnga.

SEBR SÕNGO

¹ Dũni wã sɩngrẽ Wẽnd naana yĩngr la tẽnga.

Sɩngrẽ 1:1 Iomraidhean Croise

2 Rĩm-dãmba 19:15

Rĩm a Ezekɩyaas kẽnga Sẽn-Ka-Saab taoor n pʋʋs n yeel yaa: «Sẽn-Ka-Saab sẽn yaa Israyɛll Wẽnnaam, n zao serubẽ-rãmb zugu, yaa yãmb y yembr bal n yaa dũniyã soolem-dãmbã fãa Wẽnnaam, yaa yãmb n naan yĩngr la tẽnga.

1 Kibayã 16:26

Bala, buud a taabã wẽnnaam-dãmbã fãa yaa zĩrẽ wẽnnaam-dãmbã, la yaa Sẽn-Ka-Saab n naan saasã.

2 Kibayã 2:11

La a Huram leb n yeelame yaa: «Bɩ Sẽn-Ka-Saab sẽn yaa Israyɛll Wẽnnaamã sẽn naan yĩngr la tẽngã paam pẽgre, bãmb sẽn kõ a Davɩɩde, biig sẽn tar yam la yẽesem ne bãngre, sẽn na n me roog Sẽn-Ka-Saab yĩngã, la a me a na-yir a menga yĩngã.

A Neemi 9:6

Yãmb y yembr bal n yaa Sẽn-Ka-Saabo! Yãmb n naan saasã, yãmb n naan saasẽ-saasẽ ne a ãdsã fãa, la y naan tẽn-gãongã ne bũmb nins sẽn be a pʋgẽ wã, la y naan ko-kãsemsã ne b pʋsẽ teedã fãa, yãmb n kõt bõn-naandsã fãa vɩɩm, yĩngr ãdsã fãa wõgemdeda yãmb taoore.

A. Zoobe 26:13

Bãmb vʋʋsmã pɩɩsa saasã. Bãmb nugã kʋ waaf ning sẽn zoetã.

A. Zoobe 38:4

Mam sẽn wa n na n naan dũni tɩ fo bee yɛɛnẽ? Fo sã n tara yam bɩ f togse.

A. Zoobe 9:8

Bãmb b yembr bal n yɛdg sa-gãongã, la bãmb n kẽnd ko-kãsengã zugu.

Yɩɩn‑sõamyã 102:25

Rẽ n kɩt tɩ m yeele: «Mam Wẽnnaam, yãmb vɩɩ zamaan woo zamaane! Dẽ wã, bɩ y ra reeg m vɩɩmã a sẽn wat n be a pʋɩ-sʋkã ye.»

Yɩɩn‑sõamyã 104:24

Sẽn-Ka-Saabo, yãmb tʋʋmã sõor waooga! Yãmb maana y tʋʋmã fãa ne yam. Dũniyã pida ne bũmb nins yãmb sẽn naanã.

Yɩɩn‑sõamyã 104:30

Yãmb tʋmda yãmb vʋʋsem, n lebs n naan-ba. Yãmb n palemd tẽn-gãongã.

Yɩɩn‑sõamyã 115:15

Bɩ Sẽn-Ka-Saab sẽn yaa yĩngr la tẽng naandã ning yãmb barka!

Yɩɩn‑sõamyã 121:2

Mam sõngr yita Sẽn-Ka-Saab nengẽ.» Bãmb n yaa yĩngr la tẽng naanda.

Yɩɩn‑sõamyã 124:8

Sẽn-Ka-Saab sẽn yaa yĩngr la tẽng naandã yʋʋr n fãagd tõndo.

Yɩɩn‑sõamyã 134:3

Bɩ Sẽn-Ka-Saab sẽn yaa yĩngr la tẽng naandã zĩnd Sɩyõ n ning y zug barka!

Yɩɩn‑sõamyã 136:5

Bãmb n naan saasẽ ne yam, bala, bãmb nonglmã paada wakat fãa!

Yɩɩn‑sõamyã 146:6

Sẽn-Ka-Saab n naan yĩngr la tẽnga, la b naan ko-kãsengã ne bũmb nins fãa sẽn be a pʋgã. Bãmb maanda sɩd wakat fãa!

Yɩɩn‑sõamyã 33:6

Sẽn-Ka-Saab gomdã n naan saasã, la b noorã pemsem n naan tãb-biisã yĩngrã fãa.

Yɩɩn‑sõamyã 33:9

Bala, bãmb sã n yeel bũmbu, a pidsdame. Bãmb sã n kõ noor tɩ bũmb zĩndi, a zĩndidame.

Yɩɩn‑sõamyã 8:3

Yãmb tũnuga kom-bãoonegã, ne kom-peelsã noy n wilg sẽn zabd-b ne yãmbã y pãng tʋʋmã, la y kɩt tɩ y bɛyã sẽn dat n dok a sũurã noor mume.

Yɩɩn‑sõamyã 8:4

Mam sã n get saasã sẽn yaa yãmb nus tʋʋmã, la m get kiuugã ne ãdsã yãmb sẽn ning-b b zĩisẽ wã.

Yɩɩn‑sõamyã 90:2

Sẽn deng tãmsã sẽn na n zĩndi, la sẽn deng yãmb sẽn na n naan tẽn-gãongã ne dũniyã, yãmb dag n sɩng n yaa Wẽnnaam zamaan woo zamaane.

Yɩɩn‑sõamyã 96:5

Bala, buud a taabã wẽnnaam-dãmbã fãa yaa zĩrẽ wẽnnaam-dãmbã, la yaa Sẽn-Ka-Saab n naan saasã.

Yikri 20:11

Bala, yaa rasem a yoobã pʋgẽ, la Sẽn-Ka-Saab naan yĩngr la tẽngã, la ko-kãsengã ne bũmb nins fãa sẽn be b pʋsã. La rasem a yopoe wã daare, bãmb vʋʋsame. Yaa rẽ n kɩt tɩ Sẽn-Ka-Saab ning vʋʋsg daarã bark n kɩt t'a yɩ daar sẽn welg toore.

Yikri 31:18

Bãmb sẽn gom ne a Moyiis Sinayi tãngã zug n sɛ, b kõo yẽnda kaset kug-walse, bãmb kõ-a-la kaset kug-wals a yiibu, Wẽnnaam mengã sẽn gʋls ne b nug-bila.

Yelbũna 16:4

Sẽn-Ka-Saab ka maan bũmb ba a yembr zaalem yĩng ye, la b naana nin-wẽng me toog daar yĩnga.

Yelbũna 3:19

Yaa ne yam la Sẽn-Ka-Saab yẽbg dũniyã, la yaa ne bãngr la b lugl sa-gãongã.

Kowelɛt 12:1

Tẽeg f naandã yell f bi-bɩɩlem wakate, tɩ f toogã wakat nan ka ta, tɩ yʋʋm nins fo sẽn na n wa yeel tɩ f ka tar sũ-noogã wakat nan ka kolge,

A Ezayi 37:16

«Saasẽ-Pãng-Soabã sẽn yaa Israyɛll Wẽnnaam, n zao serubẽ-rãmb zugu, yaa yãmb y yembr bal n yaa dũniyã soolem-dãmbã fãa Wẽnnaam, yaa yãmb n naan yĩngr la tẽnga.

A Ezayi 40:21

Yãmb ka mi la? Yãmb ka wʋm la? B ka reng n togs yãmb bõn-kãens hal sɩngr wẽndẽ la? Yãmb ka wʋm dũniyã yẽbgr võor la?

A Ezayi 40:26

Zẽk-y y nens n ges yĩngri! Ãnda soab n naan bõn-kãensã fãa n kɩt tɩ b fãa pukd wa tãb-biisi? Bãmb boonda ned kam fãa ne a yʋʋre, la yaa ne bãmb pãn-tõ-kãsengã ne b pãn-kãsengã.»

A Ezayi 40:28

Fo ka mi bõn-kãng la? Fo ka wʋm bõn-kãng la? Sẽn-Ka-Saab sẽn yaa Wẽnnaamã sẽn paad wakat fãa wã n naan dũniyã ween-vɩɩsã fãa. Bãmb pãng ka sɛta, la b ka yɛɛd me ye. Ned ka tõe n bãng bãmb yamã tɛk ye.

A Ezayi 42:5

Ade, Wẽnnaam Sẽn-Ka-Saab sẽn naan saasẽ n ning a zĩigẽ wã, la b yɛdg tẽn-gãongã ne a pʋgẽ teedã, n yaa soab ning sẽn kõt nebã sẽn be a pʋgẽ wã vɩɩmã, la b kɩt tɩ bũmb nins sẽn saagd tẽn-gãongã zugã tar vʋʋsmã yetame:

A Ezayi 44:24

Sẽn-Ka-Saab sẽn yaa yãmb fãagdã, sẽn naan-a yãmb y ma pʋgẽ wã yetame: «Mam yaa Sẽn-Ka-Saabo, maam n naan bũmb fãa. Maam m yembr n yɛdg sa-gãongã, yaa maam n naan tẽn-gãongã.

A Ezayi 45:18

Bala, Sẽn-Ka-Saab sẽn yaa saasã naandã n gomde. Bãmb n yaa dũniyã naanda, bãmb n naan-a n kɩt t'a yasẽ, la b ka naan-a t'a yaa zaalem ye. B naan-a lame tɩ neb tõe n zĩnd a pʋgẽ. Bãmb yetame: «Mam yaa Sẽn-Ka-Saabo, la sã n ka maam, Wẽnnaam a to ka be ye.»

A Ezayi 51:13

Fo yĩmda Sẽn-Ka-Saab yelle, yaool n yaa bãmb n naan foom! Bãmb n yɛdg sa-gãongã la b naan dũniyã! Wakat fãa fo zoeta rabeem sẽn namsd-a foomã sũ-puugrã yĩnga, wa a na n pukame n sãam foom, la namsdã sũ-puugrã bee yɛ?

A Ezayi 51:16

Mam ninga mam goamã fo noorẽ, la m luda foom ne mam nugã maasem, n yɛdg sa-gãong la m kɩt tɩ tẽn-gãong beẽ, la m yeel Sɩyõ yaa: «Yãmb yaa mam nebã!»

A Ezayi 65:17

Sɩd me, mam na n maana yĩngr-paalga, la dũni-paalga. B kõn tol n leb n tẽeg sẽn zĩnd pĩndã yell ye, b kõn leb n tags a yell ye.

Zeremi 10:12

Sẽn-Ka-Saab naana tẽngã ne b meng pãnga. Bãmb yamã kɩtame tɩ dũniyã beẽ, la b yɛdga sa-gãongã ne b bãngrã.

Zeremi 32:17

«Wẽnnaam Sẽn-Ka-Saabo, yãmb n tẽeg y nug n naan yĩngr la tẽng ne y pãn-kãsengã. Bũmb ka be yãmb sẽn ka tõe ye.

Zeremi 51:15

Sẽn-Ka-Saab naana tẽngã ne b meng pãnga. Bãmb yamã kɩtame tɩ dũniyã beẽ, la b yɛdga sa-gãongã ne b bãngrã.

Zakari 12:1

Sɩbgr koɛɛga. Sẽn-Ka-Saab koɛɛg Israyɛll wɛɛngẽ. Ade, Sẽn-Ka-Saab sẽn yaa soab ning sẽn yɛdg sa-gãongã la b vigl tẽngã, n kɩt tɩ sɩɩg be ninsaalb pʋgẽ wã yetame:

A Matiye Sõng 11:25

Wakat-kãnga, a Zeezi gomame n yeele: M ba sẽn yaa arzãn la dũniyã Zu-soaba, mam pẽgda yãmba, yãmb sẽn solg bõn-kãens ne yam-dãmba, la ne yẽesem-dãmba, n yaool n vẽneg bõn‑kãens ne kom-bãoonegã yĩnga.

A Mark Sõng 13:19

Bala, tood nins sẽn na n zĩnd da-kãens daarã, sẽn sɩng ne Wẽnnaam sẽn naan dũni hal tɩ ta moasã, a buud nan ka zĩnd ye, la tood a woto buud kõn leb n zĩnd ye, abada.

Tʋʋma 14:15

Daopa, yaa bõe tɩ y maand a woto? Tõnd me yaa ninsaalb wa yãmb bala. Tõnd moonda yãmb koe-noog n yet-y tɩ y bas wẽn-naan-kãens sẽn ka tar yõodã la y wẽnemd n sak Wẽnnaam ning sẽn vɩ wã la sẽn naan yĩngr la tẽngã, la ko-kãsengã ne bũmb nins fãa sẽn be a pʋgẽ wã.

Tʋʋma 17:24

Wẽnnaam ning sẽn naan-a dũni wã ne bũmb nins fãa sẽn be a pʋgẽ wã, bãmb yaa yĩngr la tẽng Zu-soaba, la b ka kẽed pʋʋsg rot ninsaalb nus sẽn me pʋsẽ,

Tʋʋma 4:24

Tẽedbã sẽn wʋm yõwã, b lagma taab n pʋʋs Wẽnnaam n yeel yaa: Zu-soaba, yãmb n naan yĩngr la tẽnga, la ko-kãsengã, la bũmb nins fãa sẽn be b pʋsẽ wã,

Rom Dãmba 11:36

Bũmb fãa yii bãmb nengẽ, bãmb n maan bũmb fãa, la bũmb fãa yaa bãmb yĩnga. Bãmb n so ziir wakat fãa. Ãmina.

1 Korẽnt rãmba 8:6

Ne tõndo, Wẽnnaam a yembr bal n be, n yaa ba. Bũmb fãa yita bãmb nengẽ, tõnd yaa bãmb dẽnda. La zu-soab a yembr tãa n be, a Zeezi Kirisi, soab ning maasem yĩng bũmb fãa sẽn be, la tõnd sẽn be.

Efɛɛz Rãmba 3:9

la m vẽneg yel-solemd ning sẽn dag n solg Wẽnnaam sẽn yaa bũmb fãa naandã nengẽ, wakat sẽn kaoosã n wilg nebã.

Ebre rãmba 1:10

Wẽnnaam leb n yeelame yaa: Zu-soaba, yãmba, yãmb yẽbga tẽngã hal sɩngr wẽndẽ, la yaa yãmb nusã n maan saasã.

Ebre rãmba 1:2

wakat-kãngã sẽn yaa yaoolem dayã, bãmb tũnuga b Bi-riblã n gom ne tõndo. Wẽnnaam kɩtame tɩ b soog bũmb fãa, la yaa b Bi-riblã la Wẽnnaam tall n naan dũni fãa.

Ebre rãmba 11:3

Yaa ne tẽeb la tõnd wʋmd tɩ yaa Wẽnnaam noor gomd n naan dũni, tɩ bũmb nins tõnd sẽn ne wã ka yi bũmb nins sẽn tõe n yãndã wã pʋgẽ ye.

Ebre rãmba 3:4

Bala, roog fãa yaa ned n me, la soab ning sẽn me-a bũmb fãa wã yaa Wẽnnaam.

2 Pɩyɛɛr 3:5

Sɩd me, yaa ne yamleoog la b yĩm tɩ wakat sẽn looge, saasẽ la tẽng zĩndame. Wẽnnaam gomame tɩ tẽng puk koomã sʋka, la yɩɩ koomã la Wẽnnaam kɩt tɩ lebg tẽnga.

1 Zã 1:1

Tõnd gʋlsda yãmb sẽn kẽed ne vɩɩm koɛɛga wɛɛngẽ, koɛɛg ning sẽn dag n be hal sɩngr wẽndẽ wã, tɩ tõnd wʋm a kibarã, tɩ d mens nin yãnd-a wã, tɩ tõnd ges-a wã, la d sɩɩs-a ne d nusã,

Vẽnegre 10:6

la a wẽena ne soab ning sẽn vɩ-a zamaan woo zamaanã, sẽn naan-a yĩngr ne bũmb nins sẽn be beenẽ wã, la dũniyã ne bũmb nins sẽn be beenẽ wã, la ko-kãsengã ne bũmb nins sẽn be a pʋgẽ wã, n wẽen n yeel tɩ wakatã ka na n leb n kaoos yɛs ye.

Vẽnegre 14:7

Yẽnda zẽka a koɛɛg n yetẽ yaa: Zoe-y Wẽnnaam dabeem la y waoog bãmba. Bala wakat taame tɩ bãmb na n kao bʋʋdo. Wõgemd-y soab ning sẽn naan-a yĩngr la tẽngã, ko-kãseng ne ko-bundsã taoore.

Vẽnegre 21:6

Bãmb yeela maam yaa: Maaname! Maam la Alfa la Omega, Sɩngre, la Sɛɛbo. Mam na n kõo ned ning ko-yũud sẽn tarã vɩɩm ko-bundmã zaalem.

Vẽnegre 22:13

Maam la Alfa la Omega, dẽenem la yaoolem, Sɩngre la Sɛɛbo.

Vẽnegre 3:14

Gʋls Laodiise wẽnd doogã gũud n yeel-a yaa: Ad bũmb ning sẽn yaa-a Ãmina, la kaset soab sẽn yaa tɩrga, la sɩd soabã, sẽn naan-a Wẽnnaam bõn-naandsã sẽn yeta:

Vẽnegre 4:11

Tõnd Zu-soab la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.