Rom Dãmba 9:18 - WẼNNAAM SEBRE 2014

¹⁸ Woto, bãmb zoeta ned ning b sẽn dat n zoe a nimbãanegã nimbãanega, la bãmb sẽn dat t'a soab sũur yɩ kɛgenga, b kengda a soabã sũurã.

SEBR SÕNGO

¹⁸ Sɩda Wẽnd zoeta b sẽn dat a soab nimbãanega la b kidibda b sẽn dat a soab sũuri.

KÃAB-PAALGÃ KOE-NOOGO

¹⁸ Woto, bãmb zoeta ned ning b sẽn dat n zoe a nimbãanegã nimbãanega, la bãmb sẽn dat t'a soab sũur yɩ kɛgenga, b kengda a soabã sũurã.

Rom Dãmba 9:18 Iomraidhean Croise

Yikri 10:1

Sẽn-Ka-Saab yeela a Moyiis yaa: «Kẽng Faarõ nengẽ, bala, yaa maam n kɩt tɩ yẽnda ne a tʋmtʋmdbã sũy kenge, sẽn na n yɩlẽ tɩ mam bõn-yɛɛsdsã puk bãmb sʋka.

Yikri 10:20

Sẽn-Ka-Saab kɩtame tɩ Faarõ keng a sũuri, n ka sak n bas Israyɛll nebã tɩ b loog ye.

Yikri 10:27

Sẽn-Ka-Saab kɩtame tɩ Faarõ keng a sũuri, n ka sak n bas bãmb tɩ b loog ye.

Yikri 11:10

A Moyiis ne a Aarõ rag n maana bõn-yɛɛsds-kãens fãa Faarõ taoore. Sẽn-Ka-Saab kɩtame tɩ Faarõ keng a sũuri, n ka sak n bas Israyɛll nebã tɩ b yi a tẽngẽ wã n loog ye.

Yikri 14:17

La sã n yaa ne maam, mam na n kɩtame tɩ Ezɩpt nebã keng b sũyã n pʋgl Israyɛll nebã poore. La mam na n paama waoogr Faarõ ne a tãb-bi-kʋʋngã, la a saar-dãmbã ne a wed-rʋʋdbã fãa yĩnga.

Yikri 14:4

Mam na n kenga Faarõ sũuri, t'a yik n pʋgl yãmba. Mam na n paama waoogr Faarõ ne a tãb-biisã fãa yĩnga, la Ezɩpt nebã na n bãngame tɩ mam yaa Sẽn-Ka-Saabo.» Dẽ, Israyɛll nebã maana a woto.

Yikri 4:21

Sẽn-Ka-Saab yeela a Moyiis yaa: «Moasã, fo sẽn lebg n lebd Ezɩptã, ges mam sẽn ning bõn-bãn nins fãa fo nugẽ wã, n maan-b Faarõ taoore. Mam na n kɩtame tɩ Faarõ keng a sũurã n ka sak n kõ nebã sor tɩ b loog ye.

Yikri 7:13

Dẽ, Faarõ sũurã riglmame, la wa Sẽn-Ka-Saab sẽn dag n yeelã, yẽnda ka kelg a Moyiis ne a Aarõ koɛɛgã ye.

Yikri 7:3

La maam, mam na n kɩtame tɩ Faarõ keng a sũuri, la Ezɩpt soolmã pʋgẽ, mam na n maana bãn ne bõn-bãn n yɩlme.

Yikri 9:12

Sẽn-Ka-Saab kɩtame tɩ rĩmã sũur kenge. La rĩmã ka kelg bãmb ye. Yɩɩ wa Sẽn-Ka-Saab sẽn dag n yeel a Moyiisã.

Yikri 9:7

Faarõ tʋma neb tɩ b tɩ gese, la b tɩ mikame tɩ Israyɛll nebã rũng ba a yembr ka ki ye. La baoosg zãnga, Faarõ sũur kengame t'a ka sak n bas Israyɛll nebã tɩ b loog ye.»

A Ezayi 63:17

Sẽn-Ka-Saabo, bõe yĩng tɩ yãmb bas tõnd tɩ d yeebd n zãag ne yãmb soayã? Bõe yĩng tɩ yãmb kɩt tɩ tõnd yaa tõatb n ka leb n zoet yãmba? Bɩ y lebg n wa tõnd sẽn yaa yãmb tʋmtʋmdbã yĩnga, lebg-y n wa-y buud ning sẽn yaa yãmb dẽndã yĩnga!

A Zã Sõng 12:40

«Wẽnnaam luda b ninã, la b keng b sũyã, tɩ b ra wa n yãnd ne b ninã, tɩ b ra tags n wʋm a võore, la tɩ b da wa n tek yam, tɩ mam maag-b ye.»

Rom Dãmba 11:25

Bala, m ba-biisi, mam ka rat tɩ yãmb zɩ yel-solem-kãngã ye, tɩ yãmb da wa n get y mens wa yam dãmb ye: Israyɛll nebã kenga b sũy wakat bilf yĩnga, hal tɩ bu-zẽmsã fãa na kẽ fãagrã pʋgẽ.

Efɛɛz Rãmba 1:6

Bõn-kãng yaa tɩ tõnd na zẽk bãmb barkã ziir b sẽn kõ tõnd bãmb Bi-riblã maasem yĩngã.

Yaoolem 2:30

La Hɛsbõ naab a Sihon ka sak n bas tõnd tɩ d tũ a tẽngã pʋgẽ n loog ye. Bala, Sẽn-Ka-Saab sẽn yaa yãmb Wẽnnaamã kenga a sũurã t'a kɩɩs n tõdge, sẽn na yɩl n kɩt tɩ yãmb zab ne-b n tõog-b wa yãmb sẽn ne rũndã wã.»

Zozuwe 11:20

Bala, yaa Sẽn-Ka-Saab n kɩt tɩ b riglim b sũyã n na n zab ne Israyɛlle, sẽn na n yɩlẽ tɩ Israyɛll nebã sãam-b zãng n ka zoe b nimbãanega, n menes-b wa Sẽn-Ka-Saab sẽn dag n yeel a Moyiisã.